احببتك رغماً عني (طيبة الربيعي)

بارت 1

بقلمي|طيبة محمد الربيعي🌸
ماحلل الينسب رواياتي الة او ينشرهن بدون علمي او يحذف حقوقي وينشرهن❌هذا اسمة بوك بعد كلمن وضميرة
هذي الرواية عدلتهة هناية بالانستا بيهة هواية اخطاء
بس هناية متعدلة

#أحببتك رغما عني

(للكاتبة طيبة محمد الربيعي)
احيانا قسوة الحياة تجعلنا نفقد الأمل ونوشك على التراجع عن المحاولة لانقاذ انفسنا، لكن حينها نكتشف انها بداية لنجاحنا وتصليحاً للخطايا التي اقترفناها بحق من نحب، و لكي نحصل على النجاح يجب عدم الاستسلام للذين يتمنون حقا وقوعنا في الحفرة الخبيثة التي حفروها لنا، وهكذا نكون قد أشعرناهم بالذنب الذي اقترفوه بحقنا. ولكن ليس الجميع من يمتلك الضمير لذلك توخي الحذر مع كل مخلوق هو واجب

اسراء: لج كوومي تاخرنااا علة الدوام...صخيمةةة
تالين: شبيج وزقنبوت خليني انام فد دقيقتين والله منايمة😪
اسراء: صارلج عشر ساعات نايمة دكوومي ماريد اتاخر من اول يوم
تالين: هفففف كمت الله ياخذج واخلي علة كبرج ورد الصبار حته محد يزورج بعد😤
اسراء: انهجم بيت دعواتج يا حقيرة يلاا خل نبدل ونروح علي يوصلنه اليوم
(للكاتبة طيبة محمد الربيعي)
هيجي عايشة حياتي اكل دراسة نوم، اسراء اختي كلش مزعجة اذا الوضع يخص الدوام متحب تتأخر ولا ثانية وحدة وهذا طبعهة من زمان من الابتدائي عكسي تماماً مرات اتأخر نص ساعة و بالأكثر تلث ارباع الساعة، هاي من بديت جامعة طبعاً، بس كلش دقيقة بدراستي محافظة عليهة ودرجاتي ممتازة
اسراء ترهق نفسهة زيادة عن اللزوم بس اني افكر بعقلانية اضرب عصفورين بحجر هم اتونس وهم ادرس بنفس الوقت، مثل مكلت هية عكسي تماماً للامتحان الواحد تبقة ساعات طويلة بس تراجع
شي عجيب يااخي يعني حتة بالدراسة نختلف عن بعض، هل سنة حنبدي بنفس الجامعة اني مرحلة ثانية وهية اولى(للكاتبة طيبة محمد الربيعي)
*تالين تالين بنت رشيقة بعيون سود وشعر اسود طويل عنيدة، عصبية بس كلبهة كلش طيب عمرهة 19، أسراء اختهة عمرهة 18 عكس تالين هادئة ومتحب تلاسن، عيون سود محجبة وشعرهة اسود
تشبه تالين بس بيهن اختلاف طبيعي*
بعد مخلصت اول محاضرة
اسراء: الو تالين وينج؟
تالين: هياني كدامج سدي
اسراء: اني كلش متوترة 😟
تالين: ليش؟؟
اسراء: اول يوم الية بالجامعة وبعدني ماعرف احد وخايفة اتفشل
تالين: لتفكرين يا بعد روحي هيه كم يوم وتحصلين صديقات واني موجودة همينه لو نسيتيني
اسراء: شكرا كلش رفعتي معنوياتي😒
تالين: دمشي دمشي خل نروح ناكللنه شيء ميتة من الجوع
اسراء: امشي يلا اصلا ممستغربة ام بطن
دنمشي اني وأسراء وفجاة انضربت بشي قوي عبالي الحايط!
تالين بحدة: كبر حته كبر متشووف كداامك
باوعلها بنظرة حادة
-تعاي وراية للمكتب(للكاتبة طيبة محمد الربيعي)
اسراء: عزة العزاج شلون تغلطين عليه بلا طلع المدير
على فكرة احنه جدد بهاية الجامعة، انتقلنه لهاية المنطقة لان ابوية حصل شغل هنا فصارت الجامعة القديمة بعيدة عليه فقرر ابوية ينقلني لجامعة قريبة حته ماتعذب بالروحة والجية وبنفس الوقت حتبدي وياية سوسو
مشيت ورة هذا وفجاة توقف يم باب وانصدمت بيه مرة ثانية بس هل مرة انضربت بضهرة ياااربي شنو هل حظ العندي من اول يوم
-اتفضلي دخلي
كالها بعصبية
تالين: ترة انته الي انصدمت بيه اني مسويت شيء لهذا السبب خليني ارجع عندي محاضرة ولتكع....
قاطعني قبل لا أكمل
- كافي! 😡
ياربي هسه اني شسويت حتة يعيط علية خلصني ياالهي ماريد انزل دموعي من اول يوم هفف
- اول شيء اني الاقرر شوكت تروحين وشوكت تطبين للمحاضرة (للكاتبة طيبة محمد الربيعي)
تالين: بس..
-لتقاطعيني!
تالين: هسه علساس انته اوباما حته ماقاطعك
-شكلتي ؟
تالين: لا مكلت شيء داكول تفضل😦
خوفني يمة هذا شبي
-عبالي..ثاني شيء انتي هاية الفاضج مو مال وحدة تداوم جامعة وابد ماريد اسمع منج اي غلط والا راح تتعاقبين وصدكيني راح تندمين اذا خالفتي قوانين الجامعة و بالاحرى كلامي وثالث شيء هو سؤال.. انتي واختج الي اجيتن جديدات هنا مو؟
تالين: ي احنه 😢 ممكن سؤال
-بعدني منهيت كلامي من اسمحلج تسالين عود اسالي
تالين: اوكي 😢
-تأخيرات ماريد واذا تاخرتي اكثر من عشر دقايق مطبين المحاضرة واكو عقاب همينه يلا تفضلي شنو سؤالج؟
بلعت ريكي
تالين: انته المدير؟ (للكاتبة طيبة محمد الربيعي)
-لا
تالين: لعد مالك حق تقرر عليه 😢😒
-المدير يكون ابوية واني استاذ هنا وكلامي اليمشي ويلا تفضلي على محاضرتج!
هزمتني دموعي ونزلت قبل لا الحك اطلع من المكتب يااللهي ماريد ابين ضعفي لأحد خاصة للغربة! مفد يوم هيج ضعيفة ومنهانة الة كدام هذا المستبد منو مفكر نفسةةة!!
يوسف ...هاي شبيهة زعطوطة؟ ليش بجت شنو هيج اني اخوف؟ انقهرت عليهة بس تستاهل شنو من اخلاق و السان شايلة، يوسف هيج ناس يستاهلون تعاملهم بهل طريقة ليغرنك الدموع هاي دموع التماسيح(للكاتبة طيبة محمد الربيعي)
* يوسف شاب انيق طويل مفتول العضلات، اسمراني بعيون عسلية مائلة للرصاصي، عمرة 28 وحتتعرفون علة شخصيتة اكثر ع الجايات*
اسراء ...دورت علة تالين بكل مكان بس ملكيتهة اتصلت بيهة موبيلهة مغلق ضل بالي وفكرت اروح لمكتب الشخص الي انضربت بي الصبح
دكيت الباب
يوسف: تفضل
اسراء: سلام عليكم استاذ
يوسف: تفضلي
اسراء: ردت اسالك علة اختي تالين اليوم انته اخذتهة لمكتبك اخابر عليهة ماكو دورت عليهة كل الجامعة بس ملكيتهة تعرف وين راحت؟
يوسف: ليش هي شوكت تخلص دوام يجوز راحت للبيت؟
اسراء بقلق: بعدهة ممخلصة ولا اني ومستحيل تروح بدوني اخوية يجي ياخذنه متفقين عفية استاذ متكدر تلكاهة(للكاتبة طيبة محمد الربيعي)
يوسف: امشي نشوفهة خاف صعدت بالطابق الاخير لان ماكو احد هناك ويجوز حبت تكعد وحدهة لو رادت مكان هادئ
اسراء: ماشي خل نشوف😟
جنت كاعدة بالطابق الأخير لان شوية هدوء ومابي احد اخذت كتابي وصعدت، جنت افكر بالصار واحسهة فشلة من اول يوم شنو من حظ عندي بس اريد افتهم، بجيت لان ممتعودة احد يعيط علية او يرزلني بهل طريقة حتة بالدوام بجامعتي القديمة كلهم يحبوني ومحد يعسط علية
احجي وية نفسي بصوت ممسموع سمعت صوت اسراء اختي وراية
اسراء: انتي هنا واني ساعة ادور عليج ليش كاعدة وحدج شبيج حبيبتي
تالين ...درت وجهي وشفتهة وية هذا المتعجرف مسحت دموعي وكلت
تالين: ردت اقرة وجان ماكو مكان هادئ دورت ولكيت هذا المكان كلت اكعد اقرة شوية
اسراء: ليش عيونج حمر باجية؟؟؟؟
تالين: لاا هنا تراب شوية ودخل بعيني مابيه شيء
يوسف ... من دخلت للغرفة البالطابق العلوي شفتهة كاعدة وحدهة عبالك مكسورة شنو السالفة يعني معقولة بسببي؟ ههه هو شنو الموضوع قابل اني بعبع(للكاتبة طيبة محمد الربيعي)
يوسف: ليش كاعدة هنا ومنو سمحلج اتصعدين اصلا
تالين: اني سمحت النفسي لو هم حرام الواحد يكعد وحدة شوية؟؟
يوسف: وجاوبين؟
تذكرت من عصب علية ومهما يكون هو استاذ ميصير اقلل احترامي ويا
تالين: سالتني وجاوبتك استاذ
اسراء: شكرا استاذ ساعدتني الكاهة اني اتاسف نيابة عنهة وبعد متصعد هنا
خزرت اختي! ليش تعتذرلة اني مسويت شي غلط؟!
يوسف: مصاار شيء وياريت تخليهة تعقل ومتعاند لان بوقتهة مراح تتمنه تشوف وجهي الثاني
تالين بصوت شبه مسموع: اذا هذا وجهك هيج الثاني شلون
يوسف: ولتمتمتين بينج وبين نفسج عندج شيء كولي ماعندج اسكتي يلا نزلو ولتبقون هنا اني رايح
اسراء: اشكرك استاذ مرة ثانية
يوسف: العفو(للكاتبة طيبة محمد الربيعي)
تالين ...قبل ليطلع اطاني نظرة تموت معرفت افسرهة بس مبينة مال واحد يهدد يعني اذا عدتيهة متلومين الة نفسج، يوو دروح ناقصني وجع راس اني
اسراء: امشي ننزل من اول يوم بديتي مشاكل ووية المدير طاح حظج هاي عود انتي الجبيرة
تالين: مو المدير حبيبتي يكون ابن المدير وبعدين اني مسويتلة شيء انتي شايفة شكد متكبر ومغرور ياررربي شكد مينطاق ماعرف شلون اهلة متحملي
اسراء: سدي حلكج وامشي يلا خلصنه وفاتتني محاضرة من وراج خل نروح هسه اكيد علي منتضرنه بالسيارة
تالين: هوووف اوكي
بالسيارة
علي: شلون جان يومكم بنوتات
تالين: علي اني ماريد ابقة بهاية الجا....
كرصتني اسراء قبل لا اكمل جملتي
اسراء: حبيبي علوش كلش حلو والي بيهة محترمين
تالين: بالعكس (للكاتبة طيبة محمد الربيعي)
علي: ليش توتة احد ضوجج
تالين: لا محد بس محبيتهة يمكن لان اول يوم
علي: ميخالف تتعودين اول يوم دائما صعب
* علي اخوهم الجبير عمرة 28، طويل وابيض بعيون سود ثكيل بس بطريقة حلوة يعني مو نفسية
ميقبل الغلط علة نفسة ولا علة غيرة*
تالين ...وصلنة وكالعادة ماما وبابا اتلكونة
جميلة: هلا ببنياتي لعد اخوجن وين؟
اسراء: راح يطبك السيارة ويجي
جمال: ها بابا بشرن شلونهة الجامعة ؟؟
تالين صعدت الغرفتهة مجاوبت
اسراء: حلوة بابا كلش بس تالين شوية ضايجة لان اول يوم تعرف بعد بتك
جمال: خاف بيهة شيء
جميلة: مو من عوايدهة مجاوبنه
اسراء: لا مابيهة شيء اطمنو حبايبي بس لان جامعة جديدة وهيج شنو يمة مناوية توكليني اليوم جوعانة
جميلة: من عيني روحي كعدي اخوانج بعدهم نايمين وصيحي تالين خل يجون ياكلون يلا
اسراء: ماشي مام
جميلة و جمال
جمال: مو علة بعضهة بتج اليوم لا ضحكت ولا ركضت عل اكل مثل كل مرة
جميلة: والله مادري شاكلك يابو علي بس اختهة كالت مابيهة شيء اطمن
جمال: خوش(للكاتبة طيبة محمد الربيعي)
ورة 10 دقائق
اسراء: كوموو يللاا عمر اوس كومو تعالو امي صبت الغدة
اوس: يلا كايمين
عمر: هسه اكوم انتو اكلو واني اجي
اسراء: اوكي نزلو واني حصيح تالين ونجي ناكل
اوس و عمر: ماشي
تالين ...مجان الي نفس اكل ولا حتة اكعد وية اهلي، اعرف هاية مبالغة بس ممتعودة علة هيج معاملة يعني هذا اول يوم وهيج الايام الباقية شلون؟ هوووف شكد اكره انتقل الأماكن جديدة خاصة اذا بيهة ناس متكبرين وشايفين نفسهم مثل هذا الاستاذ المطي(للكاتبة طيبة محمد الربيعي)
اسراء: توتة يلا حبي ماما صبت والكل منتضريج
تالين: ماريد اكل مجوعانة اريد انام طفي الضوة
اسراء: شبيج تالين صدك تحجين لان رزلج
تالين: هو منو؟؟؟اصلاً ناسية الشغلة بس الله يخليج عوفيني انام لان كلش تعبانة
اسراء: اوك براحتج
علة مائدة الطعام
جميلة: وينهة اختكم اشو منزلت
اسراء: تعبانه يوم وتريد تنام
جمال: اذا بيهة شيء احجي
اسراء: بابا مابيهة تعبانه واني هم تعبانه بس علمودكم اجيت اكل
علي: اخذجن اليوم تشترن ملابس
اسراء: ليش اكو مناسبة واني مادري 😐
اوس: ي عازمينه بيت خالتي زواج ابنهة لو نسيتي يل ثولة(للكاتبة طيبة محمد الربيعي)
اسراء: ي صدك والله نسيت وانتو متشترون؟
عمر: اني واوس اشترينه ضليتن بس انتن
*اوس وعمر همينه اخوان تالين، عمر 22 هم طويل لون بشرته حنطاوي عيون سود وأوس 24 طولة عادي وابيضاني وعيونه عسليات بس ميحسون بالمسؤلية مثل علي لان هو اخوهم الجبير ومعتمدين عليه، علاقتهم كأخوة كلش حلوة يحبون بعض هواية وعلي عندة مثل العسل متخمل مسؤوليتهم وية الاب والام*
علي ...رحت عود اكعد تالين بس لكيتهة كاعدة تقرة كتاب
تالين: تفضل حبيبي علاوي
علي: كومي بدلي نشتري ملابس لعرس ابن خالتج
تالين: يييي صدك والله نسيت شون راح من بالي
(للكاتبة طيبة محمد الربيعي)

يتبع ...