احببتك رغماً عني (طيبة الربيعي)

بارت 3

بقلمي|طيبة محمد الربيعي

#أحببتك رغماً عني
#طيبة الربيعي

(للكاتبة طيبة محمد الربيعي)
تالين ...هاية المرة كعدت ساعتين قبل دوامي حته ماحصل رزايل من الصبح واسراء رايحة قبلي لان دوامهة من وكت اليوم
سبحت وبدلت وسويت شعري كباية كلعادة ولبست جينس ابيض وبدي اسود ردان بي دانتيل من الظهر وحذائي AirMax الاسود
ونزلت
تالين: صباح الخير
جميلة وعلي: صباح النور
علي: هلا بالعروس يلا اني انتضرج برة
تالين باستغراب: عروس؟
جميلة: تعاي كعدي ماما عندي شغلة وياج قبل لتروحين
تالين: ليش بابا وين
جميلة: بالشغل غير لعد وين
تالين: اي صدك نسيت شكو ماما خير اقلقتيني
جميلة: عندي موضوع وياج وياريت اتفكرين قبل لتردين الجواب
تالين: يا ستار كولي
جميلة: اكو مرة طلبتج مني وهيه تكون زوجة صديق ابوج روح بالروح ومنريد نخسرهم لان خوش ناس احنه علينة نطيج واحنه مغمضين بس انتي شنو رأيج(للكاتبة طيبة محمد الربيعي)
تالين بفزع: شنوووو
جميلة: شبيج ماما انصدمتي
تالين: ماما انتي تعرفين شدتحجين تريدين تزوجيني لشخص ماعرفة بعدين تعاي هو يا هوة هذا وشلون تزوجيني واني بعدني جامعة ممخلصة
جميلة: ماما حبيبتي الولد خوش ولد وهمه ناس خيرين ومو مشكلة تكملين دراسة اذا رجلج قبل واني حجيت وية والدج واخوج علي ويعرفوه
تالين: ماما صدمتيني صراحة بهذا حجيج شنو رجلج يقبل شنو صخام ماريد ازوج اني عوفيني بحالي
جميلة: كتلج فكري لخاطر ابوج ولخاطري ابوج ميريد يخرب علاقته بصديقة وخاصة همه ناس درة مال الله(للكاتبة طيبة محمد الربيعي)
تالين بعصبية: شنو تريدون تخلصون مني
جميلة: لا حبيبتي شنو هل حجي اني وابوج نريد نفرح بيكم واريد ازوج اخوانج همينه بس انتي اجتي قسمتج قبل لا ادورلهم بنيات ومنريد نضيعهة من ايدينة فكري بابوج خطية يريد يفرح بيج
تالين: ماما ماريد يلا باي اتاخرت
جميلة: فكري زين الله وياج حبيبتي
(للكاتبة طيبة محمد الربيعي)
تالين ...امي ناوية تجلطني زواجيش واني بهل عمر استكان الجاي مادبرة انوب بيت ومسؤولية وكلب يعوي، وبعدين اني حتة دراسة بعدني ممخلصة شيوركني بدراسة وزواج بنفس الوقت، هو اني من اجيت لهاي المنطقة المصايب مامت ادك فوك راسي وحدة ورة اللاخ ماكو اوف بالنص
بالسيارة
علي: شبيج صافنه توتة
تالين: علي انته تعرف بالموضوع لتغشم روحك
علي: اي اعرف واهلي يريدون الج الخير واني اعرفة الولد وردة مال الله
تالين: انته صدك تحجي لك اني بعدني صغيرة شفهمني بالزواج وبعدين اني حته كلية ممخلصة شنو سالفتكم(للكاتبة طيبة محمد الربيعي)
علي: مصلحتج اهم من رأيج تالين ولو مو خوش ناس جان مكلنالج اصلا
تالين: منو الي راح يزوج انتو لو اني والله مازوج وشتسوون سوو
علي: صايرة اجاوبين نشوف كلمة منو تمشي يلا وصلنه انزلي
تالين بغضب: باي
طبيت واني فكري كلة بكلام ماما وعليومحسيت الة واني مضروبة بشخص منتبهت عليه بالبداية لان حنت مدنكة وامشي وبالي مشوش، ندبت حظي كلت اكيد هذا الاستاذ ابن المدير
تالين لزمت راسهة: اخخ
اسامة: اسف كلش اعتذر
تالين: عادي مصار شيء
الحمدلله مو هوة
اسامة: بالمناسبة اني اسامة
تالين: تشرفت اني تالين
اسامة: الي الشرف انتي جديدة مو؟
تالين: ايي(للكاتبة طيبة محمد الربيعي)
اسامة: اني مرحلة 3 وانتي؟
تالين: اني 2
اسامة: يا هلا اذا حتاجيتي شيء اني قسمي بالطابق الثاني اسالي عليه ويدلوج
تالين: تسلملي يارب يلا اروح اني باي
اسامة: الله وياج باي
الحمدلله مجان ذاكة اللئيم النافخ ريشة علينة، يجوز يقتلني خلاص اذا انعادت الكرة، ياا عشتو غير اقوتلة🙂🔪
يوسف ...جنت امشي بطريقي للمحاضرة لمحت الطالبة نفسهة واكفة وية طالب عندي، شوية وراحت واني همينة رحت طبيت وشفتهة كاعدة بس وحدهة بعيدهة عليهم، كلت انرفزهة شوية
يوسف: ليش كاعدة وحدج
تالين مجاوبت جان بالهة بعيد منتبهتلة
دعاء: سلام عليكم استاذ اني هنا حكعد يمهة
يوسف: وعليكم ي زين تسوين بس دير بالج لتنزل دمعتهة لتضوجيهة
تالين خنزرت عليه هو مهتم وبدة يشرح
(للكاتبة طيبة محمد الربيعي)
تالين ...انتهت المحاضرة وطلعت قبل ليطلع هو لان مابية حيل كلامة الفاضي
دعاء: تالين شبيج اليوم
تالين: ماعرف شكلج يا دعاء اجوي ناس عليه واهلي يريدوني اوافق
دعاء: ع الخير انشاءلله تصير قسمتج
تالين: شبيج انتي هم هيج اني عالة عليكم تريدون تخلصون مني
دعاء: يا سودة عليه ليش تبجين
تالسن: ماريد ازوج وماعرف الولد اصلا بلة طلع عصبي وياذيني وميخليني اداوم و....
دعاء: سدي حلكج ليش هيج تفكرين ترة اهم شيء رضى اهلج لتخالفين كلامهم وهمه اكيد يريدون مصلحتج(للكاتبة طيبة محمد الربيعي)
تالين: لا لتخافين محد يريد مصلحتي ابوية يريدني الة لان ابوه يكوم صديق ابوية المقرب حظي الفكر
دعاء: هههههههه لج بالعكس مدام ابوج يعرفهم غبية انتي
تالين: ماوافق والله
دعاء: براحتج بس الاهل ميريدون الة الخير لابنائهم تندمين ترة
تالين: لا ماندم امشي خل نروح لاسراء اختي ومناك نروح ناكل
دعاء: عندج اخت هنا؟؟(للكاتبة طيبة محمد الربيعي)
تالين: ي مرحلة اولى
دعاء: واااو حيصير عندي صديقة خبلة مثلج
تالين: ي معقدة بس تدرس لكن حشاشة اصيلة تعجبج
دعاء: هههههه دمشي خل نروح لعد
مشينة وبطريقنة صادفنة الاستاذ المتعجرف كالعادة عاقد حاجبة ويمشي بثكل، احسة ثكيل ع المعدة
دعاء: سلام استاذ
يوسف: هلا دعاء
دعاء: استاذ اريد منك الكتاب الي حجيت عنه
يوسف: روحي للمكتبة واسالي عليه كوليلهم اني دزيتج خل يطوجياه
دعاء: ييي شكرا استاذ نقذتي
يوسف: العفو
تالين بصوت ناصي: شلون مؤدب وية الكل ووياية جنه ثور هايج
يوسف: وانتي لتمتمتين بينج وبين نفسج ترة لسانج ينكص(للكاتبة طيبة محمد الربيعي)
تالين: شبيك استاذ احجي وية نفسي لو هم عندك حرام زين يصير اتنفس؟
دعاء: وج لجاوبين عزة بعينج
يوسف: حرام انتي تتنفسين اصلا ماخذة هواية هوة ويلا امشي ماريد تأخيرات
خنزرت عليه
دعاء: دمشي ولج
عرفت دعاء واسراء علة بعض وماشاءلله صارن صديقات بسرعة ونسني، بعد مخلص الدوام طلعنة اني والبنات
تالين: اجة علي يلا بنات
دعاء: يلا باي
تالين: وين باي تعاي نوصلج
دعاء: لا لا اني اروح حيجي السايق عليه
من اجة علي باوع الدعاء بنظرات غريبة بس هية معبرتة اصلاً
تالين: اوكي حبيبتي براحتج يلة نتشاوف عود
دعاء: ي حب يلا باي بنات
تالين & اسراء: مع السلامة
بالسيارة
علي: منو هاية(للكاتبة طيبة محمد الربيعي)
تالين: صديقتي دعاء
اسراء: شنو لازم عجبتك ابو اللول
علي: لاا بس غير اعرف خواتي ويامن يمشن
تالين: علينه ابو اللول
علي: انجبن مو صوجن والله
اسراء: لا حب نشاقة وياك
تالين: هههههه
اباوع من النافذة وافكر ليش خرب كلشي مرة وحدة خايفة لا اهلي يجبروني وخاصة بابا يفكر بالسمعة اكثر من كلشي، ياربي ساعدني ماحب احد يقرر نيابة عني هية مو حياتي اني؟
وصلنة للبيت ودخلنة للاستقبال سلمنة
علي & اسراء: سلام
تالين: اني صاعدة فوك
جمال: هلا يابة
جميلة: هلا بيكم
علي: بابا اريد احجي وياك اسراء صعدي فوك حبيبتي
اسراء: اوكي(للكاتبة طيبة محمد الربيعي)
جمال: ها حجيت وياهة؟
علي: يابة هيه متريد بس احنه ادرة بمصلحتهة والولد منلكة مثلة بعد بكيفكم انتة وامي شتشوفون
جميلة: شلون نقنعهة
جمال: اني احجي وياهة
تالين صعدت لغرفتي بدلت وكعدت واجة بابا دك الباب
جمال: بنتي يصير افوت
تالين: ي بابا اكيد تفضل
جمال: اشكرج بنيتي اني اريد احجي وياج باعي ادري متريدين تزوجين واني وياج بس هاية القسمة ماريدهة تفوتج واذا تحبين ابوج ومتريدين تزعلي وتقهري وتخربين علاقتة بصديق الطفولة وافقي وصدكيني لمصلحتج واريدلج مستقبل حلو
تالين: بابا اني ماريد والله بس الي تشوفو بعد
جمال: يعني اطيهم موافقةة؟؟
تالين بحزن: الي تشوفة
جمال باسهة: حبيبة ابوهة تربايتي
طلع بابا غطيت وجهي بالمخدة وصرت ابجي يعني راح سجنوني بقفص الزواج واني بهل عمر يعني بعد ماكو براحتي، يخلوني تحت سقف واحد وية انسان مشايفتة ولا اعرفة شهل ظلم، اني جنت رايدة ازوج عن حب ازوج انسان يفهمني وافهمة يحبني واحبة
(للكاتبة طيبة محمد الربيعي)
ابيت اهل يوسف
يوسف: الي تشوفو بس صدكني راح اعكر عليهة عيشته و راح تكون مجرد حايط بالبيت
ام يوسف: يمة حبيبي تقبل واحد يسوي هيج بخواتك
يوسف: لا ماقبل بس..
ابو يوسف: هاي هيه لعد اذا متقبلهة علة خواتك لتسوي بنات الناس هيج
يوسف: يابة اني الخاطرك انتة وامي و الا ماقبل لو مدري منو يجي يلة اني رايح
ابو يوسف: الله يحفظك يا ابني
ام يوسف: فديتة لابني الرجال الله وياك حبيبي
ههه عبالهم راح يفرحون الة ابجيهة دم والله الة اخليهة تطلب الطلاك بنفسهة، بسيطة اعاملهة معاملة الحيوان تالي متالي تمل وتطلع منهة الكلمة
(للكاتبة طيبة محمد الربيعي)
بيت اهل تالين
ام تالين: الو هلا ام يوسف حبيبتي شخباركم
ام يوسف: يا هلا بام علي الحمدلله انتي شخابركم طمنينة شصار
ام تالين: الحمدلله كل خير انشاءلله ابو علي وافق واذا حابين تعالو شوكت متريدون وطلبوهة من ابوهة
ام يوسف: الله يحفظكم ويوفقكم يارب انشاءلله باجر ساعه 6 العصر احنه يمكم
ام تالين: هلا بيكم تنورونا يلة اني اترخص
ام يوسف: حبيبتي مع السلامة
ام تالين: مع السلامة عيوني

ام يوسف: ابو يوسف موافقين الجماعة وباجر انشاءلله نروح نخطبهة من ابوهة
ابو يوسف: يالله خير هيج وافرح بابني قبل لا اموت
ام يوسف: اسم الله عليك ابو يوسف انشاءلله طولة العمر (للكاتبة طيبة محمد الربيعي)
ابو يوسف: الله يخليج مرتي العزيزة
يوسف ...من نزلت سمعت والدي و والدتي يحجون
يعني معقولة توافق بدون متتعرف علية؟ وين اكو هيج بهل زمن اذا مو داكة ميانة ويا ميتم الزواج
بس منية يا ترى؟ صار عندي فضول اعرف
يارب صبرك راح يدمرون حياتي بسبب قراراتهم اليتخذوهة نيابة عني
(للكاتبة طيبة محمد الربيعي)
يتبع