احببتك رغماً عني (طيبة الربيعي)

بارت 4

بقلمي|طيبة محمد الربيعي

#أحببتك رغماً عني
#طيبة الربيعي

(للكاتبة طيبة محمد الربيعي)
تالين ...وافقت بس مثل الغصة ابلعومي، زين مو المفروض اتعرف عليه بالبداية؟ مثل طبعي؟ ميتفاهم؟ صبور؟ عصبي؟ ثكيل ع المعدة؟ هفففف لو اشرد احسلي، اي والله ليش ماسويهة؟ دنجبي تالين هية مسلسل تركي حتة اتفلتين غير يرجعوج سحل
ياربي شسوي
اليوم التالي بالجامعة
يوسف ...جنت توني طالع من الجامعة اريد اروح للبيت لمحت تالين كاعدة وحدهة بس مو مثل كل مرة مرحة وشامخة لا شكلهة خايفة او مرتبكة
حاطة ايد علة ايد وصافنة
يوسف: احم
تالين: ها حرام اكعد هنا
يوسف: شبيج؟ تبجين؟
تالين: لا
يوسف: لعد هاي شنو الدموع العلة خدج
تالين: استاذ كتلك مابيه شيء عوفني بحالي مسويتلك شيء غلط يلا اروح اجة اخوية
علي: يلا تالين
يوسف: علي؟
علي: لك يوسف؟؟
يوسف: لك شلونك
تحاضنو
علي: ياربي شلون صدفة مشتاقلك اشو متبين
يوسف: حبيب كلبي علاوي انته ماكو وين ماوين
تالين باستغراب: تعرفون بعض
علي: لج هذا صديق الطفولة واخوية الماجابتة امي
تالين:😨(للكاتبة طيبة محمد الربيعي)
يوسف: شبيج مصدومة
تالين: لا ممصدومة بس
علي: يلة تالين صعدي وهسه اجيج
تالين بعدهة مستغربة: اوكي
ركبت السيارة وشفتهم يحجون ويضحكون بعدين اجة علي
علي: يلة نروح حب
تالين: ي يلة
علي: عدج علم اليوم راح يجون يخطبوج
تالين بعياط: اليوووم
علي: شبيج مكالتلج امي؟؟
تالين: خرررب ماعرف شبيكم مستعجلين بعدني حته مجايبة ملابس تريدون تخلصون مني اهئ اهئ
علي: لتبجين يا روح اخوج انتي هسه نروح نشتري
تالين: هففف
وداني علي اشتري كم شغلة بس مالي نفس كوة اخذت ورجعنة العصر تقريباً
ام يوسف: اشو تاخرتو يمة حيجون بالستة
علي: اشترت كم شغلة تالين علمود اليوم
تالين: يلة اروح احضر (للكاتبة طيبة محمد الربيعي)
ام يوسف: روحي حبيبتي
صعدت لغرفتي بدلت لبست ثوب احمر مخصر مستور نوعاً ما وشكلة نازك سادة، ملبست حذاء لان احنه بالبيت يعني وهية مجرد يطلبون ايدي، ماعرف ليش احس بشي غريب يعني اني ليش هيج معارضت اهلي واني الي ممتعودة احد يفرض رأاية علية، يارب توكلت عليك ساعدني انشاءلله يطلع حباب لان ماتحمل المعاملة السيئة، لا لا يجوز يطلع حباب لان بابا ميصادق الة الزينين واكيد ابن صديقة يطلع علة ابو، شلت شعري بتسريحة بسيطة وخصلات نازلة من ورة ومن كدام شي نازك يعني
صاحتني ماما وهنا ارتبكت كلي ونبضات كلبي تسارعت
اسراء: يمة فدوة للجمال
اوس: هاي شنو هيج انتي حلوة ومادري
عمر: لك هلو يابة بالقشطة
تالين: ولكم كافي راح اموت ياربي
اسراء: يلة ولج اجوي وماما تكول نزلي
تالين: يي وزقنوبت عساس هسه ميته عليهم اني ميكدرون ينتضرون يعني
عمر: لسانج ولج لتفضحينه كدام العالم
اوس: يلو توت نزلي واحنه وراج
تالين: هففف اوك
اطتني امي صينية الضيافة ودخلت بس هنا جانت فعلاً صدمة العمر
تالين: 😨(للكاتبة طيبة محمد الربيعي)
هذا مو ابن المدييير؟ اي والله هو، شنو هاي شديصير يا دنيا علة كيفج وحدة وحدة
يوسف ...رحنة لبيت صديق ابوية علمود نطلب بتهم
كاعد بالاستقبال اباوع لامي وابوية يسولفون وية اهلهة، درت وجهي ومستوعبت الشفتة؟ هاية تالين شتسوي هنا، بس لاااا.... لا يا الله
يوسف ضل فاك عينة وتالين ارتبكت بالزايد من باوعلهة
تالين بتلعثم: سلام عل يكم
ام يوسف&ابو يوسف: وعليكم السلام
ام يوسف: هلا حبيبتي
لا والله اذا هية هاي هية انلاصت، راح يخلوني انسجن مؤبد من وراهة
تالين ...كعدت يم ماما وختلت وراهة ففف القلق حياكلني شديصير(للكاتبة طيبة محمد الربيعي)
ام يوسف: شبيج حبيبتي خاتلة فدوة للمستحي
جميلة: ماما شبيج حبيبتي لتخافين ، خزيتينة طلعي من وراية
تالين: ...
جمال: يا هلا نورتونة
ابو يوسف: البيت منور باصحابة حبيبي ابو علي منريد نطول عليكم احنه جايين ونريد بتكم لابنه يوسف على سنة الله ورسولة ونتشرف بناس طيبين مثلكم
جمال: متطلع منا الة وخاطرك طيب ابو يوسف وتعرف انته مثل اخوية واعز والبنية الكم
ابو يوسف: حبيب كلبي الله يخليك وانشاءلله نحسبهة مثل بناتي ويوسف يحطهة بعينه
جمال: بتكم هيه تصير انشاءلله ويوسف هو ابني ويارب ميخيب ضني
يوسف بمكر: ماعاش الي يخيب ضنك عمي
(للكاتبة طيبة محمد الربيعي)
تالين ...باوعتلة من كال " ماعاش الي يخيب ضنك عمي" جانت نضرته حقيرة اكيد ناوي يحطني بكبري هو هذا كلبة حجر واناني وقاسي شجابة علية شنو هذا الحظ الطايح حظة
ام يوسف: اذا متصير زحمه نخليهم وحدهم يتعرفون علة بعض
جميلة: اكيد يلة خل نروح نكعد بالحديقة والجو حلو هسه
ام يوسف: اي ماشي لعد
جمال: تفضلو ابو يوسف
ابو يوسف: حبيبي
شنوو؟؟ راح يتركوني وية هذا الحيوان الوحشي؟
طلعو كلهم وتركوني ويا من صدك، مباوعتلة ابد
عم الصمت لمدة دقيقة فأضطر يوسف يدخل
يوسف: شعدج كاعدة هناك جنج جني تعاي يمي
تالين: الي يريدني هو يجيني وبعدين انته ليش محجيت وكتلي (للكاتبة طيبة محمد الربيعي)
يوسف: لا عبالج ميت عليج لخاطر اهلي قبلت بيج ومجنت اعرف انتي لو اعرف جان ما خليت امي تحجي وية امج اساساً
تالين: لعد كوللهم متريدني وخلاص ماريد اعيش وية انسان مثلك
يوسف بحدة: بعد صارت مو بكيفج لو بيدي مازوجج اصلا بس لخاطر اهلي
تالين: اهلي اني الي جبروني اقبل بيك افتهمت ولتعيط عليه اني مو فزاعة عندك ولتصدك فد يوم راح احبك او اخليك تتقربلي
يوسف: خل نزوج والله كريم الله ذبج مصيبة علية
تالين: يلة اروح ولصدك نفسك هواية
يوسف بحدة: احترمي وكعدي واني الي اكلج شوكت تروحين وشوكت تجين افتهمتي لو لا! شو ماعندج احترام ابد!(للكاتبة طيبة محمد الربيعي)
تالين كوة لازمة دموعهة: لتعيط
يوسف: طفلة مو بيدج
تالين: الله يخليك ماريد انته كلتهة بنفسك اني طفلة قنعهم الله يخليك
يوسف: استغفرالله امشي روحي من خلقتي كومي
تالين ...حاولت اكتم دموعي بس قبل لا اطلع نلزن 😢 شنو هذا الانسان ماعندة اسلوب، ركضت الغرفتي وسديت الباب ماريد اشوفهم