احببتك رغماً عني (طيبة الربيعي)

بارت 12 والأخير

بقلمي|طيبة محمد الربيعي

#أحببتك رغماً عني
#طيبة الربيعي

(للكاتبة طيبة محمد الربيعي)
ورة الغدة طلعنة اني ويوسف نجيب مكسرات حتة نباوع فلم محتاجين لهيج اجواء واني احب الافلام خاصة الرعب صح يخوفن ومرات مانام من الكوابيس بس مابطل لان كلش حمااس، مدري شبي يوسف من طلعنة كلب خلقتة علية وكام يخزرني والله ممسوية شي
جرني لليمنة: تعاي منا خرب دينج
تالين: استغفرالله شبيك
يوسف: امشي دمشي صوجي اني طلعتج اني زمال
مشينة للسيارة وهو وراية يمشي ويدفع بية بظهري
دخلت طبك الباب حيل همزين مطبكة علة صبعي
طب وسد الباب مالتة همينة بكل قوتة
تالين بقلق: شبيك يوسف
يوسف: خرب دينج تالين اذا مالبستي الحجاب خرب دينج
تالين: استغفرالله شبيك تكفر مو حراام
يوسف: انجبي سكتي كافي اذا فكيتي حلكج بكلمة بعد اترسة تراااب !
سكتت لان جان كلش عصبي وبس يزفر ويفشر كلش خفت خاف يمد ايدة علية من نرجع، نزلت من السيارة وداريد اطلع الجياسة من الصندوك اشو هذا دفعني علة كيف ويأشر ع البيت
يوسف بحدة: طبي(للكاتبة طيبة محمد الربيعي)
طبيت واني مستغربة من تصرفة يعني شنو هاي بعدة يغار هسه قابل بس اني الملابسة حجاب اشو العراق متروس بنات بدون حجاب، صعدت بدلت لبست بجامة حمرة فضفاضة والتيشيرت همينة احمر بس ضاب علية وشلت شعري كباية مخربطة خليت حمرة حمرة ومسكرت رموشي سمعت الباب انسدت بس بقوة اعرف هذا تعصب لان يباعولي بس شي طبيعي ترة حتة المحجبة يباعولهة ديبالغ كلش ديبالغ، بس لازم امتص غضبة لتروح تصير مشكلة ثانية وتصير صدك
نزلت تالين تتمايل بخصرهة وتلعب بخصلة شعرهة
شافهة يوسف وفك عينة هاي اول مرة تلبسلة هيج وهيج لون والحمرة دم
يوسف: تعاي تعاي
تالين ...يمة هذا شيمتص غضبة ابوية
رحتلة بخوف: ها
جر اذني: اي اي اييي يوسف اااذني
يوسف: شنو هاي الحمرة ولج هاي المن!
تالين بدلع: يوسف شبيك غير الك
يوسف رخة لزمتة ولزمهة من ذراعهة بقوة: بعد اياني اياج تبللين شفتج برة افتهمتي راسج اكصة وعلي اسكطج لتختبرين غيرتي تالين والله تشوفين يوسف ثاني(للكاتبة طيبة محمد الربيعي)
حضنتة وبستة بصدرة طبعت الحمرة عليه: بعد ماعيدهة حبيبي بس لتعصب اخاف
يوسف ...من طلعنة وعيون النعل الشباب منزلت اذا تعاركت راح تصير مصيبة وهية بنية وياية ماريد اسويلهة مشكلة وانوب افقد سيطرتي واكتلهة كدام اليسوة والميسوة، انوب كلسع تبلل شفتهة واشوفهم يباعولهة روحي شاطت ردت بس ارجع والزمهة اموتهة كتل، رجعنة لليت مخليتهة تضل واكفة طلعت العلاليك وانوب وكع جيس مني واطشرن باكيتات العصير مال فراولا هية تحبة كعدت الم بيهن واني شايط، طبيت وخليتهن ع الميز بالمطبخ وبهل اثناء نزلت حورية مو تالين ولو هية تالين الحورية، من شفتهة هيج خفت عصبيتي بس غرت يعني المن حاطة حمرة ومن الغيرة نسيت هية مرتي صارت واكيد تحط الية (للكاتبة طيبة محمد الربيعي) من شبكتني وكالت لتعصب اخاف اختفت ناري وغيرتي راحت وانوب البوسة الصارت علة صدري بوووية خلتني اموت عليهة بالزايد
بادلتهة الحضنة وبستهة بركبتهة: حبيبتي ماريد غيري يشوفج لخاطري لبسي الحجاب
تالين: من عيني والله البسة بس خلي اقتنع وانتة شجعني مو تغصبني وداعة عيونك البسة
اباوع لشفتهة والحمرة الخلتني اهيج: راح اخربط حمرتج
تالين خجلت وورة شوية يلة استوعبت قصدة بس قررت تسلم نفسهة الة مدام تاكدت من حبة وغيرتة عليهة اكبر دليل
تالين بخجل: خربطهة
هية كالت هيج واني ماعرف ليش اتلبكت يمكن لان برضاتهة، طبعت قبلة بكل رقة وحسيتهة اجاوبت وياي شلتهة وصعدت بيهة للغرفة
يوسف: تالين
تالين ذايبة: ها
يوسف: ماريد اجبرج علة شي كليلي ترضين لو لا
تالين: بس علة كيفك واني استسلم
يوسف: وعد مااذيج بس رخي
جانت احلة ليلة بحياتي كلهة مرتي وحلالي صارت متنفر مني، يا ناس ماكو احلة من الحلال شكد متروح ع الحرام عسة ما الف مرة بس من تجي للحلال تحس بلذة تحس ربك راضي عليك وانصح كل شاب ليدور هل سوالف بالحرام لان مراح يستفاد غير الذنوب، سبحنة وبدلنة سوية وتالين متباوعلي بدلت كدامي واني اتمعن بكل تفصيل بجسمهة وشعرهة المي ريحتة ريحة اطفال اويلي شكد نضيفة، لبست شورتي وهية لبست ثوب كصير فوك الركبة وبي دانتيل من الظهر
دار وجههة بيدة: حبيبتي ليش مترفعين عينج بعيني
تالين: ...(للكاتبة طيبة محمد الربيعي)
يوسف: رفعي عينج
تالين بعدتة: ححضر المكسرات
طلعت ركض ويوسف كام يضحك ونزل وراهة شافهة تحضر بدة يحضر وياهة
تالين ...استحي اباوع بعينة لبست ثوب حلو ماما جابتليا بي دانتيل من الظهر ويصير ردان طويلة فضفاضة بس هو مخصر كصير وسحرت شعري وبقيتة مفتوح وخليت حمرة بيجي ملمعة، استحي ابقة يمة وهو ديحرجني نزلت ركض شربت مي مضل دم بجسمي
بديت اطلع المكسرات واخليهن بالكاسات وهو اجة وراية و بدة يساعدني واني استحي اباوعلة
يوسف حضنهة من ورة ودفن راسة بركبتهة تالين كزبر جسمهة: يوسف😳
يوسف: احبج
تالين: اني همينة احبك
درتهة علية حصرتهة بين ايدي عالميز
صفنت بعيونهة: شكد
تالين: يوسف عفية لتحرجني كافي
يوسف: بس احبج واريد اباوع بهاي العيون
تالين ...بقيت صافنة بعيونة وهو صافن بعيوني ياربي هاي العيون رغم قساوتهن يحسسني بالامان
يوسف ...اوف يا هاي العيون لا خلت ليلي ليل ولا نهاري نهار، بعد متحملت بستهة د اكلت الحمرة كلهة(للكاتبة طيبة محمد الربيعي)
ابتعد عنهة
تالين: يوسف عفية خلاص
يوسف: هههههه هاي هية وخرنة عمي
صعدنة المكسرات فوك بالغرفة ع الجرباية ويوسف شغل فلم اكشن بس نسينة الفلم كمنة نسولف وهو كلسع يبوسني ديخرب اللحظة علينة فكرت اخبرة انو اخواني ثنينهن يريدون يجون يخطبون خواتة
تالين: اكول يوسف
يوسف: عيون يوسف
تالين: تسلم عيونك حبيبي اريد اكول شي مهم
يوسف عكد حاجبة: كولي
تالين: اوس وعمر
يوسف: اي؟
تالين: يريدون خواتك
يوسف تعصب: شنو!
تالين: علة كيفك حبيبي شبيك
يوسف: شنو السالفة تالين شنو هذا الحجي!
تالين: يريدون يجون يخطبون شبيك عصبت علة سنة الله ورسولة
يوسف: الله كريم
تالين: ليش عصبت شبيهم اخواني
يوسف: تالين عيب تجين تكليلي اخوتي يريدون خواتك هبطتيني(للكاتبة طيبة محمد الربيعي)
تالين: هههههههه غير تطيني مجال اكمل يلة تحكم
جرهة: دتعاي هسه عوفينة منهم خل اطلع قهري الايام العفتيني بيهن
تالين: خل نخلص الفلم شنية ترة تعبت
يوسف بمكر: من شنو؟
تالين جرت نفسهة منة وكامت بدلت الفلم ورجعت لحضنة
يوسف: هاي ليش
تالين: احب الرعب فدوة خلي
يوسف: خوش بعد رويحتي
حضنتهة وبدينة نباوع الفلم وكلسع تعيط وتضم وجههة بصدري هههههههه فدوة اروح الحركاتهة
يوسف: اخذت اجازة النة باجر
تالين: ترة اجايزنة كثرت ميصير
يوسف: ميخالف جا غير شهر عسل ماتهنيت بي ولتنسين اني ابن المدير شكد مااخذ اجايز محد يفك حلكة ويحجي
تالين: هههههه بس ميصير لازم اني اداوم ع الاقل هاي الأيام اخلص الي فاتني
يوسف: معليج انتي اني ادرسج خل نتونس هل ايام مدام بعدج ببداية السنة ماكو شغلات مهمه
تالين: اوكي الي تشوفة
يوسف: تالين
تالين: عيونهة(للكاتبة طيبة محمد الربيعي)
يوسف: احبج
تالين: وواني احبك
باسهة وبعدين شالو الكاسات والعصائر ورتبو المطبخ سوية وصعدو نامو
تالين ...كعدت الصبح ملكيت يوسف يمي استغربت مو اليوم ماخذين اجازة داكوم اجتني رسالة لموبيلي مكتوب " صارت شغلة بالدوام واضطريت اروح ..ليضل بالج احبج❤"
تالين: شغلتيش هاي هففف
كلت خلي اروح المكتب يوسف انضفة، فتت شفتة مرتب بس يرادلة ملمس خفيف دانضف ودك فوني باوعت علاوي اخوية
تالين: ها حبيبي
علي: تالين ماعرف شلون اكلجياهة بس يوسف سوة حادث
وكعت التحفية من ايدي بس منكسرت
تالين: شنو انته شتحجي
علي: بسرعة تعاي بتكسي بصخام محد بينة يكدر يجي (وانطاني العنوان)
وسدة(للكاتبة طيبة محمد الربيعي)
بدلت بسرعة اخذت تكسي ورحت للمكان بس المكان جان حلو وماكو بي احد ولا مبين صاير حادث وكفت اباوع منا ومنا بعدها حسيت شخص حضني من ورة
تالين كمزت: يمةةة
يوسف: اني اني حبيبتي
تالين: انته؟؟؟ مو صار وياك حادث
يوسف: ي صار
تالين تتفحص يوسف: لعد شو مابيك شي بلة اشوف
يوسف: ههههههههه ولج كافي الحادث الار وياية هوة انتي والي غير حالتي الى احسن حال
تالين ضربتة بخفة علة صدرة وكامت تبجي: بالله هاية سواية تسويهة بية يوسف هبطتني
يوسف مسح دموعهة: بعد روحي اسف
علي&دعاء&ليم&اوس&تارة&عمر: سبرااايز
تالين: هاي شنو ناصبين عليه اليون
دعاء: غير حل ماكو
ليم: اذا مننصب عليج متجين
تالين: اني اعلمكم!!! وانته عليوي اني اعلمك هبطتني الله لا يطيك
علي: تحبيني ادري بيج
تالين: 😒 لعد أسراء وين
ليم غمزتلهة: اليوم يجون خطابة علة أسراء وهسه هيه بالبيت منتضرتنه كلنه
تالين: منووو
تارة: أسامة شبيج
تالين: الحمدلله عبالي غيرة
يوسف: بس بعدج مشايفة المفاجئة باعي هناك
باعت تالين وشافت بيت صغير وداير مدايرة حديقة واسعة
تالين: هاية شنو بيت؟
عمر: لا حمام اكيد بيت
تارة:😂😂 هذا الج(للكاتبة طيبة محمد الربيعي)
يوسف: هدية بسيطة من عندي
تالين فكت عينهة وحلكهة: صدك
يوسف: تستاهلين اكثر
تالين شبكت يوسف: شكرااا حبيبي
يوسف حضنهة حيل: بعد روحي
أوس: يلا خل نطب نشوفة حته بعدين نروح للبيت ليجون الناس واحنه ماكو عيب
يوسف: يالله
ليم: طبي برجلج اليمنة
جان البيت كلش حلو وصغير بي غرفة نوم وحمام ومطبخ وصالة صغيرة بس مينوصف من الجمال كلش مرتب
تالين: يوسف ليش تكلف نفسك احنه عدنه بيت اني وياك
يوسف: ماكو شيء يغلة عليج شنو هل حجي وحبيت افرحج بشيء بسيط بسبب السويتة
تالين: اشش لتكول هيج اني اصلا نسيت
دعاء: احممم ترة احنه موجودين
علي: بعد كم يوم ابوس مرتي اني هم
دعاء صارت حمرة
علي: يا هيج الخجل ياا مانريدة
الجميع: 😂😂😂
رحنة البيت اهلي واني مجلبة بيد يوسف وفرحانة كلش احلة مفاجئة محنت متوقعتهة، اجة اسامة و ويا عمامة وامة وخواتة لان ابو متوفي الله يرحمة
طلبو ايد اسراء وابوية وافق لان يوسف وعلي كلولة عليه، ورفة ترة ازوجو وبعدها علي راح خطب دعاء واهلهة وافقة لان ابن عمهة طلع سكير وابو بنات ومحد من اهلهة جان يعرف(للكاتبة طيبة محمد الربيعي) بعدين اوس وعمر ازوجة ليم وتارة وطلعو ابيت وحدهم بس علي بقة ابيت اهلي، نارمين بقت تحفرلنة من جوة الجوة بس يوسف مسكت وكال الخالتة وخالتة مقصرت وابوهة همينة دزهة يم بيبة يوسف مقبل بعد تفوت البيت لان عرف بيهة شكد قذرة، واني حبلت وجبت ولد نسخة من حبيبي يوسف همينة يعكد حاجبة من ينام
لبست الحجاب لان يوسف شجعني واهلي همينة والاهم انو اقتنعت بي واريد ارضي ربي من كل الجوانب، اخوتي كلمن صار عندة طفل بس عمر اجا توم ولد يخبلون وعلاوي صار عندة بنية واوس ولد
(للكاتبة طيبة محمد الربيعي)
القصة مابيهة اي عبرة لان جانت اول قصة اكتبهة وبيها بعض الاخطاء و قصيرة مسويتهة كلش طويلة لان ابداية مسيرتي جنت بس اكتب هيج مو لشي
اتمنى تكون عجبتكم رايكم؟؟
اقرو رواياتي الباقيات ذنيج كولش حلوات احلة من هاية
(للكاتبة طيبة محمد الربيعي)

النهاية

#أحببتك رغما عني
#للكاتبة طيبة محمد الربيعي