احببتك رغماً عني (طيبة الربيعي)

بارت 2

بقلمي|طيبة محمد الربيعي🌸

(للكاتبة طيبة محمد الربيعي)
علي: يلا لعد بدلي واني جوة انتضرجن
تالين: اوكي دقايق
مكيجت مكياج طبيعي ومسكارة تبرز عيوني اكثر
لبست جينس ازرك وية تيشيرت ابيض وفوكا سترة بيضة وحذاء AirMax بيضة، شلت شعري كباية بسيطة مخربطة ونزلت
اسراء: يلا توت علي دينتظر
تالين: ي هياني مخلصة
جميلة: حبيباتي دير بالكم علة نفسكم ولتعبن اخوجن بالفر (للكاتبة طيبة محمد الربيعي)
تالين واسراء: لا منفتر هواية 😆
جميلة: الله وياكم ربي يحرسكم انشاءلله
طلعنة ب 5 تقريبا ورجعنة بال11 هلكانين
تالين: يا يمة تعبت
اسراء: لج يمة رجلي
علي بانزعاج: ميحبن بناتج الفر ابد
جميلة: ههههههههه هلا بيكم
جمال: ها بابا اشتريتو؟
علي:ي يابة اشترينه وهسه اني صاعد انام لان تعبت
تالين: ي والله اني طفيت ع الاخير وماريد اتاخر باجر ع الدوام
جمال: يلا صعدو نامو وتالين اذا ضوجج احد بالجامعة بس كليلي بابا
تالين بتلعثم: ه هاا ل لا بابا منو يضوجني اصلا كلهم حبابين هناكة
جمال: حبيبتي يلا صعدو نامو
جميلة وجمال: تصبحون ع خير
الباقين: اجمعين
كعدت الصبح باوعت للساعة كمزت من مكااني عزةةة بالتسعةةة راح اتأخر ساااعة خرررب حظي
لازم اروح بسرعة(للكاتبة طيبة محمد الربيعي)
تالين: لج اسراااء كومي ليش مكعدتيني راح نتاخر
اسراء بصوت ناعس: دوامي بل 11 اليوم اني انتي روحي
تالين: طاح حظج غير تحجين ثووول
اسراء: سدي الضوة حبابة
تالين
لبست جينس اسود وية بدي ابيض وربطت شعري مثل كل مرة لان طويل ويضوجني وحذائي Nike
جميلة: وين ماما اشو متريكتي
تالين: ماكدر ماما تاخرت يلا باي
جميلة: راح تموتني هاية البنية شوكت تكبر
علي: وينهة تالين اشو طلعت
جميلة: كالت تاخرت وطلعت
علي: جان اني وصلتهة خرب هسه شلون راح تروح
جميلة: لتخاف عليهة تركب تكسي
تالين(للكاتبة طيبة محمد الربيعي)
امداية اي والله عندي محاضرة وية هذا الحقنةةة وووف اكيد راح يطردني لا محالة
دكيت الباب بكل ثقة وطبيت
يوسف: بعد وكت خاف تريدين بعد تاخذين راحتج؟
تالين: لا ميحتاج ممكن تبدي هسه 😌
يوسف بحدة: روحي انتضري بالمكتب
تالين بخوف: بس ...
يوسف: طلعي برا!
فشلني الحقير سديت الباب ونزلت دمعتي امداني ليش هيج اضعععف ووف منو مفكر نفسةةة حتة لو استاذ مالة حق هيج يعاملني! شكو بيهة اذا تأخرت حتتسجل عليه لو علية! سجل الدقايق التأخرتهن وفضهة شكددد متعجرررف، مسحت دموعي وتظاهرت القوة ورحت للمكتب
انتضرته حوالي ساعة
تالين بصوت مسموع: وفوكاهة يخليني كاعدة مثل الجلب هنا
طب يوسف بهيبتة المعتادة وبحدة صوتة كال
يوسف: احم اني شحجيت وياج البارحة؟
تالين: ماذكر
يوسف: 😡(للكاتبة طيبة محمد الربيعي)
تالين بخوف: كلت لتتاخرين
يوسف: وطبقتي كلامي؟
تالين: استاذ والله العظيم هاية اختي الغبية مكعدتي لان دوامهة ب11 اليوم واني والله كعدت بسرع...
يوسف بصوت عالي: الفاضج! وانتي مو الجبيرة؟؟ المفروض انتي تكعديهة مو هيه التكعدج!
تالين نزلت راسهة: اسفة بس مجان قصدي اتاخر
يوسف: طلعي
تالين: كتلك اسفة استاذ😢
يوسف بعياط: اطلعي!
لا يا ربي بعد ناريد ابقة هنا والله امووت، طلعت وكوة لزمت نفسي ماريد ابجي شيكولون علية طفلة بأول ابتدائي، كعدت بحديقة الجامعة كولش مقهورة
شوية واجتي بنية علية
دعاء: هلو
تالين مسحت دومي ورديت السلام: هلو
دعاء: ليش دتبجين اذا بسبب استاذ يوسف ترة عادي هو هيج عصبي وميقبل ع الغلط
تالين متحملت بجت: شنو عصبي اني مسويتلة شيء وحرك كلبي بس يعيط عليةة اهئ اهئ
دعاء حضتنهة: ياا لتبجين لج طبعه هيج اذا واحد عاندة هيج يسوي بيه وانتي ليش تعاندي هاا؟
تالين: معاندته والله كعدت متاخرة خارج عن ارادتي لان اختي مو نفس وقت دوامي اليوم ومكايلتلي واضطريت اطلع بسرعه واخذت تكسي حته مكلت لاخوية يوصلني😭(للكاتبة طيبة محمد الربيعي)
دعاء: ميخالف مرة ثانية كوني حذرة، بالمناسبة اني دعاء
تالين: تالين تشرفت بيج
دعاء: الي الشرف ولضوجين لان طبيعته عصبي وميقبل ع الغلط مثل مكتلج لتعاندي كلشي ولا الطالب يعاندة او يلاسنة
تالين بنفاذ صبر: اكلج ترا ليش انتو هيج ادافعولة منو مفكر نفسه!!
دعاء: تالين ويين رايحة لج تعااي
يوسف ...كاعد بمكتبي واراجع الجداول بالحاسبة
محسيت الة الباب انفتحت بقوة رفعت عيني
تالين بعصبية: اذا ميعجبك وجودي هنا عادي كلش انو اروح منانة فهمت ماتحمل تجرحاتك وعصبيتك عليه من اول يوم واني طالبة حالي حال الباقين همه هم يغلطون ليش مسوي وياهم مثل الي دسوي وياية!!(للكاتبة طيبة محمد الربيعي)
يوسف كام وعاط بيهة: اخلاقج عيب انتي بنية وثاني مرة لتفوتين بدون اذن!
جلال: شكو شصااير
دخل المدير فجاة (ابو يوسف)
يوسف: تفضل يابة هيه هاي طالبة جايبيهة هنا!
تالين: طالبة وغصبا ع الكل فهمت ولتعيط عليه!
جلال: عل اقل احترمو وجودي كدامكم ولتعيطون
يوسف: يابة على عيني وراسي بس مجنه متفقين علة هيج طالبة متعرف قوانين الجامعة وزعطوطة حشاك
تالين: انتة مزعج الى درجة ماعرف شلون اهلك متحمليك منو مفكر نفسك!
جلال: كافي عيب عليكم انتو كبار، يوسف لتعيط وانتي لتغلطين عيب احترمو
تالين: اسفه استاذ
طلعت بدون حتة متاخذ أذن من المدير يالله شهل انسانة الطايح حظهة(للكاتبة طيبة محمد الربيعي)
جلال: شبيك وية البنية صح انته عصبي ومتقبل ع الغلط بس مو من حقك تعيط عليهة وهيه طالبة المفروض تعلمهة مو تخوفهة بعياطك
يوسف: يابة علمتهة و رغم هذا تخالف كلامي
جلال: ابني لتسوي هيج وانته تعرف اني معتمد عليك لتخيب ضني بيك
يوسف: سامحني يابة وهاي الطالبة بعد مالي شغل بيهة بس اذا شفت اقل غلطة منهة وخاصة اذا بمحاضراتي تعرف شسوي
جلال: علة كيفك وتهدة بالرحمن تعرف اني شكد تعبت حتة اكون هاي الجامعة والي يميزهة عن باقي الجامعات هو القوانين لازم تطبق بس بنفس الوقت منعوف الطالب يغلط لحد ميتعلم ومو بالعياط والعصبية مثلك بالعكس لازم اسلوب راقي يخلي يجي للطريق باقتناع