#هروب-الى-الجحيم

الجزء 8 والاخير

#هروب_الى_الجحيم
بقلمي فردوس عبد اللطيف
الجزء 8 والاخير
انى حامل وبطنى كبيرة وماكو رحمه بكلوبهم حتى البنات شابات ميساعدونى بشي وبس اتاخر على غسل ملابسهن يغلطن على ويعيرونى ويكولون جبناج من الملجأ
خالى ساهرة
وخلاله بعينج شتردين
خالا بطنى عندى مغص اليوم ما اكدر اخبز خلى وحده من البنات تساعدنى
ولج بناتى مايوكفن على تنور خبزى ولا تتعيقيلين براسنه
انى عندى الم فضيع
محمود فدوه ساعدنى بالخبز وودينى للمستشفى
ولج عندى سهرة ويه اصدقائي
انت ماعندك شعور بالمسؤليه ليش تزوجتنى اذا كارهنى ..انى تعبت بعد ما اتحمل
لج الى يسمعج يكول جبتج من بيت واهل وعزوه كلج تربايه ملاجئ
واشبيهه الملاجئ ربونه ودرسونه وعلمونه الصلاه والصوم وانت امك معلمه وتشرب ليليه ولا صلاه ولا صوم
شنو ولج
جرنى من شعرى ودخلنى بالحمام بي تواليت غربي دخل راسي بداخل التواليت همزين كنت منظفته وظل يطلع راسي ويرجعه ويكول هذه الطهارة الى جبتج منهه هم لقيطه وبنت حرام وتتفلسفين براسي
بعدين ركع راسي بالحايط لحد ما شمرنى عالارض
ماحسيت بالدنيا غمى على وصار عندى نزيف
هو دار وجهه وطلع
امه ودتنى للمشفى بقيت يوم لحد ما سيطرو على النزيف وجيبونى طلوك صناعى حفاظا عالطفل
جبت ولد سما رافد بقى النزيف بعد الولاده انطتنى الدكتورة علاج ابر وطلعونى على مسؤليتهم حتى اشتغل بالبيت..تونى جايبه وصاحتنى عمتى
ساهره يالى البيت وسخ المواعين مكومه
خالا تونى جايبه مابي حيل والنزيف بس اتحرك يستمر
كومى الى يسمعج يكول بنت الباشا.على شنو جبناج وشلتى اسم ابنى
مجاوبتهه كمت اسحل روحي سحل اجه خاله شافنى كوة امشي ظل يرزل باخته وبناتهه
ولكم انتو ما بكلبكم رحمه
خطيه توهه جايبه وهيجى تسوون بيهه
انت متعرف بس ندللهه تشيخ علينه
حرام عليج ساهره باجر توكعين خليهه تحن عليج
ختولى معليك بيهه
راح الخال وراه جتى ست نبيله
بوستنى وبجيت كتلهه انى عايشه بجحيم فدوه خلصينى
يمه تحملى بلكي يتغير راح اكلم ساهره
نبيله...ساهره حبيبتي ليش ابنج هيج يعامل فاطمه هم خطيه بحكم يتيمه
او نبيله تعرفين ابنى مستهتر وهاى تصرفاته محد يكدر عليه
بس ياعيني عاشروهم بالمعروف حتى الله ميرضاها
اى عود احجى وياه
من طلعت نبيله
جتى ساهره وعيونهه شرار وبناتهه هجمن على ضربونى ليش تحجين اسرار بيتنه للست نبيله
حصلتلى كتله ولا تغيرو
بقيت عايشه وياهم يقلدون ويستهزئون بي وانى متحمله
اجه محمود فاطمه فرغى اغراض الغرفه مالتنه بعتهه
شنو بعتهه وين اخلى اغراضنه
وانى شكو خليهم باكياس
وليش تبيعهه
محتاج فلوس منو ينطيني امج لو ابوج الى زنو بالحرام وخلفوج
لا تحجى هيج على اهلى
ولج لا تجاوبين
نفس الحاله ضربنى لحد ما يغمى على يالى يعوفنى
صرت اكرهه واكره اهلى الى وصلوني لهالحال
حملت بطفل ثانى وحالتى نفس الشئ
من سئ الى اسوأ ومحمود ماعنده شعور بالمسؤليه لا بالبيت ولا بابنه وبي ولا تجاه امه وخواته  ولدت بنت سميتهه امال صار عمر بنتى سنه وانى نفسيتي تعبت عيالى يحتقروني ومتصورين انى بنت حرام وزوجى محتقرنى ويعرف شيسوى بي ماعندى مكان اروحله
فديوم فكرت اهرب منهم
بعدين كلت وين اروح وياي طفلين كنت وحدى والله نجانى من الشوارع وصرت بالملجأ بهالاثناء اجه خال محمود
هلى خالو اشلونك
الحمد لله بنتى انت اشلونج
والله خالى مو زينه
وين ساهره والباقين
راحو معزومين حنه بنت معلمه وياهم
ليش ماخذوج وياهم
خالو يستنكفون منى
ليش بنتى انى اشوفج انسانه خدومه وحبابه
خالو راح احجيلك سر حياتي الى محد يعرف بي الا الله وانت واريدك تساعدني
كولى بنتى انى بمقام ابوج
اشكرك خالى انى  عندى اهل وام واب وبنت عشاير وعندى عمام بس قصتى بدت من تطلكو امى وابوى وكل واحد فكر بنفسه وتزوج ما فكرو عدهم طفله راح تبقى وحيده لو واحد متحمل الثاني ومضحى ومامفكر بانانيه مجان هذا مصيري
وبعد ما غرك اخوى ليث هربت منهم لان خفت لا يحملونى مسؤليه غرق ليث
زين خالى انت تعرفين اسم عشيرتج ووين يسكنون
اى خالو اعرف
تسمحيلي اروح عليهم واحجيلهم عنج
والله خالى اخاف بس يمكن اذا عرف محمود وامه عندى اهل وعشيره بعد ميعيرونى
انطيني عنوانهم واسماء عمامج
سافر الخال الى الناصريه وصل للقضاء الى بي اهل فاطمه
بقى يسال على اسم ابوهه واخوته
لحد ما وصل لعمهه عنده محل بالسوق
السلام عليكم
حياك الله خوى عليكم السلام
تفضل
والله انى جايلك بموضوع شخصي وما ينحجى بالسوك
زين حجى تدلل اليوم غداك يمنه بالمضيف ونجلس ويه اخوتى ونسولف
كمل شغله عم فاطمه واخذ الخال وراحو لمضيف عمامهه
بعد وجبه الغدا وشرب الشاى
تفضل ضيفنه تكلم نسمعك
راح اسولفلكم سالفه قديمه وغريبه
كانت بنت اسمهه فاطمه قبل 18 سنه ابوها جمعه امهه سهيله اختلفو وتطلقو وكلمن تزوج
وصلت حجى فاطمه ماتت غركت ويه اخوهه
لا فاطمه عايشه ومتزوجه ابن اختى وعدهه طفلين
ظلو واحد يباوع عالثانى
لعد وين جانت
لا تفهمون غلط
البنيه طفله ومن غرك اخوهه خافت تحملوهه المسؤليه لذلك هربت لبغداد بالقطار الى يمر بالقضاء مالتكم وهناك اهل الخير ودوه
ه لماجأ الايتام وربوهه وكبرت وتزوجت
ابوهه ظل يبجى وعمامهه هم انقهرو عرفو نفسهم مقصرين بحقهه
اتفقو يرحون مع خال محمود
راحو لبيت ساهره واخذو فاطمه واطفالهه
بقت ساهره متفاجئه ومحمود ظل وجهه فاهى
وعرفو عدهه اهل وعشيرة
وصلت فاطمه للقضاء تلكوهه عمامهه بالاحضان وراحت لبيت امهه والتقت بيهه
يمه سامحينى انى هربت من خوفى منكم بس انت فرقتى بيني وبين اخوى
ظلت تبجى امهه وحظنتهه وكلتلهه انتى سامحينى
كعدت فاطمه تسولف لاهلهه وعشيرتهه عالضيم الى شافته من محمود واهله
ابوهه كال الا اطلكج منه
لا بويه اطلك ومصير اطفالى مثل مصيري خليني اتحمله
اجه محمود يريد يرجع زوجته
ابوهه وعمامهه
محمود انت ظلمت بنتنه لانك اعتبرتهه بدون اصل مانطيك اياها الا تخطبهه من عمامهه وابوهه من جديد وشوطنه تبطل شرب الخمر وتشتغل
محمود اضطر يجيب مشايه (يعنى مجموعه من الوجهاء للخطوبه)
وخطبهه من جديد
اشترالهه غرفه واشتغل وكل كم شهر تروح لاهلهه تزورهم
تغيرت معامله محمود واهله لفاطمه بعد ماعرفو عدهه اهل وعشيرة وعاشت مع زوجهه وربت اطفالهه وماتخلت عنهم لكن محمود مرات يشرب بس ميكدر يضربهه مثل السابق لان يخاف من عشيرتهه
هذه قصه فاطمه الى شافت العذاب بسبب انانيه ابوهه وامهه
احب انصح كل زوجين مهما كانت المشكله بينكم لازم اكو الهه حل لاتستعجلون بقرار الطلاق لان ابناءكم يدفعون الثمن غالى
احبابي ارجو ان استمتعتم بقصتى
وهذه قصيده مهداة من الشاعر محمد البياتي لمواكبه احداث القصه

ترقبونى بقصه جديده
الكاتبه فردوس عبد اللطيف  f