فصيلتي المدللة

ج4

اريد تفاعل قوي حتى اكمل ليش الكسل 🤔🤔
#بيبوو
فصليتي_مدللة
الجزء الرابع
Ganat Alomr
وعد : شصار يعني فضت الحمد لله ..
اسلام : على شنو الحمد لله شو جنك راضي
وعد : ع الزين والموزين الحمد لله اسلام .. عينك على ابويه ترة تعب وفراك امجد هد حيلنا ... كافي انته لاتزيدها احنا ندري الولد مو متقصد وهذا قضاء وقدر
اسلام : واني مهد حيلي فراك امجد .؟؟..بس انتو
تربد تعوف ثار اخوك
وعد : وك خويه من شوكت كمت تحجي انته بالثارات ليش هيج ... ياخويه احنا مو هيج ومو هذا ثوبنا وامجد الله يرحمه جان امانه عدنا واخذها صاحب الامانه
اسلام : هسه على شنو رسيتو
وعد : ابويه وكع حكنا وكاللهم نتنازل عن الولد وخلص كلشي ينتهي
هم الناس بعد حجي ابويه وكرمه كرمونه بنتهم عايشه ابغداد
اسلام : شنو شنو وكع حكنا حتى سجن ماكو
وعد : ياخويه كافي قدر اخويه الي جوة التراب وصاحبي بالسجن ارحمنى حرام عليك
اسلام : اي خوش لعد بالخير عليكم اخت كتال اخوك خل تكابلك طول عمرك ( عفته ومشيت)
وعد : اسلام اسلام تعال انته شنو قصدك
اسلام : قصدي واضح خاف عبالكم اخذها لاتحلمون مستحيل يصير هذا الشي
وعد : انته صاحي للتكوله اني متزوج ومرتي بت عمك شلون اخلي ضرة على راسها
اسلام : هاي مشكلتكم حلوها
 وعد : شنو مشكلتكم اسلام ناوي تكسر كلمه ابوك انت صدك تحجي مخلاني اكمل حجيي وياه عافني وراح اخويه واعرفه راسه يارس وماراح يعدي الموضوع بالسهل شلون ياربي بهل المصيبه
 ماعندي غير حل رحت هلى ابويه حجيتله السالفه ابويه بقى حاير مثلي ميعرف شيكول وشيحجي كال عوفني وحدي هسه
بليل رجعت من برة عرفت ابويه حاجي ويااسلام وطبعا متاكد ميفيد وياه الحجي راجع حاجي ويا زوجتي ومفهمها الموضوع كله دخلت للغرفه لكيت عيونها دم من البجي وطبعا ميهون عليه دموعها ....
اماني : وعد خلص لاتكسر كلمه ابوك انته العاقل .. واني مراح ارد طلب عمي ..واني عد عيناك والي تكوله تم
وعد : شوفي يابت عمي انتي مرتي وتاج راسي بس شوفي الوضع الي نحطيت بي اني وابويه وشوفي اسلام شسوة بيه انتي تبقين زوجتي وبنت عمي وتاج راسي وتحملي خل اشوف هل السالفه شلون ترسي تاليها
اماني : مو اني المرة الي تكسر كلمه عمها ورجلها الي تريده سوي ( حجيت واني ميته قهر والغصه بصدري روحي تريد تطلع بس ماعندي غير حل لازم اقبل )
وعد : كعدت بالحديقه وبديت اصفن حسبه تاخذني وحسبه ترجعني احس روحي جبير على هاي السالفه .. شلون رح ترهم والله مااعرف
ماعندي غير اوكل امري ل رب العالمين
ترف : حسيت بضوجه نفسيتي تغيرت ..من صغري واني اتمنى بابا عايش ويانا وقريب مني بس ماما دائما تحجي عليه وشنو السبب مااعرف اني تعودت على هذا الشي كمت مااسأل ليش .. بس اول مرة انقهر على بابا حسيته انقهر لان امي مقبلت اروح وياه بس الصراحه اكو شعور بداخلي عندي رغبه اروح يمه فترة مرت يومين بعد جيه بابا لبيتنا .... كعدت الصبح على صوت فوضى وصياح وصوت امي وهي تبجي لو يمر عليه عمر ماانسى ذاك الصوت ..كمت من فراشي طلعت اركض حتى اعرف شنو الي صار .......
وللقصه بقيه
Ganat Alomr