فصيلتي المدللة

ج8

#بيبوو
فصليتي_مدلله
الجزء الثامن
Ganat Alomr
اماني : حزت بنفسي حيل كلمه عمي الشيخ من كاللها انتي رح تصيرين زوجه الشيخ وعد .... اني بس زوجه الشيخ وعد احتركت حرك بس مااكدر احجي شحجى وشكول اباوع على وعد هو واكف مارفع راسه وباوع عليها واكول بداخلي كون طول العمر مترفع راسك وتباوع عليها وتبقى اليه وبس <br>
ترف : ماحسيت كلام الشيخ مهم .. بس كان لازم ارد عليه ..اني مااعرف شنو الي صار اني عايشه وياامي بغداد واخوتي مااعرفهم ولااعرف شنو المشكله الي صايرة جابوني البارحه واليوم جيت لهنا ولااعرف شنو الي صار بس مستحيل رح اسمح لااحد يكسرني او يذلني لو منو ماكان
وعد : سمعت حجيعا ويا الشيخ فار دمي شنو هل الصلابه ... هاي من اول يوم لسانج طويل ديري بالج قبل مااكصه الج
الشيخ : وعد على كيفك يابه
ترف : ليش الي يحجي الحق بهل البيت لسانه طويل ويكصوو اله
الشيخ : لا بنتي بس ميصير تحجين بهل الاسلوب
ترف : حجيت من ورة خشمي صار.. طبعا الشيخ عرفني ع الموجودين كان وعد واماني واسلام واربع بنات مجنت منتبه على اسماءهم وبعدها دلوني على غرفتي دخلت للغرفه ومطلعت منها لحد ما كالو تعالي الشيخ يريدج حتى تعقدون انتي ووعد.. طلعت من غرفتي دقايق سمع مني الموافقه ورجعت .
علي : بالي يم ترف سالت عليها كالو جوي اخذوها بيت الشيخ طكيت من القهر راحت بدون مااحجي وياها وبعد شويه بيت الشيخ دزولنا خبر ان ترف تزوجت وعد ... فرحت حيل لان اعرف وعد مستحيل يأذيها جنت خايف عليها من اسلام هسه اطمأنيت عليها
ترف : مرت عليه اربع ايام واني بغرفتي موبايلي مغلق ولااحجي ويااحد محد يجي عليه للغرفه ولا يحجي ويايه حسيت روحي بسجن بعد ماعاد اتحمل طلعت من غرفتي كان دنيا ليل واني جوعانه حيل نزلت للمطبخ ... لكيت البنات بالمطبخ دخلت بعدني ماسلمت واشتغل تشمر الحجي عليها ...والهمس بينهم والضحك وكفت ... لا عبالك تهزوني لو تضوجوني اذا ضحكتو وتهامستو ... ههههههه ترة مااهتم عادي ولايمي
اسماء : شوفي ارجعي لغرفتج احسلج كلش مااريد اشوف وجههج خوش .
ترف : ليش انشاالله ماكله ورث ابوج
اسماء : ياريت لو هيج مسويه جان كتلج طزززز ... بس انتي من ريحه ذولاك الربايل
ترف : احترمي نفسج والزمي حدودج انتو الزباله مااسمحلج تحجين على اخوتي
اسماء : صرت عصبيه حيل تمنيت اضربها لزمتها من ايدها حيل .. منو الزباله
هاجر : شفتها تغلط علينا وبكل قباحه كمت ع السريع اريد اضربها
ترف : وخري ايدج لا عبالج اكبر مني واسكتلج لاغلطانه ... صحت بعلو صوتي
وعد : سمعت صوت صياح بالمطبخ مو بالعاده البنات مستحيل يتعاركن بينهم استغربت حيل نسيت سالفه ترف ... دخلت للمطبخ لكيتها تتعارك هي والبنات صحت بيهم هاي شكوووو
هاجر : ترضاها هاي تكول علينا زباله
وعد : شنو
ترف : اني ماكلت عليكم رباله اختج الي كالت بالاول انتي من ريحه هذولاك الزباله واني مستحيل اقبل احد يحجي على اخوتي بدون سبب .
وعد : اسماء هاجر ... معليكم بيها ولاتحجون وياها ... صار معلوم
اسماء : ها وعد كمت تكسر بينا
وعد : لا اله الا الله اسماء خيتي اخذي اختج ورحو منا
اسماء : صار خويه
وعد : رفعت راسي وجانت اول مرة اشوفها وياريتني ماشفتها البنيه ايه من الجمال بياض وحسن جانت لابسمه ب مودة حمرة شدتني الها من اول نضرة .... شوفي لاتبقين اسوين مشاكل ويا البنات مصارلج اسبوع وبدت المشاكل ..اكولج شي .. علي اخوتج كتل اخويه وهو اعز صاحب عندي وهذا سبب جيتج لهنا كافي لخاطر الله واني انجبرت بيج خلي تعدي عليه كم يوم ولشوف حل اطلكج وارجعي لاامج اني ارتاح وانتي تخلصين
ترف : تصدك اذا كتلك مااعرف ياهو من اخوتي اسمه علي
وعد : اي اصدك لان اعرف اهلج واخوتج جانو اعز اصدقائي واعرف هم مشايفيج ولايعرفون لان امج متقبل يابنت الناس عدي هل الكم يوم بدون مشاكل علما ارجعج لاامج
ترف : امي... همست باسمها واني ميته قهر واكول بداخلي امي تخلت عني حتى متصلت بيه اذكرت جهازي مغلق صخاااام ...; .... وخر وخر خل اروح حجيت بسرعه وبلهفه
وعد : تفاجئت من ردها وخرت شويه من الباب وهي طلعت
اماني : سمعت الحجي الي دار بين ترف ووعد فرحت حيل شفتها وهي طالعه من المطبخ مردت احسس وعد اني سمعته رحت لغرفتي وبقيت انتضرة واني لبست احلى لبس مااريده يباوع عليها
ترف : فتحت تليفوني لكيت امي حاركه التليفون عليه فوك ال 100 اتصال متصله طرت من الفرحه امي متخلت عني اتصلت عليها وعرفت هي مبلغه الشرطه على ابويه كالت خطفني ... حجيتلها السالفه كلها وكتلها وعد كالي كم يوم ويرجعني لاامي وتوسلت بيها حتى تتنازل عن ابويه ... وهي كالت ميخالف بس شو مقتنعت بكلامها
بس عبت حيل نمت بدون مااحس بروحي .
كعدت ثاني يوم الصبح غيرت ملابسي وطلعت وهم البنات موجودات ونفس المشادات الكلاميه بيني وبينهم يسمعوني حجي ويحجون عليه واني مااسكت هل المرة جان اسلام وياهم موجود عادي مهتمين للموضوع مثل مجاوزو عليه اجاوزت عليهم ورجعت لغرفتي
وللقصه بقيه
Ganat Alomr