فصيلتي المدللة

ج9

تفاعلوو حبايب خلي ادخل موسوعة غينيس بقي اربعة اجزاء
#بيبوو

فصليتي_مدللة
الجزء التاسع
Ganat Alomr
ترف : غيرت ملابسي ردت اروح ليم اخوتي اشوف السالفه لان مقتنعت بكلام امي طلعت وكنت ناويه اطلع من البيت واسأل اي شخص يوصلني لااهلي
اماني : انتي وين رايحه بهل اللبس
ترف : اروح ليم اخوتي عندج اعتراض
اماني : لج انتي شنو هل اللسان
ترف : شتردين هسه
اماني : مااريد منج شي بس انتي زوجه الشيخ مؤقتا وعيب تطلعين بهل اللبس عفتها ومشيت
اسلام : شوفي انتي مو بغداد انتي بالسماوة لبسج وحجيج وتصرفانج كلها محسوبه علينا وماعندنا مرة تطلع وحدها وبهل اللبس هذا
ترف : شوف انته معليك وانته ممسؤؤل عليه تريد توصلني امشي وصلني
اسلام : جريتها من شعرها وصحت بيها شو انتي تاكيلين خرة خاف عبالج اسكتلج
اماني : اسلام عوفها عوف البنيه معليك بيها
ترف : اول مرة واحد يمد ايده عليه تخبلت كمت ابجي واصيح عليه مخليت كلمه ماحجيتها عليه بعد ماوخرته عني اماني وصياحي واصل لااخر الدنيا
وعد : دخلت للبيت صوت الصياح واصل للشارع عرفت ترف متعاركه وي البنات صرت عصبني حيل فتحت الباب شفتها واكفه كدامي وهي تبجي
اسلام : هاي لذا امها ماربتها وانته متربيها اني اربيها الك
وعد : شبيكم صوتكم واصل لراس الشارع
اماني : ماكو شي معليك بيهم هم بس يتناكرووون
اسلام : مرتك المصون تريد تروح لااهلها لوحدها وبهل اللبس هذا
وعد : اماني وين تريد ومن شوكت تطلعين من دون متكوليلي
اماني : مو اني المقصودة
وعد : نسيت ترف التفت عليها ... وجان منضرها سترك ياربي ... شايله سجينه الفواكهه وحاطتها على ركبتها
ترف : الدنيا ضاكت بعيني حيل التفت لكيت ماعون الفواكهه وبي سجينه بدون تفكير سحبتها وخليتها على ركبتي ... وعد توديني على امي هسه لو لا
وعد : ذبي السجينه من ايدج شنو توديني لو لا هاي مو لعب جهال
ترف : توديني لو لا ضغطت بالسجينه على ركبتي جرحت روحي شويه
وعد : شفت الدم بركبتها طار عقلي خاف تسويها صدك ذبيها الي تردي يصير
اسلام : ولج انتي خبله ذبي السجينه اسف والله بس انتي عصبتيني
ترف : بقيت اسيح تودوني لاامي لو لا
وعد : اوديج بس ذبي السجينه
ترف : احلف
وعد : والله العضيم اوديج ذبيها
ترف : ذبت السجينه من ايدي وعد تقرب عليه ع السريع حط ايده ع الجرح وصاح جيبولي اي شي احط ع الجرح
اماني : وعد يحاجيني واني واكفه بمكاني بد ون حركه واكول بداخلي هاي رح تاخذة منج اماني
وعد : حطيت الشاش ع الجرح واخذتها للغرفه وهي تكول وديني لامي حاولت احجي وياها واهديها وعدتها اوديها لاامها بس مو هسه لان ميصير اوديها هسه ...
ترف : انته حلفت
وعد : اعرف حلفت بس اصبري عليه كم يوم
ترف : زين وديني لااخوتي
وعد : هم ميصير احنا صار بينا دم ولازم تعدي فارة لاتخليني بموقف محرج ... زين تخابرين علي اني عندي رقمه .
ترف : اي .. بس مااعرف علي منو منهم
وعد : وصفتلها شكل علي وحجيتلها على احلى الصفات البي ولاجن هو كتال اخويه نطيتها رقمه .. اتصلت بي واني عفتها وطلعت
علي : كاعد اني واتصل عليه رقم غريب مالي واهس ارد عليه .. عفته يرن ... رجع اتصل اكثر من مرة فتحت خط
ترف : الو الو وبخنكه
علي : الو منو ويايه
ترف : علي اني ترف
علي : سمعتها كالت ترف وبصوتها خنكه ... انسحبت روحي مني كمت من مكاني ياعيون اخوج انتي شبيج بعد كلبي كولي احجي اسمعج
ترف : علي ماما مشتكيه على بابا كايله خطفني واني مااريده يتاذى
علي : ترف لاتخافين ابويه موجود هنا يمنا لاتخافين عليه ... كلشي ينحل انتي شلونج 😔😔
ترف : علي اني مااعرفكم واحد من واحد بالرغم انتو اخوتي بس احساسي يكول انته الي جنت كاعد ومهموم مووو
علي : اي ترف اني اخذتي بروحه بحجييج واني الي سويت بيج هيج وبسببي انشمرتي هل الشمرة
ترف : اني ماصدكت الي حجو عنك انته مو عاقتل البراءة الي بعيونك مستحيل تقتل <br>
علي : صدكي ترف اني كتلت اعز صديق عندي كتلت خويي الي جنت اريد ازفه على ايدي وازوج وياه بيوم واحد
ترف : خويه اني يحقلي اطلب منك طلب
علي : كولي يابعد اخوج
ترف : تعال طلعني من هل البيت حتى لو نص ساعه اريد اتنفس اختنكت والله
علي : ااااااااه جريت حصرة شكته لصدري ... رح احاول واسوي الي اكدر عليه اخلي واحد من اخوتج يجي يجيبج علينا شويه
ترف : مااريدك احد غيرك انته تعال 😔😔
علي : لاتضغطين عليه اني مااطلع من البيت
ترف : اوك بس لاتنسى
علي : انتضريني ... راحت ترف وبقيت افكر بيها هيج مااكدر انفذها هل الطلب ... وهي الي رح تخسر حياتها علمودي

وعد : الو منو ويايه
علي : نسيت رقم صاحبك
وعد : ابو حسين كسرت ضهري ...شتريدني اسوي وك خسرتكم اثنينكم
علي : خويه الجرح بالكلب لاتلجمه .. طالك ومااريدك تردني
وعد : مايوم طلبت ورديتك
علي : ترف تعبانه حيل .. خليها تطلع ومن ع الشارع امر اخذها
وعد : اني رح اجيبها عليكم ولا يهمك
علي : مشكور خويه بارك الله بيك .... في امان الله
وعد : اعرف علي من صوته مبين عليه التعب ومهدود حليه اااوف انا لله وانا اليه راجعون ... رحت لغرفه ترف دكيت الباب
وللقصه بقيه
Ganat Alomr