فصيلتي المدللة

ج7

كلش حلوو تفاعلكم ليش مو دائما هيج ؟؟🤔🤔
يلا هذا جزء لعيونكم واستمرو بهذا التفاعل وصلتو. ل ٨٣٠
خلي نحطم هذا الرقم ونعبر ال ١٠٠٠ يلا
#بيبوو
فصليتي_مدللة
الجزء السابع
Ganat Alomr
ترف : اخر كلمتين كالهن حمزة ضلن براسي ولازم اسوي العكس حتى ااذي الكل مادام هيج سوو بيه يصير خير واشوفهم ترف شرح اسوي المهم دخلت للبيت واني ناويه ماانكسر ولاانذل وراح اذل الكل
اسلام : شفت سيارة حمزة بالباب ونزل بنيه منها لابسه جينز استغربت منو هاي البنيه معقوله هاي اختهم صار عندي فضول طلعت برة شفتها بالحديقه تقربت عليها التفتت عليه وياريت مالتفتت
ترف : اول شخص شفته بهذاك البيت كان اسلام ..اني اعرفه انسان شايف نفسه ومغرور واموت منه تعرفت عليه مرة ابغداد راد يدهسي بالسيارة بس الله ستر كلش عينه زايغه وابو بنات وبعدها شفته مرة او مرتين هو صديق ولد من شلتنا بس هو شيسوي هنا ... اهووووو اني بوجه منو حتى الكاك هنا .. اي اكيد صبحت بوجه حمزة رح اشوف خير يومي كله لا والله ابد مستحيل
اسلام : اش اش انتي مسجل شكد لغيتي ... انتي اختهم
ترف : تفاجئت من اسلوبه ويايه شكيت مو اسلام واحد يشبه ... هذا شلون يصيح عليه رديت عليه بصوت عالي وبنترة وانته ليش اصيح انته حاجيتي مو اني حجيت وياك شلون شكول
اسلام : ولج هاي عليمن اصيحين 😡😡
ترف : عليك شنو خايفه منك 😡
اماني : سمعت صوت صياح بالحديقه احنا ماعدنا احد يصيح طلعت اركض شفت اسلام وياه بنيه ... بس شنو من بنيه ايه من الجمال ولبسها اول مرة اشوفه رحت ركض عليه هاي شبيك اسلام
ترف : سمعتها كالتله اسلام تاكدت هو بس مستحيل ليش هيج متغير
اسلام : صباح الخير اماني
اماني : صباح الخير الكم اثنينكم منو هاي البنيه وليش صوتك عالي
اسلام : هاي اخت الافندي يعني ضرتج
ترف : اول شي مااسمحلك تكول اخت المحروس مااسمحلك تحجي على اخويه ومااتوقع واحد من اخوتي مسويلك شي ( حجيت هذا الكلام يمكن بالفطرة مقبلت احد يحجي على اخوتي بس هم الي يشمرون اختهم هلشمرة كلشي يسوون اوف ياربي)
اسلام : شنو عيني شنو اخوج ؟؟؟ متعرفين شسوه اخوج
اماني : اسلام كافي من الصبح مااريد عمي يسمعك او وعد ... اهلا وسهلا بيج ( كتلها هيج واني ميت من القهر بداخلي هاي رح تصير مرة وعد ابد متخيلتها هيج ... مستحيل وعد رح يبقى على وعده اليه وميتقربلها وهي بهل الجمال )
ترف : دقيقه دقيقه حمزة شسوالك
اسلام : حمزة ؟؟ ياريت لو جان حمزة ... بعدين تعاي انتي شتعرفين عن اخوتج وانتي حتى مشايفتهم .. خاف عبالج مااعرف ترة اعرف السالفه
ترف : اختنكت بالعبرة بس اني قبل ماادخل هذا البيت وعدت نفسي دمعتي متنزل ومستحيل اخلي احد يكسرني لو مهما كان
اماني : اسلام كتلك كافي يجوز البنيه متعرف شي ... خلص اسكت
ترف : شنو الي مااعرفه ممكن اعرف انتي منو
اسلام : هاي مرة الرجال الي نطوج فصليه اليه
ترف : يعني شنو
اماني : اني زوجه وعد ... اسلام كافي انت اسكت
..انتي شاسمج
ترف : اسمي ترف
اسلام : سمعت اسمها ... صدك ترف واسمها عليها ياربي شنو ذنبها هاي البنيه ... برغم كل الي اني وكرهي لااخوتها تحصرت عليها وتندمت لان ماقبلت بيها اني اعرفها من جنت ابغداد وبيوم فكرت بيها وتمنيتها بس بهاي الضروف كلشي اختلف
اماني : تعالي ادخلي جوة حتى تسلمين ع الموجودين
ترف : منو كالج اريد اسلم على احد
اسلام : فوك شينه كواة عينه
ترف : انته تسكت مااريد اسمع حسك
اماني : انتي ابقي هنا لاتدخلين وانته هم ابقى تعارك وياها علما يجي وعد
ترف : زين ممكن تدليني غرفتي وين
اسلام : غرفتج تريد غرفه ... كون حكمج بايدي والله لااخليج تنامين بالحديقه >
ترف : عصبني حيل هو جان واكف بصفي رفعت ايدي وضربته على جتفه حيل ... معليك انته مجايه ابيت ابوك
اسلام : لا بيت ابوج هذا ... وهاي ايدج اكسرها الج ترة
اماني : اريد اشوف شوكت تكملون نكرة
اسلام : اني رايح ميعجبني اوكف وياااااا هيج ناس عفتهم ومشيت
ترف : شكد حقير ... شكول جايفه

اماني : اولا عيب تحجي عليه هيج ولو مهما كان هذا رجال وثاني شي هذا حماج لازم تحترمي ... تعالي شكلج راح تحركي للبيت حرك
ترف : ابتسمت بداخلي وهمست الله يبشرج بالخير هو هذا الي اريده مااريد اكثر من هيج دخلت وياها للبيت كان وقت ريوك والكل موجود ع السفرة جانت عائلتهم كلش جبيرة وهي عرفتني على ان اني ترف وسكتت ...
وعد : شفت اماني دخلت وياها بنيه عرفت هاي اخت علي لان اني دزيت سيارة حتى يجيبوها مارفعت عيني وباوعت عليها ..كمت من ع السفرة وكلت دايمه
الشيخ : وعد وين رايح
وعد : عندي شغل يابه اخلصه وارجع
الشيخ : لازم تجيب الشيخ حتى يعقدلكم وبعدها روح لشغلك >
وعد : شكو ع شنو مستعجلين
الشيخ : ماضنيتك متعرف بالاصول
وعد : صار يابه مايكون خاطرك الاطيب
ترف : بقيت واكفه بمكاني واسمع كلامهم اماني همست هذا الشيخ روحي بوسي ايده .. طبعا اني مقبلت كتلها ليش انشالله... بهاي اللحظه كام وكف الشيخ وتقرب عليه
الشيخ : ترف اسمج حلو وانتي بعد احلى منا وهيج انتي رح تصيرين بنتنه والشيخ وعد رح يكون زوجج اريدج تحترمي ومااريد مشاكل الي صار لازم ننسى ونبدي صفحه جديدة .
وللقصه بقيه
Ganat Alomr