تفاعلوو
#بيبوو
فصليتي_مدللة
الجزء الثاني
Ganat Alomr
وعد : الساعه 6 الصبح ... صحيت على صوت الهلاهل والاغاني وصوت لارينه وهي تضحك وتركص ... صحبت بوجه بنوتي الحلوة اني متعود بيوم الي اصبح بوجهه يامحلى نهاري ... شلتها وبقيت العب وياها وبعدها بدت الهوسه وكماله التحضرات احس كلشي هوسه وبي نقص مع العلم اني اشرفت على كلشي بالحفله بس اني طبعي اهتم باصغر التفاصيل .. مشى بينا الوقت بسرعه البرق صار الوقت وبدت الحفله والاغاني والطبل فرحه ماتنوصف بس كانت الاجواء كلش فوضى وهوسه لان هوايه ناس معزومين طبعا من طرفنا واهل علاوي كذالك ناسهم هوايه ومقاصرين بقيت افتر لارين بس تبجي ومااعرف ليش شويه يمي وشويه يم امها يمكن بسبب الهوسه بقيت طول الحفله شايلها وافتر ... احنا متعودين ع الرمي والاطلاقات الناريه بالافراح .. وطبعا عرس ابن الشيخ والعالم كلها فرحانه وترمي زادت الاطلاقات هذا الشي ضوج علي حيل اشوفه ياشرلهم ويصيح كافي هذا الشي ماله داعي لارين زاد البجي مالتها اضطريت اخذها وادخلها جوة يم امها بلكي تسكت وفعلا دخلت جوة وصوت الرمي مستمر وعلى غفله وخلال دقايق وكف صوت الرمي وصوت الاغاني وبلش صوت عياط .. ذبيت لارين ع السريع وطلعت اركض اشوف الكل ملتمين بمكان الي موجود بي امجد وعلي كفيت العالم اريد اشوف شصاير .. وياريتني مشفت الي صاير ..المنضر لو يمر عليه دهر كامل مستحيل انساه امجد اخويه امدد بالكاع وعلاوي صديقي شايل السلاح وفوك راسه
وعد : بقيت صفنان شنو الي صار وشلون هيج .. وكعت على رجلي بالكاع احس رجلي متساعدني حتى اكوم اريد اوصل ليم امجد مااكدر ... بديت اجر بروحي جر علما وصلت ليمه شلته وحضنته ..خويه خويه كوم مو وكت شقى هسه امجد كوم والله ازعل عليك ترة ... وك كل هاي الناس هنا علمودك وانته كاعد تشاقى ... امجد رد عليه خويه
اسلام : وعد امجد مات ... امجد مات شنو يشاقى ولك عافنا وراح
وعد : رفعت راسي واني اشوف اسلام كدامي ودموعه تجري وعلي يمي وهو مصدوم وعيونه دم
علي : ولكم كتلت صاحب عمري ولكم كتلت اخويه ...
وعد وعد لحكني بي اني مااعيش وهو جوة التراب
وعد : علي ينطيني السلاح بأيدي ) وهو يصيح وعد لحكني بي اريد افتهم الي صار والله نهد حيلي ... وك انته شتحجي شتكول ... شلون هيج
علي : اني كتلت اخويه وخلال هاي كلماتي دارت الاحداث الي صارت وشلون كتلت امجد ( جان السلاح بايد اخويه حسن ويرمي اني كلش ضجت من الوضعيه ماكو داعي لهذا الرمي جريت السلاح من ايده وهو عباله اشاقى وياه بس اني مجنت اشاقى امجد جان واكف يمي وحسن بقى مستمر يرمي واني احاول اخذ السلاح منه ووحده من الطلقات صارت بصدر امجد ) تقربت على امجد وك مو كلت حتى للموت مااعوفك نموت سويه شو عفتني ورحت ليش ماخذتني وياك ( احجي ودموعي تنزل على وجهه)
اسلام : متحملت اشوف علي وهو لازم امجد واني صاير نار جريته حيل من يمه وضربته وبديت اضرب بي بأيدي ورجلي اكثر من شخص يردون يوخروني عنه بس اني فقدت عليه <br>
وعد : بقيت بمكاني واباوع ع امجد واني ممصدك اسلام ؤضرب ب علي ....واني كاعد بمكاني انهدم حيلي وانكسر ضهري احس كبرت 50 سنه بهاي الدقيقه الوضع كله تخربط ابويه طايح وشايلي واني ماادري بي ... دست على جرحي وكمت شلون اعوف اخويه امدد بالكاع واخويه الثاني يضرب بالولد وخاف يطلع بروحه واخسر الاثنين .. صحت اسلام بعلو صوتي ..كافي يابعد اخوك ...
اخونه لسه امدد بالكاع لاتكسر ضهري انته هم تعال عيني ..
اشرت للولد دخلو اسلام للبيت وشالو امجد العرس انكلب فاتحه وكلمن راح بحاله ... اهل علي اخذو وراحو وهو بس الله يعلم بحاله ..
دخلت للبيت وحال امي تبجي الصخر وهو حاضنه امجد وتلطم وتصيح وك رد عليه يايمه انته الغالي وين مفاركنه ورايح
وعد : سحبت امي من يم امجد بعد ماملخت روحها عليه تعبت حيل دخلتها لغرفتها بعد مافقدت الوعي ..ابويه نقلو للمستشفى واني الحمل كله عليه واني موكد الحمل بعد كسرة ضهري مااعرف شلون مر عليه واني مكابل جثه امجد وكاعد مقبلت يدفنو توقعت لو بقيت وياه الليل كله اشبع منه الليل مر عليه اقصر من النهار واني اسولف وي امجد واباوع عليه طلعت ضوة الفجر وولد عمي يتوسلون حتى ياخذون امجد ويدفنو .. اخذنا دفنا .. وبعدها عرفت الشرطه ماخذين علي ومحققين ويا الكل
وللقصه بقيه
Ganat Alomr
أنت تقرأ
فصيلتي المدللة
Storie d'amoreمساء الخير راح نبدي بقصتنا وادري انتو تحبون الفصليات فأريد تفاعل قوي يحطم كل الارقام وعلى كد التفاعل انزل اجزاء شوفوني تستاهلون #بيبوو فصليتي_مدللة الجزء الاول Ganat Alomr
