فصيلتي المدللة

ج3

#بيبوو
فصليتي_مدللة
الجزء الثالث
Ganat Alomr
ترف : اسمي ترف عمري 18 سنه اني بيضه وعيوني ملونه شعري طويل مو محجبه ستايلي كله بناطير وجينزات قصيرة خلصت سادس اعدادي وانتضر النتيجه اني وحيده لاامي ابويه منفصل عن امي وكلش ماعدنا علاقه بيهم يعني يمكن امي متحب تكون اليه علاقه بابويه هو كان يحاول يجي يشوفني بس امي وخوالي ميقبلون يشوفني او ياخذني عدهم واني تعودت على هذا الشي خالي الجبير هو بمثابه ابويه واني اصيحله بابا اخر مرة شفت ابويه من سنه تقريبا مر عليه يم المدرسه اعرف عندي 7 اخوان بس مشايفتهم احب اشوفهم واتعرف عليهم بس امي متقبل خوالي اثنينهم ممزوجين هم اصغر من امي واحنا ساكنين سويه ... بيتنا بالكرادة ابغداد اني بعد ماخلصت الامتحانات بديت اطلع واتفسح امي مجانت ترفض لان اني قبلها جنت مضغوطه بالامتحانات والقرايه بيوم كنت راجعه من يم صديقتي دخلت للبيت لكيت بابا يمنا وكانت اجواء البيت حيل متوترة ماما وخالو يصيحون على بابا ومااعرف ليش اني ضجت حيل ليش ماما هيج تصرف سالتها ماما شبيكم صاحت عليه وكالت روحي لغرفتج
ابو ترف : لا متروحين على غرفتج لازم تسمعين الحجي انه جاي حتى اخذج للسماويه انتي بنتي واحنا عشاير ولازم تكعدين ابيت ابوج معززة .. وانتي مو صغيرة
ترف : بابا صح اني مو صغيرة وماكنت اقبل لان ماما متخليني اشوفكم انته واخواني بس بنفس الوقت اني ممااترك امي بعد ماربتني هل العمر كله واجي وياك لبيتك واني بالكاد اشوفك لا بابا لاتتوقع ارجع وياك
ابو ترف : ماالومج هاي انتي ترباة امج ولهذا السبب جيت اخذج
ام ترف : روحي لغرفتج ...لاتحلم تاخذ بنتي مني بعد هاي السنين الي تعبت وربيت وانته متعرف شي عنها ( حجيت ويا طليقي بعصبيه لان مستحيل اسمحله ياخذ بنتي مني )
ابو ترف : لاتخلينا نكلب بماضي وسوالف قديم ونحجي ليش اني مجنت اجي حتى اشوف بنتي واحمدي ربي اني الي عافيتها تعيش عندج بعد الي صار بينا .. وخل اكولج شي اكثر من مرة اتعنى من السماوة لي بغداد حتى اشوف بنتي عشر دقايق يم حايط المدرسه واني بكبرتي وشيبيتي وكله من وراج ... بس هو ميفيد لو يفيد جان فاد الحجي وياج ...
طلعت واني مكسور خاطر اني مجنت اريد هءا الشي بس غصبا عليه بيني وبين نفسي افكر الحمد لله امها مانطتها اليه ترف ممال تنطي فصليه
حمزة : بقينا ننتضر ابويه يجي من بغداد واحنا حالتنا الله الي يعلم بيها علي وحسين اثنينهم بالسجن واذا ماصار تنازل مو بعيد اثنينهم ياخءون حكم اعدام دزينا هواي ناس لبيت الشيخ بس لسه ماكو اي رد لان الشيخ لسه طايح بالمستشفى وابنه الجببر مايكدر يسوي شي بدون ابون كل الي نطاه النا عطوة مايكتلون احد منا علما تكعد الشيوخ
وعد : ابويه طايح بالمستشفى وامجد صار جوة التراب واني بالضيم اسلام كلش تغير بعد وفاة امجد ذاك الي جان يشاقى ويضحك وضحكته متفاركه هسه بالكاد اكدر اسيطر على عصبيته ودوم يلهج يريد ياخذ بثار امجد واني خايف عليه ولو كتل واحد منهم بعد ماتوكف هاي السالفه ونصير دم اله اول مااله اخر واني مااريد هذا الشي
حمزة : كان الحجي بين عمومتي ننطي اختي الي من غير ام فصليه لان هم شيوخ ومو بعازة فصل حتى نفصلهم بفلوس جان الحل ننطي مرة من عدنا واحنا ماعدنا غيرها لان احنا ماعدنا اخت مريت على علي للزيارة وحجيتله كتله لاتخاف ابويه راح يجيب ترف حتى ننطيها الهم ويتنازلون عنكم وتطلعون
علي : حمزة انته صدك تحجي ولك شلون شنو تنطي البنيه الي عمرنا ماشفناها فصليه حتى اني واخوك نطلع وصل كلمه لاابويه خل ننحكم اعدام ولاينطي ترف البنيه مالها ذنب وبعدها صغيرة ولك لاتسوون هيج بيه عوفوني هنا بس لااسوون هيج
حمزة : وك خويه اني اعوفك وانته عليش ادافع عنها هي رح تعيش الشيخ وك انت نسيت سواة امها وهسه تكول خطيه
علي :سواة امها ... مو سواتها وهاي تبقى اختنا واذا ماعاشت ابيت الشيخ ... ولك تعيش مذلوله حمزة لاتذل اختك علمودة
.. خلص وقت الزيارة وةني اتوسل ب حمزة حتى لايجيب ترف وينطوها فصليه
حمزة : وصلنا خبر طلع الشيخ من المستشفى اجوي عمامي ومشينا عليهم لان العطوة رح تخلص ولازم نتصرف الشيخ جان كلش ابن اوادم وكال هم ربع واصحاب واحنا نعرف علي اكيد مجان قاصد تفاجئنة كلش من ردة فعله وجان الموضوع عادي رح يمشي وبدون فصليه بس واحد من عمامي شمر حجايه وكال رح ننطيتكم اخته عطوة حتى نبقى اهل وتنسي السالفه .. اعاين على ابويه لونه تغير ومعاد يكدر يتنفس هوايه من الحاضرين ايدو السالفه احنا والشيخ نحطينا موقف مو صاحبين قرار الشيخ كال واحنا قابلين فصليتكم ... ابويه تعب حيل تخربط ختمنا الكعدة لما تخربط ابويه اخذنا وطلعنا وبعد شوبه عرفت عمي حجى هل الحجايه حتى يورطنا وينتقم من ام رهف بسبب مشاكل قديمه صايرة بينهم....
وعد : حسيت ابويه شلون ال تورط بالبنيه مايكدر يكول نردها تنحسب عيبه علينا هاي شلون رح يقنع اسلام بالموضوع مااعرف

اسلام : اني مدخلت للكعده اساسا مااتحمل اشوف واحد منهم اذا شفتهم ارتكب جريمه ... ها وعد شصار ..
وللقصه بقيه
Ganat Alomr