#فصليةة

يدي !؟ 😭

شروق 🍃
انتهى اليوم مثل كل يوم ! لا يوجد به شيء مختلف !
لا يوجد خبر عن أبي ولا عن شمس !؟
تغير كلشيء منذ رحيل شمس !
لم يعد شي كالسابق حتى علاقتي مع اهلي !
اخواني من البيت الى العمل ليسوا مثل قبل
والدتي لا تفعل شيء سوى البكاء
نظرت الى السماء لعل دعواتي تصل ونعود الى حياتنا الطبيعية
آدم
مرت ساعتان ولم يخرج شخص ليطمني عنها لا اعلم سبب خوفي عليها! انها لا تخصني بشيء لماذا افعل كل هذا لها؟
قاطع شرودي صوت الممرضة
الممرضة : لو سمحت شنو زمرة دمك ؟
آدم : A+
الممرضة : متعرف احد زمرة دمة o- !?
آدم : لااا
الممرضة : عن أذنك
آدم
لماذا لم تخبرني بشيء ! هل يوجد شيء خطر على حياتها؟ ماذا سيحدث اكثر من هذا !؟ جلست على احدى الكراسي اسندت رأسي على الجدار لأرتاح قليلاً ! 
سمعت صوتهم وهم يخرجونها نظرت الى الساعة لقد مرت 4 ساعات ! نظرت فوراً الى يدها ! تنهدت براحة انها موجودة الحمد الله ! اخذوها الى الغرفة
آدم : شوكت تكعد ؟
الممرض : البنج اللي نطيناها يا كلش قوي الصبح يلا تحس
آدم : شكرا
الممرض : حمد الله على سلامتها
آدم : الله يسلمك
جلست على كرسي بجانبها مسكت يدها الاخرى كانت باردة كالثلج مسحت على رأسها بهدوء انها بريئة جداً لا تستحق كل الذي حصل لها !
طرق الباب فجأة فدخل رامي
رامي : حمد الله على سلامتها
آدم : الله يسلمك كل هذا بفضلك
رامي : بس مخلصنا هنا
آدم. : شلون يعني ؟
رامي : حتحتاج بعد 6 عمليات ! كل أسبوع عملية
آدم : ليش كلهعمليات ؟
رامي : شوف خويا عمليتها فوق الكبرى ! من فتحت وشفت مكدرت انظفها كلها بعملية وحدة هي حتتعب ومو زين عليها وفقدت هواية دم كل عملية حتحتاج 4 الى 5 بطالة دم !
فلذلك حقسمها على 6 عمليات كل مرة ننظف ونرجع الانسجة لمكانها بقدر المستطاع وللعلم ايدها هسة ممخيطة لو تشيل الضماد حتشوفها مفتوحة
آدم : بس ايدها حترجع؟
رامي : ما اكدر اوعدك بشي ذبها على الله
آدم : ونعم بالله شكرا
رامي : عفوا ! عن أذنك
آدم
مسحت على وجهي ونظرت اليها ! انها تنام ولا تعلم بشيء ! كيف سأخبرها بأنها ستخضع الى عدة عمليات اخرى والنتيجة مجهولة الى الان ؟
بقيت انظر اليها وافكر ما هي النتيجة النهائية ! إلى أن غالبني النوم ! لم اشعر سوى على صوت تأوهاتها
شمس بتعب : ا ايدي و وينها
آدم : شمس اصحي
شمس بعدم شعور : اييدي م ماكو
آدم : بلي شموسة موجودة لتخافين
شمس : و وين ايدي
آدم : والله موجودة كعدي وحتشوفيها
لم تجبني نامت مرة اخرى ! نظرت الى الساعة انها الـثامنة صباحاً ! طرق احدهم الباب ودخل
الممرضة : صباح الخير
آدم : صباح الخير
الممرضة : نريد نبدل المريضة اسمحلنا
آدم : ماشي تفضلوا
تركتهم وذهبت الى مكتب رامي
رامي : تفضل
آدم : صباح الخير
رامي : هلا تعال هسة جنت جاي اشوفها واطلع
آدم : شكد نسبة انو تنجح كل هاعمليات ومتخسر ايدها؟
رامي : 25%
آدم : بس !
رامي : ما اكدر أنطي نسبة اعلى !
آدم : سوي كل اللي تكدر علي بعدها صغيرة
رامي : اكيد هلشي بس محد ميعرف الله شكاتبلة
آدم : اييه الله كريم
رامي : امشي نروحلها ونشوف حالتها
آدم : ديبدلوها
رامي : علما نروح يكونون مخلصيين
آدم : امشي
عدنا الى الغرفة انتظرنا قليلاً ليخرجوا الممرضات ودخلنا راجع رامي حالتها
رامي : مكعدت؟
آدم : جانت دتهذي وتكول ماكو ايدي
رامي : هي محتحس بأيدها هسة بعدها بتأثير البنج ومن تحس ويروح البنج صيح الممرضة تنطيها مهدىء لان محترحمل الوجع
آدم : ماشي
رامي : حتحتاج مرافقة وياها
آدم : ماشي
رامي : اني هسة طالع بالليل ارجع فوصيت عليها يم ابراهيم
آدم : ابراهيم رجع؟
رامي : ايي اني كلتلة يرجع علمودك عبالي انت كايلة بس ميعرف بس عرف حجز واجى فأني وهو حنستلمها لخاطرك
آدم : والله ملحكت اخابرة كبل جيت انت ببالي كلت اخو ابراهيم هنا واصعب عملية يسويها محتصعب علي عيج عملية
رامي : ان شاء الله خير
آدم : ان شاء الله
رامي : يلا مع السلامة
آدم : الله وياك
خرج رامي اخرجت هاتفي لا اريد فتحه لكن يجب ان اتصل بسارة فتحته وجدت اتصالات كثيرة من والدتي وسارة وخالد تجاهلتهم وأتصلت بسارة
سارة : آدم واخيرا وينك بالنا يمكم
آدم : لتكولين لأحد خابرتج
سارة : ليش ماما حتموت خوف عليك
آدم : هي اللي خسرتني من أيدها
سارة : آدم لتسوي هيج خطية
آدم : هسة سمعيني اريدج تجيين يمنا
سارة : وين انتو ؟
آدم : بمستشفى الهلال الاحمر
سارة : شلووها شمس
آدم : سوولها عملية وتحتاج بعد عمليات فلازم تكون وياها بنية وما عندي غيرج وما عندي عين اخابر اهلها
سارة : واني شلون حجيكم ؟
آدم : كولي لخالد او طارق همة يجيبوج 
سارة : ماشي
آدم : وجيبيلها كم غيار وياج
سارة : تدلل
آدم : ديلا انتظرج
سارة : شوكت تريدني
آدم : حتى لو العصر براحتج
سارة : ماشي باي
آدم : باي
أغلقت هاتفي مجدداً ونظرت اليها اريدها ان تستيقظ
شمس بتعب : م ماما
آدم : شمس واخيرا كعدتي
شمس : ماما وين
آدم : شمس عيوني انتي
فتحت شمس عينها نظرت اليه واردفت
⁃ ايدي ماكو ماكو؟
⁃ بلي موجودة لتخافين
⁃ لعد ليش مدا احس بيها
⁃ لانو لي هسة مبنجة ومن حتفك حينطوج مهدىء علمود متحسين بالوجع
⁃ يعني ماكو خطر هاي هي ؟
⁃ شوفي شمس انتي جبيرة وفاهمة
⁃ شكو
⁃ مكدروا كلها بنفس العملية ينظفولج ياها فقسموها على 6 عمليات علمود تنظف تمااام
⁃ يعني بعد 6 عمليات يلة ؟ ولو تنجح لو متنجح؟
⁃ كولي ان شاء الله تنجح
⁃ ان شاء الله
⁃ مجوعانة ؟
⁃ لاااع
⁃ رجعت شمووس
⁃ لا مرجعت بس يعجبني هيج اكولها
⁃ هسة يجيبولج اكل وتاكلين بلا اعتراض
⁃ اهوو ما اريد اصلا دايخة والله
⁃ ماكو اعتراض
⁃ هفففف
شمس
خرج آدم ليحضر الطعام اعتدلت بجلستي رأسي يؤلمني ويدي لا أشعر بها ! تذكرت الحلم الذي رأيته ! يجب ان احادث أهلي
أسندت رأسي على الوسادة الى ان اتى آدم ومعه عامل وطعام
آدم : شكرا
العامل : تدلل عمي
آدم : يلا اوكلج لو تكدرين؟
شمس : لا اكدر بس ما احبة
آدم : يلا يلا
شمس : ماشي ماشي
آدم : زين تسيطريين باليسرة
شمس : اييي عادي
آدم : ايييه
شمس : اريد احاجي اهلي بيهم شي حلمت بيهم بشي مو زين
آدم : خلصي واخابرلج ياهم
شمس : ماشي
اكلت قليلا وشبعت : يلا خابرهم خلصت
آدم : شكلتي!؟
شمس : شبعت والله
آدم : ماكو
شمس : حبااب الله يخليك لتضغط عليا بالاكل والله شبعت
آدم : ماشي ماشي هاج احجي
أخذت شمس الهاتف من يده واتصلت بوسيم فلم يجيبها
شمس : ميجاوب الافندي هففف
آدم : يجوز مشغول
شمس : لاا متأكدة صاير شي بس مدا يحجون
آدم : شكد يائسة من الحياة دخيل ربج
شمس : تفائلت للحياة شنطتني غير الهم والغم
آدم : اللي يسمعج يكول اكعدج بكتلة وانيمج بكتلة
نظرت شمس اليه بلامبالاة وعاودت الاتصال بوسيم
وسيم : مرحبا
شمس : مراحب عيني
وسيم : هلا شموس شلونج حبيبتي
شمس : الحمد الله انت شلونك بالبيت شلونهم
وسيم : كلهم بخير يسلمون عليج
شمس : بابا شلونة؟
وسيم. : زين يسلم عليج
شمس : انطيني يا
وسيم : بالشغل اني
شمس : وسيم لتجذب بابا بي شي مو؟
وسيم : لا شمس بابا بخير
شمس : جذاب بداعة ماما كلي شبي بابا؟
وسيم : تخربط وفات بغيبوبة بس حالتة مستقرة
شمس ببكاء :غيبوبة وحالتة مستقرة عليمن تضحك
وسيم : والله ما بي شي والدكاترة كالوا يصحى عن قريب
شمس : الله يخليك كلي اخبارة اول بأول لتضم عليا حباب
وسيم : تدللين انتي شخبارج
شمس : اني كلش زينة ليظل بالكم يمي
وسيم : عيوني انتي لتنقهرين
شمس : لالا ممقهورة بس بالي يمكم ومشتاقتلكم كلش
وسيم : انتي كولي يا الله وكلشي ينحل
شمس : يا الله
وسيم : شموس راح اسدة هسة عدنا شغل
شمس : ماشي عيوني سلملي علكل وبوسلي ماما حيل
وسيم : يوصل يعمري
شمس : باي
أغلقت الهاتف واعطيته لآدم سقطت دموعي دون سابق انذار نظرت الى آدم الذي ينظر اللي : ليش هشكل ديصير والله ما فد يوم عصيت كلام اهلي وكلشي يريدوا انفذلهم يا وجنت من الاوائل ليش هشكل صار ويايا ليش
تقدم آدم نحوي ضمني الى صدره اول مرة يفعلها لم استطيع التحمل اكثر بكيت بقوة لا استطيع التوقف انني بحاجة اليه
آدم بهدوء : خلص شموس لتبجين كلشي ينحل
شمس : بس اني تعبت بعدني صغيرة وهيج لما اكبر شلون
آدم : كلشي حيتغيير وحتحققيين حلمج وتوصلين لأعلى مرحلة واهلج حيفتخرون بيج لتخافين وحطيلج هدف وامشي علي ونصيحة مني لتكولين عندي امنية او عندي حلم لان محيتحقق كولي عندي هدف واريد اوصلة واحققة وحيتحقق
نظرت شمس اليه ومسحت دموعها : شكرا لانو بقيت يمي وشكرا لان ساعدتني كل ذيج المدة
آدم : واجبنا ويا المزز
شمس : اعتبرة غزل لا مباشر ؟
آدم بضحكة : شلون متعتبري اعتبري يحلوة
نظرت شمس اللي مسحت دموعها وضحكت !
ريام : شحتسميها؟
ريتا : اذا بنية ميرنا واذا ولد كرم
ريام : يزن احلى
ريتا : عود انتي شمس ابنج يزن
ريام : لا حبيبتي بعد وكت علينا
ريتا : حتعجزون
ريام : خلينا هسة متونسيين يمعودة
شروق : رتوت حبيبتي ابنجاو بنتج يبقون يمي
ريتا : ولج بعدني ما عندي 3 اشهر من هسة تتقاسمون الاسماء. الاوقات
شروق : مو اذا ما اسوي هيج ريمو متنطيني ياهم
هدى : شوف شلون فرحانين ويضحكون ووليد بالمستشفى وشموسة منعرف اخبارها
ريام : يعني شنسوي يا خالة نبقى ندك ونبجي ؟ خوب ندعيلهم بصلاتنا احسن
هدى : والكم عين تجاوبون الله يرحم ايام زمان جنا نستحي نكعد ويا حماتنا ومن نحاجيها راسنا بالكاع
ششروق : عن اذنكم
هدى : وانتي حظرة جنابج صايرة متتحاجيين
شروق : هسة اني حجيت شي عندي دراسة اروح اكملها أحسن
هدى : اييي ايييي تهربي وانت سيد عمر لا تحل ولا تربط
عمر : هسة اني حتى صوتي مطلع كاعد كافي خيري شري وساكت تدخلوني بنص مشاكلكم ليش
هدى : خوب لسانكم صاير اطول منكم
عمر : استغفر الله
هدى : اييي استغفر استغفر
عمر : يعني اكو احسن من الاستغفار ؟
ريام : عن اذنكم
هدى : وين ؟
ريام : للمطبخ
هدى : هاي بس بيكم تسوون هلمعجنات وهاي هي
ريام : لعد شنسوي يا خالة نسولف وياج تحجين علينا نسكت تحجين علينا والله احتارينا بزماننا
هدى : دروحي روحي احسن متطليلي لسانج وبعد متسكتيين
ذهبوا ريام وريتا الى المطبخ نظر عمر اليها واردف
⁃ يوم شصايرلج؟ ليش هيج
⁃ اسمع لك اذا حتفتي براسي كوم روح منا
⁃ اوك سلام
تركتها وصعدت الى الاعلى فهذا افضل !
مرت الايام بصعوبة على شمس كانت تبكي فترة وتضحك فترة عدت 5 عمليات بشكل سليم وبنتيجة جيدة ! اليوم هو وقت أخر عملية ! أخذوا شمس الى الغرفة فور دخولها اتى رامي ومعه ابراهيم ليتحدثوا معي
آدم : حتنجح مو مثل بقية العمليات ؟
رامي : ما اعرف شكلك
ابراهيم : شوف آدم هسة اترك صداقتنا وخوتنا بجهة ! ما اكدر اضحك عليك ! هلعملية هي اللي تحدد مصيرها يعني كلش اعتذر منك بس منعرف النتيجة شلون حتكون يا تخلص وتطلع ايدها وياها يا تخلص وتطلع بدون ايدها ! ومثل مكلتلك هلشغلة ما الها علاقة بصداقتنا ! فلا تربط شي بشي
آدم : العمليات اللي فاتوا عدوا بسلامة ! اشمعنى هاي ؟
رامي : لانو هاي اخير شي راح ننظف كل الجراحة فمنعرف شصاير جوة اخير طبقة ! وراح نحاول نرجع كلشي لمكانة
آدم : ان شاء الله خير
رامي : لتفقد الامل
أبراهيم : بالعكس لتحط ببالك امل جبير ! لانو امل نجاحها 25% فأبد لتتأمل وبعدين تنصدم ! يلا رامي
رامي : عن اذنك
آدم
نظرت اليهم وهم يتجهون اليها ! تنهدت بصعوبة وضعت رأسي بين يدي ! اذا لم تنجح كيف سأنظر اليها؟ لن اسامح نفسي مطلقاً ! سوف تخسر حياتها ومستقبلها بسببي ! لم يجب ان اتركها بمفردها معهم ! بقيت انتظر وأنتظر ساعة اثنان ثلاثة لا يوجد خبر منهم ! ماذا حدث ؟ لماذا لم يعطوني اشارة بسيطة !
مرت 8 ساعات ولم يخرج احد من الداخل ليطمني !
بعد دقائق فتح الباب خرجوا رامي وابراهيم !