#فصليةة

حقائق!

شمس
دخلنا الى ابراهيم بعد ان عاين جميع مرضاه ! أحضر الادوات وبدأ بفتح يدي
أبراهيم : اذا متكدرين تباعين ديري وجهج
شمس : لا عادي
ابراهيم : شوية حتحسيين بوجع بس استحملي
نظرت شمس الى آدم : استحملت الاصعب عادي
بينما يعالجني ابراهيم انفتح الباب فجأة دخل طفل خلفه فتاة لا تبدو كبيرة جداً تصرخ عليه
يزن : باباا
منى : يزن تعال حبيبي
ابراهيم : عوفي عوفي
منى : اسفيين معبالنا عندى بعد مراجعات
ابراهيم : عادي آدم صديقي ماكو اشكال
منى : اهاا
نظرت الى شمس : متشوفين شر
شمس : تسلمينن
أبراهيم : منى هذا آدم يلي اسولفلج علي .. هاي مرتي منى !
منى بأبتسامة : تشرف بمعرفتك
شمس بذهول : مرتك
منى : ايي
شمس : شلون
منى : شلون يعني شلون ؟
شمس : يعني انتي صغيرة !
منى : اممم
نظر ابراهيم الى منى التي اخفضت رأسها بحزن ! فحاول تغيير الموضوع !
⁃ شمس لفي ايدج
⁃ ما اكدر متفتر
⁃ افتري كلج
شمس
اكمل ابراهيم معالجتي سألناه عن تاريخ الموعد الثاني وخرجنا
اخذنا طعام وعدنا الى الشقة ! جلسنا نأكل فتذكرت منى وكيف تحولت ابتسامتها الى عبوس ! نظرت الى آدم بحيرة واردفت
⁃ ليش منى ضاجت
⁃ لان اللي كلتي ذكرها باللي صار
⁃ ليش شصار
⁃ هي فصلية
⁃ ياااا خطية والله مجنت ادري
⁃ امم
⁃ بشكد اصغر من ابراهيم؟
⁃ بـ11 سنة
⁃ حيييييل
⁃ اييي
⁃ وليش سافروا؟
⁃ همة اصلا جانوا مقررين يسافرون قبل متصير السالفة ويزوجوا ياها ! فلما صارت وتزوجها الكل عذبها هواية حتى ابراهيم جان يومية يرجع سكران لحد محس على روحة فكام جذب على اهلة كاللهم حاخذها كخدامة ويايا وجوي ولي هسة ميدرون عندة طفل ما عدا رامي
⁃ يااا خطية الله يساعدها
⁃ ايييه
⁃ شوكت نروح علمود المدرسة
⁃ دخلي يفتحون ايدج بالاول
⁃ حيييل
⁃ لعد شلون تكتبين ؟
⁃ باليسرة
⁃ تعرفين ؟
⁃ لاا بس اتعود اللي يريد شي ميوكفة شي
⁃ هسة الله كريم بعد وينج ووين
⁃ والله مبقى شي هياتها مرت شهرين ونص مبقى شي ونصير بالسادس
⁃ اييي المدارس بالتاسع تلحكين تطيبين
⁃ هففف عنوديي
⁃ مو بكدج
⁃ اني شبعت و نعست حفوت انام
⁃ تصبحين على خير
⁃ وانت بخير ، شكرا على كلشي
آدم
قالت كلمتها الاخيرة وركضت الى الغرفة اخرجت هاتفي لا اعلم هل افتحه ام اتركه مغلق حسناً الى متى سأبقيه مغلق يجب ان افتحه ، فتحته هناك مكالمات عديدة من سارة ، خالد ، طارق و والدتي! ماذا يحدث ؟ أتصلت بسارة
⁃ واخيراااا وينك كل هلساعات
⁃ جنت سادة
⁃ ليش بلة
⁃ احسن من دوخة ابوج وسرمد
⁃ آدم لو تشوف شصار
⁃ شصار ؟
⁃ خالد طلع وعاف البيت يريد يستقر بوحدة ورغد هسة دتلوف على جوان ودتعاركها علمود تخليها تقنع طارق ويطلعون ويخلى البيت الها
⁃ هه بقيهم لاهلج نايمين والماي يمشي من جوا رجلهم
⁃ محتسوي شي ؟
⁃ شكو بأيدي يعني ؟ اني مو بس عفت البيت اني عفت البلد وهجيت
⁃ بس آدم هيج حيضيع كلشي
⁃ ميضيع ابوج يدري بكلشي بس مسوي روحة مفاهم
⁃ شلون يعني
⁃ حيجي يوم وتفهمين
⁃ جنك بابا كلة تحجي بالالغاز
⁃ شلونها ماما
⁃ بس تبجي عليك
⁃ من ايدها
⁃ بس آدم
⁃ لتخافين محيصير شي وحنرجع مثل قبل
⁃ ان شاء الله
⁃ ديلا حبيبتي اروح انام تعبت
⁃ ماشي تصبح على خير
⁃ وانتي بخير يعمري !
شمس
كنت خارجة لاتحدث معه بشيء فسمعته يقول حبيبتي ! عمري ؟ مع من يتحدث ؟ هل توجد واحدة يحبها؟ لماذا لم يخبرني ! ولكن لا يحق له ماذا هل أنا لعبةٌ بين يديه ! عدت الى غرفتي بغضب !
لا اعلم سبب غضبي لكن يجب ان يخبرني ! طرق الباب
شمس : ادخل
آدم : جيت اخذ غطة ومخدة
شمس : كدامك
آدم : شبيج
شمس : ما بيا !
آدم : واضح
شمس : اريد فساتين لان بنطرون صعب دا اصعدة واسدة وهيج
آدم : تدللين باجر نطلع نشتري
شمس : اممم
آدم : شبيج ؟
شمس : ما بيا وييي
آدم : اوك براحتج
تركتها وخرجت لا اعلم ماذا جرى لها ! مضت الايام ببطىء ! كانت شمس تتألم كثيراً وتبكي اكثر ! تقربنا لبعض كثيراً بهذه الفترة اصبحت تثق بي ! ولكن يوجد شيء بداخلها لا اعلم ما هو ! دائماً ترمي بالكلام لا اعلم ماذا تقصد !