#فصليةة

صديقةة

شمس : ماذا تريدون ابتعدوا ارجوكم
⁃ لا تجيدين التركية اذاً
شمس : لا اجيدها كثيراً لكن ارجوكم ابتعدوا اطلبوا ما تشأون سأعطيكم فقط ابتعدوا عني
⁃ انكِ جميلة لا نريد ان تضيعين من يدنا
شمس : انظر تبدون انكم شباب لطيفين اتركوني لست مثلما تظنون وايضاً ما زات صغيرة
⁃ كم عمركِ ايتها الجميلة
شمس.: ثمانية عشر ! فقط اتركوني
⁃ مستحيل أن نترككي أيتها المثيرة !
شمس
رأيتهم يقتربون نحوي لا أعلم ماذا أفعل ! نظرت حولي توجد سلة نفايات وتوجد عصا ! حسناً يجب أن اكون قوية ! عدت الى الخلف ببطىء أمسكت العصا ورميت سلة النفايات وركضت بكل سرعتي ! بقيت أنظر خلفي انهم يلاحقونني ماذا سأفعل !
سأختبأ هنا ، يا الهي ساعدني !
- فعلنا مثلما تريد
- حسناً شكرا لكم
- المال !
- تفضل ! يكفي اليس كذلك !
- بالطبع ان اردتنا مرة اخرى فهذا رقمي
- حسناً سأحتاجكم هذه الفترة
- حسناً فقط اتصل بنا وسنكون بجانبك خلال دقائق
- حسناً شكرا لكم!
                                  !!؟
شمس
بقيت جالسة بمكاني ! اخاف ان اتحرك ! هل ما زالوا يلاحقونني ! اختفى صوتهم ! يجب ان أعود تأخر الوقت وايضاً الطقس بارد ! حسناً سأخرج حتى ان ظهروا بطريقي سأواجههم ! أستطيع فعل هذا أستطيع المواجهة !
لن يستطيع أي شخص أن يكسرني !
خرجت من هذه الفتحة ببطىء نظرت حولي لا يوجد أحد سرت بسرعة اريد أن اصل فوراً ! وصلت الو المنزل خلال دقائق ! دخلت لأشرب الماء لاحظت شيء يتحرك في الحديقة ! ماذا ايضاً من اين يخرجون ! سنتان ونصف هنا لم يحدث شيء كهذا ! لماذا بدأ بالحدوث الان !؟
صرخت من نافذة المطبخ : من هنااااك
لم يجبني أحد ! هل يلعبون علي ام ماذا ! 😑
⁃ هيييي اسمعني من تكون ! ان كنت تفهم علي ام لا تفهم هذه تحركاتك لن تخيفني ! ولن استسلم ! هل تسمع! لن أستسلم ! وسأصل الى الذي اريده ! لن يستطيع أيقافي اي شيء ! هل تفهم !
أغلقت النافذة جلست على الكرسي ووضعت رأسي على الطاولة ! لم أشعر سوى بدموعي تحرق وجنتي ! كلا لن أبكي مطلقاً لن أظهر ضعفي حتى لنفسي ! جميعهم تخلوا عني جميعهم لا يريدوني انا ايضاً لا أريدهم ! سأستغني عنهم ! سأنجح بمفردي ! لا أريد مساعدة أحد !
أبراهيم : منى
منى : نعم
أبراهيم : وينج
منى : دا اتفرج
أبراهيم : اول مرة تتفرجين ومتكوليلي
منى : لا بس كل مرة اكلك تكلي تعبان ! نعسان ! اريد انام! ما عندي واهس ! عندي شغل ! او تكلي غير فايقة ورايقة انتي !
ما فد يوم كلتلك واجيت وتفرجنا سويا
أبراهيم : كل هذا بكلبج!
منى : وتريد أكثر !
أبراهيم بمزاح : دكعدي خلي نتفرج
منى : لا محتفرج هو الموضوع انفتح انفتح خلي نشوف نهايتة
أبراهيم : شبيج منى
منى : أبراهيم انت متحبني
أبراهيم بصدمة : شدتحجين انتي
منى : انت باقي ويايا علمود يزن
أبراهيم : شبيج منى مقصر عليج بشي ؟ مو كلشي تطلبي اسويلج يا شنو تخبلتي ؟
منى : وشلفايدة تسويلي كلشي وتودينا كل مكان بس ماكو اهتمام ! ماكو حب ! لك انت كلمة احبج مكايلي ياها حتى بالغلط 
كل الامكان اللي تودينا ياها مال صغار علمود يزن ! ولتنكر هلشي يكفي ابراهيم هاي 13 سنة اني وياك لا يوم ولا يومين ربيتني على أيدك ! عشت وياك اكثر معشت ويا اهلي شفت ايام محد مشافها وتعذبت عذاب محد ممتعذبة يومية اكول لو اليوم اللي سكرت بي مجان موجود جان شكد زين ! جان هسة انت بمكان واني بمكان ! طلك
لم أكمل جملتي ! تفاجئت به يقبلني أغمضت عيني فنزلت دموعي ! أبتعد عني ببطىء
أبراهيم : شحدج تكمليها ! وشحدج تجيبين هلكلمة على لسانج وياويلج تفكرين بيها
منى : بس انت متحبني
أبراهيم : لو ما احبج مجان لي هسة وياج
منى : غصب عنك
أبراهيم : لو غصب عني جان تزوجت عليج
منى : بس ما فد يوم حسستني انو تحبني
أبراهيم : لأن مجنت اعرف انو احبج ! بهلحظة عرفت انو ما اكدر استغنى عنج ! من كلامج هذا عرفت انو ما اتحمل فكرة اكعد وما الكيج يمي ! منى ترى جديات احبج ! لتفكرين بهيج طريقة ابداً
منى
أبتسمت واومأت له بمفهوم ! دموعي لا استطيع ان امسحها ! تفاجئت به يمسح دموعي ويقبل رأسي بهدوء !
أبراهيم : هلدموع ما اشوفها يحلوة
منى : اممم
أقترب مني وحملني !
منى : شدتسوي !
أبراهيم : سكران ما عليا عتب
منى : ابراهيم !
أبراهيم : هيج يوم جان ! قبل 6 سنين !
منى : اممم
أبراهيم : عود استحيتي
منى : لااا ولويش استحي يعني بس شوف علدرج !
أبراهيم بضحكة : يزن
يزن : ليش شايلها؟
أبراهيم : وانت شكعدك!
يزن : عطشت
أبراهيم : وهي رجلها توجعها
يزن : هااا لعد اجي انام يمها علمود يروح وجع رجلها
أبراهيم : كملت
منى : قبل 6  سنين موو
شمس
فتحت عيني بصعوبة ! ضوء الشمس ! يا الهي كيف بهذه السرعة يأتي الصباح ! هل نمت هنا؟ تثأبت وضعت الماء على النار وذهبت لأغسل وجهي واغير ثيابي ! دخلت الى غرفتي !
⁃ بس لو اعرف دفتر مذكراتي وين راح هففف
غيرت ثيابي فطرت وخرجت لدوامي ! لنرى ماذا سيحدث اليوم ايضاً ! وجدت امرأة كبيرة تجلس نظرت الى الساعة ما زال هناك وقت للمدرسة ! جلست بجانبها لا اعلم ان كانت تتحدث التركية ام لا !
شمس : صباح الخير
⁃ صباح الخير ابنتي
شمس : هل انتِ تركية؟
⁃ كلا عراقية
شمس : ايييه والله لعد نحجي عراقي
⁃ مبين من شكلج مو تركية
شمس : ايييه شنو ذول ؟
⁃ فطاير تريدين؟
شمس : تبيعين؟
⁃ طلاب المدارس يشترون مني والحمد الله
شمس : شسمج خالة ؟
⁃ رمزية
شمس : واني شمس !
رمزية : عاشت الاسامي
شمس
خرجت فتاة اليست هذه فاتن!
فاتن : بيبيي يا بيبيي
رمزية : هياتني يوم تعاي
فاتن : شمس !؟ شجابج ؟
شمس : بيبتج؟
فاتن : اممم
شمس. : شفتها كاعدة يم الباب ويمها اكل كلت اكيد تبيع مجنت اعرف انو بيبيتج!
فاتن : اهلاً وسهلاً بيج
رمزية : تعرفون بعض
فاتن : بيبي هاي شموس جديدة بالمدرسة
شمس : اممم اني عدت اخير سنة وانقلت يمكم
فاتن : ليش
شمس : لان تركيتي مو كلش قوية فأريد اتعلمها هلسنة واضبطها بعدين افوت كلية
فاتن : اذا تريدين اكدر أساعدج
رمزية : فتونة كلش قوية بالتركي تساعدج وهم تقرون سويا
شمس : مااشي
فاتن : تجين نروح سويا للمدرسة؟
شمس : ايي يلاا
فاتن : بيبي وين جزدانج
رمزية : علطلبة يوم روحي اخذي شكد متريدين
فاتن : يلا دقيقة واجي
شمس : خالة هاي بشكد الوحدة
رمزية : مو عيب بنتي اخذي وروحي
شمس : ميصير رزقج هذا
رمزية : دخذي حبيبتي اول مرة ببلاش بعدين عود اخذ
شمس : شكررااا
أتت فاتن اخذت قطعة وتوجهنا الى المدرسة
فاتن : مبارحة ليش رفضتي تصيرين ويانا؟
شمس : لانو قبل سنتين صادقت مجموعة وسولي مشكلة اكبر من راسي فكمت اخاف
فاتن : لتخافين احنا حالنا حالج
شمس : انتي الوحيدة عراقية بالصف
فاتن : بصفنا اييي وهسة صرتي انتي
شمس : اممم حلوو
فاتن : مبارحة جنا رايدين نطلب منج طلب اذا جان يعجبج
شمس : شنو هو ؟
فاتن : شوفي أني واللي شفتيهم مبارحة ويايا كلهم اتراك فمسوين هشكل كروب صغير عكدنا وبين فترة وفترة نجمع فلوس ونروح نشتري اغراض ونوديها لدار الايتام ومرات لدار العجزة هيج مثل كروب خيري ! فمبارحة شافوج كاعدة بوحدج فكالوا لو تنظم ويانا ونصير 12 شخص
شمس : يااايي حلووو هلشيي
فاتن : اذا يعجبج اعرفج عليهم اليوم وتصيرين اختنا
شمس : اممم باجر اردلج جواب
فاتن : تمااام ، هسة انتي واخوج بوحدكم عايشين؟
شمس : مبارحة جذبت عليج لان خفت اكول الحقيقة
فاتن : بشنو؟
شمس : أني جاية بوحدي هنا وعايشة بوحدي
فاتن : متخافين
شمس : نكدر نكول تعودت
فاتن : اهااا اذا تريدين تعاي ويايا اني وبيبي بوحدنا كاعديين
شمس : لا ميحتاج اثكل عليكم وبعدين انتو قريبين عليا اذا صار شي كبل اخابركم
فاتن : براحتج اللي يريحج سوي واي شي تريدين احنا بالخدمة
شمس
مرت الايام ! لقد كنت محظوظة بتعرفي لأشخاص مثل فاتن وبقية المجموعة! لم يبخلوا علي بشيء كانوا اصدقاء واخوة بمعنى الكلمة! لم يسيؤا لي ابداً كانوا دائماً معي ! مرَ اسبوعان على معرفتي بهم ! انهم طيبين بحق !
اليوم كان يصادف عطلة ! أخبرت فاتن ان تأتي لنتغدة سوياً اتت صباحاً كنا نتحدث ونطبخ ! الى ان سمعنا صوت الباب !
فاتن : دتنتظرين احد
شمس : لاااع اشوف منو واجيج
ذهبت لأفتح الباب كان ساعي البريد
شمس : تفضل!
⁃ توجد رسالة لكِ يجب أن توقعي انكِ استلمتيها!
شمس
نظرت بأستغراب وقعت أينما أخبرني اخذت الورقة واغلقت الباب ! فتحتها ويا ليتني لم أفتحها ! كانت ورقة طلاق ! ماذا كنتِ اعتقدين يا شمس؟ انه سيعود لكِ ! هه بلعت ريقي لم تستطيع قدمي ان تحملني جلست على الارض وصوت شهقاتي يعلو اتت فاتن نحوي
فاتن : شموسة شبيج يولي نظرت الى الورقة
فاتن بصدمة : ورقة طلاك ؟
شمس : طلكنيي فاتنن ككلشي انتهى
فاتن : شمس شدتحجين شبيج ؟
شمس ببكاء : اكرهة اكرهة كلش ما اريد اتذكرة
فاتن : شمس شبيج عمري تعاي كومي
شمس : لج فاتن عافني بكل سهولة! طلك بكل سهولة
فاتن. : يا طلاك ليش. انتي متزوجة !
شمس
نظرت اليها بأنكسار ! ارتميت بحظنها لأبكي بقوة اكثر ! عاهدت نفسي ان لا ابكي امام شخص ! لكن لم استطيع التحمل
هدأت قليلاً مسحت دموعي وابتعدت عنها
فاتن : شمس احجيلي شصاير ومن شوكت متزوجة
شمس : قبل سنتين ونص
فانتن : شلون؟
شمس : سالفة طويلة
فاتن : احجي
شمس : بيج حيل تسمعين
فاتن : اكيد اختج اني
شمس
نظرت اليها ! حسناً سأخبركي ! أخبرتها كل شيء !
كنت اتحدث وابكي ! لا اعلم ماذا جرى لي !
اين ذهبت شمس القوية !
تحدثت وتحدثت وتحدثت ! تكلمت عن امور حدثت قبل سنوات! اخبرت فاتن كلشيء كلشيء منذ والدتي الى هذه اللحظة !
لا اعلم الذي فعلته صح ام خطأ !
لكني حقاً احتجت لشخص أن يسمعني ويقف معي !
شمس : عرفتي هسة شنو قصتي
فاتن بصدمة : كل هذا تحملتي؟
شمس : متشوفين ما البس ردان قصيرة ابدً واذا لبست ايدي اليمنة اشدها!
فاتن : انو ما تلبسين نص ردن كلت عادي يجوز ميعجبها او جو بارد بس انو تلفيها جنت اكول انو بيها رض او هيج
شمس : هه ايييه هاي قصتي اتمنى متكولين لأحد
فاتن : لتخافين كأنو ما اعرف شي وانتي لازم تكونين فخورة بروحج انو تحملتي كل هذا وتحملتي سنتين وشوية بدون اهلج
شمس : على أعصابي بس اريد اشوفهم بس شسوي
فاتن : ليش ميجون؟
شمس : ميعرفون انو تطلكنا لان هو مكال لاهلة منريد احد يعرف
فاتن : اففف
شمس : اممم خلي اكوم اغسل وناكل
فاتن : اكلج ليش متجين تعيشين يمنا اني وبيبي
شمس : لااا فاتن
فاتن : والله نتسلى اني وانتي ما عدنا احد بس اني وهي
شمس : وين أهلج
فاتن : بيبيتي هي كل اهلي ما عندي اهل غيرها!
شمس : شلون؟
فاتن : تسمعين؟
شمس : اييي!
فاتن : شوفي من صار سقوط صدام بـ2003 وصار القصف اني جان عمري سنة مجنت افهم شي ! فمن جان يصير القصف جنا نروح لمحل ابويا اكو سرداب لي جوا جنا نكعد هناك فد يوم حسب متكول بيبتي ابويا راح يجيب عشة ! وهي روحة بلا ردة ! من ذاك اليوم بعد مشافوا ! امي جانت حامل بقينا بس اني وامي وبيبتي ما عدنا احد ومحد موكف ويانا امي من خوفها وقهرها على ابويا صارت عدها ولادة  ! ومن خوف بيبتي انو توديها مستشفى او تكول لقابلة تجيها مكدرت تطلع ! لحد مجابت امي بوحدها وهي جيبوبة هي موتة ! واصلا من جابت اخويا جان طاك ماي الراس وجابتة مختنك وميت ! ومن ذاك اليوم وذيج اللحظة ما عندي غير بيبيتي وهي ما عدها غيري ربتني احسن تربية وعلمتني أحسن تعليم ! بـ2007 جان لازم افوت مدرسة بس بييتي مفوتتني رحنا لسوريا وفتت هناك مدرسة لحد مصاروا احداث داعش !
طلعنا بلبسنااا وجينا هنا !
شمس : كل هذا!؟
فاتن : ايي كل هذا
شمس : شلون تحملتوا؟
فاتن : تحملنا مادام هي يمي كلشي ما اريد
شمس : هي ام امج لو ام ابوج!
فاتن : ام ابويا ، ام امي ميتة من جانت امي صغيرة
شمس : هااا الله يرحمهم
فاتن : ايييه يلا مناكل ؟
شمس : يلا كومي
أكملنا طعامنا رتبنا المطبخ غيرت ثيابي وذهبنا لمنزلهم
رمزية : هلااا ببناتي
شمس : خالة جبتلج من الاكل اللي اني اسوي بعد ميعجبج غيرة
رمزية : جيبي نضوك ونشوف
شمس : تفضلييي
رمزية : اووه مسويا ملفوف
شمس : لعد شعبالج
رمزية : عاشت ايدج كلش طيب
شمس : ايييه فديتنييي
فاتن : بيبيي اليوم شموسة تنام يمنا
رمزية : بيت بيتها
شمس : لا فاتن مكتلج حنام
فاتن : مو بكيفج عيوني يلا امشي نسوي جاي ونكعد يم بيبي
شمس : ماشي