#فصليةة

يدي ..!? 😭💔

رغد : بعد مكلنا يا فتاح !
شمس : شكو
رغد : نريد ريوك جوعانين
شمس : ايي هسة حسوي والله بس اني متاكدة مبارحة ضميت الزيت وهسة ماكو ؟
رغد : شنو صارتلة جناحات وطار ؟
شمس : والله حطيتا بأيدي بالكاونتر بس ماكو
رغد : كولي سويتي هيج علمود تنتقمييين
شمس : شدتحجين انتي ؟ تخبلتي !
رغد : احترمي حدودج وضبي حلكج
شمس : اسفة
رغد : وشيفيد الاسف راح يريكنا !
شمس : هسة شسوي شنو بأيدي ؟
رغد : كلامي ويا عمي وخالتي خليهم يربوج مبين الحركة مكفت
شمس : كلت اسفة
رغد : بس كرميني بسكوتج
شمس : حاضر
رغد : لالالا الحاضر متفيد تعااي اشووووف
مسكتها من شعرها وسحبتها الى الصالة ودفعتها بقوة
سارة : رغد شبيج تخبلتي !؟
رغد : انتي معليج
سارة : شبيج وياها شسوتلج؟
رغد : تريد تنتقم ومتريكنا
سارة : شدتلغين انتي فهمينا شكو؟
سرمد ي عدلي حجيج وياها
سارة : مكلنا شي بس البنية مسوت شي علمود هشكل تجرها
رغد : تكول حطيت الزيت بالكاونتر وكعدت الصبح مشافتة شنو صارتلة جناحات وطار ! لو طلعتلة رجلينات؟
سارة : وشكو هلكد معصبة هو بطل الزيت بالفين ونص او اقل هسة يروح خالد يجيبلنا
رغد : وليش خالد ؟ وليش هيج ؟ مو احنا يومية بالليل نتسوك ! شبيها متعرف تلغي ؟
سارة : استغفر الله
فريد : يكفييي بس احترموا
سارة : البيت صاير لا يطاق كلة مشاكل من ورا ست رغد
سرمد : احترمي سارة
سارة : جان استحيت طولك وطولك تجي مرتك تمشيك
ضربها سرمد بقوة على وجهها
سارة : وصلت الحالة بيك تضربني علمودها؟
فريد بحدة : سرمد
سرمد : مسمعتها شكالت ؟
فريد : اني ابوها موجود احاسبها مو انت فاهم ؟
سارة : شكرا سرمد
صعدت الى الاعلى
طارق : صدك كالت سارة البيت صاير لا يطاق رغد مدا تجوز وتعوف هلبنية بحالها
سرمد : هي هاي هم بشر هاي دشوفها شلونها
آدم : صباح الخير
عندما سمعت سارة صوت آدم نزلت الى الاسفل بسرعة وعانقته
آدم : شكو شصاير
سارة : آدم حباااب بعد لا تروح بعد سرمد ضربني علمود مرتة يسمع كلامها
آدم : اعوفكم ساعة تكلبون البيت شبيك سرمد اخرفيت
سرمد : وجه هلحجي لست شمس
آدم : شسوت ؟
رغد : تضم بطل الزيت وتكول مضامتة وما ادري وينا
آدم : شهلحجي هذا شنو اطفال
رغد : كوللها
شمس : والله مضامتة وبداعة ابويا
آدم : خلص سدي حلكج
نظرت شمس اليه واخفضت رأسها
آدم : جبت كيمر وكاهي كومي حظري
شمس : حاظر
أخذت الاكياس من يده فمسك يدي بأصبعه نظرت اليه اشار
بعينه اخذتهم بسرعة وركضت للمطبخ
فريد : خلص عرضكم ؟ اهنيكم
سرمد : ياباا
فريد : اهنيك سرمد هي هاي تربيتيي اللك ترفع صوتك وتصيح وتضرب وابوك وامك كاعدين
سرمد : مشفتها شسوت؟
فريد : واحد يحجي الصراحة يجي يوم ونتحاسب البنية مسوت شي مرتك اللي تحارشت بيها
رغد ببكاء : هسة صار صوجي
فريد : من احجي ويا ابني انتي متفتحين حلكج
رغد : آسفة
سميرة : خلص مصار شي هدوا النفوس
فريد : اقسم بالله اذا انعاد هلشي مرة ثانية كل واحد ياخذ مرتة وما اشوف خلقته فاهميين ؟
الجميع : تدلل
آدم
جلسنا في الصالة فهدأ الوضع قليلاً ذهبت الى المطبخ بحجة الماء كانت تبكي وهي تحظر الفطور
آدم : اكو ملاك يبجي
شمس : والله مضامة الزيت
آدم : هسة ديلا معليج بيها خلي تحجي شنو متريد
شمس : اممم
اقترب آدم مني وامسك يدي بهدوء
آدم : لتبجين لخاطري شنو متحجي خلي تحجي
شمس بهدوء : ماشي
أبتسم آدم وغمز لها
شمس : عمو فريد ديصيحك
ترك آدم يدها وذهب لوالده
فريد : آدم اريدك ورا الريوك تجيني للغرفة
آدم : حاظر يابااا
سارة : عن أذنكم مجوعانة
فريد : اليوم جمعة الكل حيتريك ويتغدة ويتعشى سويا
سارة : مجوعانة بابا
فريد بحدة : سارة
سارة : حاضر حاضر
آدم
اكملنا طعامنا وصعدت الى والدي طرقت الباب ودخلت
فريد : تعال اكعد ابني
جلس آدم بجانبه
فريد : اريد اسافر دا اجيب قماش واريدك تجي ويايا لان اخوانك عدهم شغل ميكدرون يعوفوا بس انت ما عندك شي
آدم بقلق : متكدر تروح بوحدك ؟
فريد : لا ما اكدر ولازم تجي آمر مو طلب
آدم : حاضر من بطن عيني شوكت مسافرين؟
فريد : حجزت على باجر الصبح
آدم : ماشي تحتاجني بشي
فريد : كول لشمس تسويلنا كهوة وتطلعها للحديقة
آدم : ماشي
فريد : وها صدك لا عبالك ابوك غشيم
آدم : حشاك بس شتقصد؟
فريد : بعدين افهمك يلا روح
شمس
كنت اعمل وبجانبي آيلا ومجد الى ان دخل آدم
آدم : شموس
شمس : هشش ليسمعك احد
آدم : سويلنا كهوة
شمس : كلكم !؟
آدم : اني وبابا واخواني
شمس : ماشي تدللون
آدم : جيبيها للحديقة
شمس : ماشي
مجد : آموو
آدم : عيوني
مجد : نلئب توبة ؟
آدم : يلا جيبها وتعال نلعب
مجد : ماثيي يلا آيلا تومييي
آدم : اليوم حكلج شي محيعجبج
شمس : شنو هو؟
آدم : بالليل اكلج وها لا تتعشيين اليوم حدبرلي سالفة واجيب اكل من برا اللي واللج
شمس : واهلك؟
آدم : معليج اني ادبرلي شي جذبة
شمس : ماشي
خرج آدم الى الحديقة بعدها عملت القهوة واخرجتها لهم كانوا جميعهم يلعبون الكرة مع الاطفال
شمس : تفضل عمو
فريد : شكرا
أبتسمت واكملت توزيع القهوة وعدت الى عملي كان يوم مثل بقية الايام ! عمل ملل بكاء عراك ! تعودت ! وضعت العشاء على الطاولة ولم اجد آدم
فريد : وينا ادم؟
شمس : ما اعرف يمكن بالغرفة هسة اشوف
اردت الصعود فنزل هو
آدم : يابااا خابروني اصدقائي محكدر اتعشى وياكم وحتأخر لا تنتظروني
سميرة : ماشي حبيبيي دير بالك من الطريق
آدم : يلا باي
سميرة : الله وياك
شمس
غمز آدم لي وخرج انهوا طعامهم قمت بعملي المعتاد الى ان انهيته صعدت الى غرفتي استحميت وجلست انتظر آدم ! ناموا جميعهم جعت كثيرراً هففف اين أصبحت ! أنفتح باب الغرفة
شمس : واخيراااموتتني جوع
آدم بأستغراب : اللي يسمعج يكول حتاكلين كل الاكل هسة لكمتيين وتشبعيين
شمس : شجبت ؟!
آدم : كنتاكي وبتيتة ومقبلات وببسي
شمس : ياااييي يلا خلي ناكل
آدم
جلسنا ناكل كنت انظر اليها بين الحين والاخر! لا اعلم كيف تستطيع الضحك بعد كل الذي حصل ! انهينا طعامنا نظفنا المكان وجلست اشرب القهوة معها
آدم : هلكد تحبيها للكهوة؟
شمس : اييي كلش
آدم : وعادي تنامين !
شمس : بالحالتين مدا انام فعادي اشربها
آدم : شموسة
شمس : نعم
آدم : باجر الصبح حسافر ويا ابويا علمود شغلة انتي لا تديرين بال لرغد وشنو متحجي طنشيها فوتي منا وطلعي منا كأنو كلشي محاجية ماشي ؟
شمس : وشكد تتأخر ؟
آدم : يومين او 3 حسب شغل ابويا
شمس : اممم ماشي دير بالك على نفسك
آدم : انتي ديري بالج على نفسج ومثل مكلتلج معليج بيها واذا احتاجيتي شي روحي لخالد او طارق ومحيردوج
شمس بأحتصار : ماشيي
آدم : متحاجين اهلج؟
شمس : هسة نايمين من ترجع احاجيهم
آدم : براحتج
شمس : صدك لاحظتك تحب الاطفال
آدم : كلش احبهم
شمس : تتمنى يصير عندك طفل ؟
آدم : هواااية اتمنى بس مو هسة
شمس : اشمعنى ؟
آدم : هسة محكدر اتحمل مسؤلية مرة وبيت وجهال خلي اكمل كليتي واستقر بوحدي يلا
شمس : تكعد بوحدك؟
آدم : اكيد اذا جنت هنا او بالخارج مستحيل اكعد ريا اهلي
شمس : لعد هسة!
آدم : هسة الوضع يختلف واذا بقيتي ويايا لحد ما اتخرج حنكعد بوحدنا احسن من مشاكل الاهل
شمس : اممم انت كلية شنو؟
آدم : هندسة
شمس : حلووو
آدم : انتي شنو ناوية تفوتين ؟
شمس : اذا كملت دراستي ان شاء الله افوت تصاميم
آدم : حلو هلقسم للبنات
شمس : ايي احبة كلش والهندسة هم احبها
آدم بمكر : تحبين الهندسة لو اللي بكلية الهندسة
نظرت شمس اليه : شتقصد ؟
آدم : سلامتج
شمس : نينينينيني
آدم : طفلة وربي
شمس
ضحكت بسبب طريقة كلامه ! لقد اعتقدت عنذ ذهابه لن تحصل مشاكل ! لكن اعتقادي كان خاطىء فكل المشاكل حصلت عند ذهابه ! كان اتعس صباح بحياتي ! بعد ذهاب آدم أتت رغد وسحبتني من يدي اخذتني الى حمام غرفتها
شمس : شكو ؟
رغد : هااج هاي ابرة وبيها نفط كعدي وزعي بحمامي لان متروس نمل
شمس : واني شعليا سوي انتي
رغد : مادام اكو خدامة اني شكو
شمس : على الاقل طلعي النيدل
رغد : لااا بالنيدل لان اريدة يفوت بين البواري
شمس : بس ليصير شي
رغد : ميصيرلج شي مثل البزونة بالف روح انتي
شمس : حيجي يوم وتتعاقبيين صدكيني
رغد : كرميني بسكوتج رجاءاً
شمس : حتندمين رغد والله حتندميين !
رغد : اشتغليي اشووف يلااا
رغد
وقفت عند باب الحمام انظر اليها ! حسناً دفعة خفيفة لن تأثر بشيء ! اقتربت منها ودفعتها
شمس بصوت عالي : ااااااييي ايدييييي
رغد بفزع : شصار شبيج ؟
شمس ببكاء : ليش هيج
نظرت رغد اليها : مستحيل
شمس : ايدييي دتوجعنييي
رغد بخوف : ل للللتتحركييين سررمددد خااالددد لكم ويننكم لحكونااا طاررق
سرمد : شكوو شبيج
رغد : شمس دتنظف الحماام بالنفط وتزحلكت وفاتت الابرة والنفط بايدها
سرمد : ميصيرلها شي طلعوا الابرة وهاي هي
رغد : ابرة بيها نفط شدتحجي انت
سرمد : عادي شبيج
خالد : شبيج تتصايحون صوتكم لجوا ؟
رغد : عفية خالد فوت شوف شمس ابرة بأيدها
دخل خالد اليها كانت جالسة تنظر الى يدها بخوف وتبكي
شمس : خالد الله يخليك طلعها دتوعني حيل
خالد : اخاف اطلعها ليصير شي
شمس : ميصير بس طلعها حبااب ايدي دتموتني مدا احس بيها
سرمد : وخر اشوو
سحبها سرمد بسرعة وقوة
خالد : راح الوجع ؟
شمس ببكاء : بعدة مدا احس بيها هاي ليش
سرمد : ميصيرلج شي يلا كملي شغلج وولي منا
نظرت شمس اليه : ماشي
سرمد : يلا خالد تاخرنا
خالد : بس ميصير تبقى هيج خلي نعقمها يشوفها دكتور شي
سرمد : ميحتاج هي جكة ابرة يلاا
شمس : خلص خالد ما بيا شي روح لشغلك
خالد : احتاجيتي شي كولي للينا وهي تكلي
شمس : ماشي شكرا
خرجوا سرمد وخالد اكملت عملي بيدة الشمال ونزلت الى المطبخ
سارة بفزع : عزززة شمس شبيها ايدج؟
شمس : عادي يومين وتروح
سارة : لج شوفيها شكد مورمة باعيها شكبرها صايرة وبعدين دتذب جراحة مو زين
شمس : هسة اعقمها بدوة احمر
سارة : لازم يشوفج دكتور ميصير هيج
شمس : لا ميحتاج بس عدكم دوة احمر؟
سارة : ايي لحظة
شمس
كانت تؤلمني يدي بشدة لكني لم اتكلم اريد الموت انا اريد هذا لارتاح قليلاً بعد الذي عشته هنا ! احظرت سارة الدواء وضعته على مكان الجرح واكملت عملي ! في المساء كنت ذاهبة الىغرفتي فسمعت رغد تتحدث بالهاتف!
رغد : يعني متأكد هي حامل ؟
⁃ أيي متأكد
رغد : ولد لو بنية ؟
⁃ ما اعرف بس هي بالجديد حامل
رغد : تمام لعد اني هم حكول لسرمد انو حامل
⁃ ربطنج شلون
رغد : معليك أني ادبرها بس اللي عليك تسوي تعرفلي شوكت حتجيب وبيا مستشفى علمود نتفق ويا المستشفى
⁃ بعد وكت عالاتفاق ! زين من تجيبين متنطين خبر لسرمد ؟
رغد : بلي انطيي شلون ما انطي بس من اوصل للمستشفى اخلي امي تخابرة وتكلة علما يجي اكون جايبة معليك انت
⁃ ماشي براحتج بس سؤال
رغد : كول
⁃ انتي تكدرين تحبلين ليش متحبلين وتفضيها؟
رغد : اني ما احبة اخذتا علمود فلوسة وما اريد احبل منة
⁃ اممم اوك ماشي
رغد : ماشيي يلا روح قبل ليجي الافندي
شمس
مستحيل ! هل تخون سرمد ؟ كيف سأخبره لن يصدقتي حتماً
كيف تفعل هذا ؟ هل جنت ! ذهبت الى غرفتي فتحت دفتري وجلست اكتب ! فلا احد يستطيع سماعي غير مذكراتي !
مضى يومان بشكل طبيعي مشاكل رغد ! تنظيف وطبخ !
وانتفاخ يدي يزداد شيئاً فشيء أصبح شكلها مقرف لا استطيع النظر الى نفسي ابداً اين اصبحت يا آدم ؟ متى ستعود احتاجك كثيراً واشتقت لك اكثر
ظهر يوم جديد
سميرة: شمس ياا شمس
سارة : شمس دتسبح مام اني حفتح
فتحت الباب فكان ابي وادم واخيراً عدت يا ادم واخيرا سوف تنهي هذه المهزلة والتخلف والاستغلال الذي يحصل هنا خذ شمس وارحل من هنا الفتاة ستموت
سارة: هلااا حمد الله على السلاامة
فريد : الله يسلمج
آدم : لتباوعيني مجبتلج شي
سارة : دفوت فوت
آدم
كنت ابحث عنها بعيني لكني لم اجدها اين هي
آدم : عن اذنكم صاعد ارتاح
سميرة : روح حبيبيي روح وكول لشمس تنزل تحظرلكم اكل
آدم : ماشي
شمس
كنت اانشف شعري وافكر متى سيأتي آدم أنفتح باب الغرفة فكان آدم عندما رأيته ركضت اليه وعانقته لا اعلم كيف فعلتها ولكني فعلتها
شمس : واخيرااا رجعت
آدم بصدمة : هلكد اشتاقيتيلي ؟
شمس : هوااية واحتاجيتك هواية
أبتعدت عنه : شلونك انت ؟ زين ؟
آنتبه آدم ليدها : شبيها ايدج ليش هيج مورمة ومنفوخة؟
شمس : جنت اسوي الحمام بالابرة والنفط ورغد دفعتني وفاتت الابرة بايدي
آدم : وليش ما اعرف ؟ ودوج دكتور؟
شمس : اني مخليتهم يكولولك مو شي مهم لا مودوني اني مردت
آدم : هي بكيفج امشييي
شمس : وين
آدم : اشوف نهايتها وياهم
مسكت يدها ونزلت للاسفل
آدم بصراخ : والتالي وياكم ؟ لك انتو شنو مو بشر؟ ما عدكم ضمير ؟ الله من شنو خالقكم ؟ متكولون بيوم حتحتاجون مساعدة ومحد حيساعدكم
فريد : شبيك ادم ؟
ادم : شووف ! بربك هاي سواية هاي ؟ شلون يسوون هيج بيها؟ افتهمنا فصلية وافتهمنا ما عدها حق بشي بس مو هيج ! حتى الجب الواحد يحترمة ويهتم بي
فريد : شلون صارت هيج ايدها؟
آدم : مرت ابنك الخاتون دافعتها بالحمام وبايدها ابرة بيها نفط
نظر فريد الى رغد
رغد : ايااا جذابة يا حياالة لو ما اني صحتلج خالد وسرمد وجوي طلعوا الابرة تنكرييين المعروف بعد
نظرت شمس اليها
رغد : واني جان كدرت افوت الزمها من تزحلكت بس خفت لا افوت واتزحلك واني حامل
سميرة : حامل ؟
رغد : اييي جنت ناوية اسويلكم ياها مفاجأة بس كلتها بعد
فريد : وديتوها دكتور؟
سميرة : ميحتاج يمعود نطيناها حليب هسة فترة وتفش
آدم : يا حليب ؟ ليش هو تسمم بالمعدة؟ نفط ودخل للدم شدتحجون انتو ؟
فريد : اخذها للدكتور ادم واللي يلزم سويلها يا وانتو حسابكم بعدين ! رغد ولينا وجوان رياجيلكم من يجون تدزولي ياهم للمكتب ورغد تجيين وياهم
رغد : حاظر
آدم: روحي بدلي وتعاي يلا
شمس : ميحتاج ادم
ادم : يلاا كدامي
غيرت ملابسها وذهبنا الى الطبيب
الدكتور : تفضلوا !
آدم : بشرنا دكتور شطلع؟
الدكتور : اسف للي حكولة بس ماكو كدامنا غير البتر
شمس ببكاء : نعم ؟ ادم شديحجي هذا مستحيل
ادم : دكتور شدتحجي راجع التحليلات
الدكتور : كلش اسف بس النفط سام وداخل للدم والاوردة كلها منتهية
شس : مستحيل
آدم : ماشي دكتور شكرا جزيلاً
الدكتور : اهلا وسهلاً
مسك ادم يدها وخرجوا : خلص لتبجين
شمس : مسمعت شكال؟
ادم : معليج بي راح اوديج يم غير دكاترة
شمس : واذا جان كلامهم نفس الشي
ادم : تفائلي وكولي يا الله
شمس : يا الله
آدم
اخذتها الى اكثر من طبيب ! لكن مع الاسف جميعهم نفس الكلام ! لا يوجد حل اخر غير البتر ! نظرت اليها كانت تبكي وتنظر الى يدها بحزن
ادم : شموس عدنا بعد امل
شمس : مبقينا دكتور مرحنالة وكلهم نفس الشي
آدم : اخو صديقي دكتور شاطر حيل وماكو شي ميكدرلة اصعب عمليات مسوي نروحلة وان شاء الله خير
شمس : شوف الامل شكد ضعيييف
آدم : الله محيعوفج
شمس : خلص ما اريد رجعني للبيت
آدم : مستحيل
شمس : نفس الشي لتتفائل
آدم : انتي بس امشي ومعليج
ذهبنا الى عيادته الخارجية انتظرنا دورنا ودخلنا
رامي : يا هلا بآدم وين هلغيبة
آدم : والله مشفت راحة بذيج الفترة بس الحمد الله
رامي: حمد الله تفضلوا
آدم : اخبارك شلونك؟
رامي : بخير الحمد الله وانت
آدم : والله اني جايك وكل أملي بيك
رامي. : خير عيوني اللكم
آدم : زوجتي جانت دتنظف بالنفط وفاتت الابرة بايدها وبيها نفطها صارلها حوالي 3 او 4 ايام ودتذب جراحة وديتها لاكثر من دكتور كلهم كالوا بتر كلت ماكو غيرك
نظر رامي اليها : مو صغيرة؟
آدم : قصة طويلة
رامي: عندك تحاليلها؟
آدم : ايي هاك
نظر رامي الى التحاليل والى شمس التي تبكي بصمت !
هذه الشابة الصغيرة التي لديها آلآم اكبر من سنها !
آدم : بشر !
رامي : تفضلي استريحي هناك
شمس : ليش ؟
رامي : اريد افحصها عدل
نظرت شمس الى آدم بخوف
آدم : كومي شمس تعاي يلا
جلست على السرير وجلس آدم بجانبها مسك رامي يدها وضغط قليلاً
شمس : هنا اكو وجع قوي
رامي : طبعا لانو مليانة جراحة
آدم.: وشنو الحل ؟
رامي : من افتح راح اعرف
شمس : شتفتح؟
رامي : ايدج ! لازم نسويلها عملية بأسرع وقت ! وحنشوف الجراحة واصلة للعظم لو لا ! اذا مواصلة خير على خير واذا واصلة
آدم : اذا واصلة شيصير؟
نظر رامي اليهم بهدوء
شمس : بتر مو ؟
رامي : اسف يعني
شمس : ما اريد آدم خلي نرجع
ادم : لا منرجع ماشي يا رامي اللي تشوفة سوي واحنا جاهزيين لكلشي
شمس : ما اريد
آدم : بلي تريدين
رامي : جدولي اليوم ما عندي وكت باجر بالـ10 بالليل عمليتها يناسبكم؟
آدم : تمام ساعة بيش تريدنا يمك ؟
رامي : تعالوا بالـ6 يسولها تحاليل ويجهزوها علما يصير وكت عمليتها وباجر بالـ12الظهر تكطع الاكل والشرب
آدم : ماشي شكرا
رامي : على راسي لتخافون ان شاء الله يصير الزين
آدم : ان شاء الله مع السلامة
رامي : مع السلامة