اخويه الجبير كلش قاسي وعلاقته موهالكد ويايه دائما واكفلي على طكه وهسه اجته من الله اغلط بس
اخويه الصغير يحبني كلش وكلبه طيب
بس ماشفته لحد الان لاشفته ولاشفت ابويه
الشيخ وظليت على هالحسبه والتفكير والقهر رح يموتني
وبعد كم يوم إ جاني الصبح اخويه الجبير
كلي
....يله لمي هدومج وتعاي
كمت ابجي
....كتله الله يخليك وين تودوني
......سكتي لتفتحين حلكج هم إلج عين تحجين
واني
ابجي وجان اسمع صوت اخويه سالم رحت عليه ركض
وجان يدخل لغرفتي ويكعد على الجربايه مالتي وباوع عليه
كلي
....ليش فيروزة تريدين تكسرين عينه واحنا العالم يتحاجون
بينه ليش مو احنا كلنا نحبج ومداريج هيج تريدين طيحين عكال الشيخ وتروحين هيبتنه تريدين تهيني
بكبرته
للشيخ
....ـ والله اخويه ماسويت شي والله محاجيه وياة
....شلون محاجيه وياة هو كايل لصديقه ابن رباح
....انتي تحبي وهو يحبج
..... والله اخويه ماعندي
شي وياة والله كذاب اني غلطت فدوة سامحوني
.....عالعموم احنا رحنه كتلناه خوش كتله معدله وهددناة نطكه
بطلقه بس يفتح حلكه بحجايه وابن رباح هم اخذ
المقسوم وهم هددناه
ولان هذا صميدع موخوش ادمي ومايستحي
راح خطب وحدة
شفتي حتى تعرفين شلون غلطه سويتي هذا مو زلمه
هذا نثية شوفي فيروزة
احنا رح ندزج لبغداد يم عمتي سعديه
الشيخ راح وحجه ويا عمتي وهي رح تبقيج هناك
......خويه فدوة لتوديني والله بعد مااسوي شي اني وين شايفه عمتي مااعرفها اموت بدونكم فدوة لعمرك
...... مو بكيفي الشيخ هيج كال ومانكدر نعارض
كلام الشيخ وترة هو مريض لتخلي يضوج اكثر الله يخليج
روحي وبلكي منا لجم يوم اقنعه وارجعج
لاتطولين السالفه يله لمي هدومج وغريضاتج ونزلي
السايق جوة ينتظر
واني ابجي ودمعتي مانشفت ولميت هدومي ونزلت جوة
..... خويه خلي اسلم على الشيخ
ماقبل كلي
.....ميريد يشوفج الشيخ
واسمع اخويه الجبير بس يعيط
وكمت صعدت بالسيارة وعيوني تعاين على كل مكان
بالبيت كلت يجوز بعد مااشوف بيتنه وجان وكلبي يم
ابويه الشيخ ومشه السايق وكلبي نخمط
وصلنه لبغداد ودخلنه لبيت بي حديقه وبيت حلووو
بعد بيوت بغداد احنا نسمع بااهل بغداد وبيوتهم
ولبسهم اخر كشخه وشفت وحدة واكفه بالباب مال بيت نزلت من شافتنه
يتبع ........
#الكاتبه #روجمان
