ولمن رفعت راسي
شفت شيخ يخبل مومثل متوقعت اتصورته محلو شفته شيخ اسمر طويل وعيونه سود والعكال زايدة هيبه
باوعت وهو هم باوع بوجهي دانزل راسي وجان يكمش راسي كلي
..... عيونج ملونه فيروز
.... اي شيخ
... اشو اباوع
.... انتي حلوة وعيونج كتاله وضحك
شلون ضحكه تخبل سكت وجان ورة شويه كلي
،..شكالولج اهلج عليه
.... ماحجو شي
.... زين خلي اكلج
اني مزوج وعندي مرة وعندي منها ولد واني احب مرتي واخذتها عن حب ولكن هي تمرضت وهي عدها غرفه جوة نايمه بيها وعندي ولد عمرة اربع ااسنين رح تكونين مسؤوله عنه ومرتي مالج دخل بيها زين واني انام يم مرتي لان مريضه ومااكدر اكسر خاطرها وخلي بالج حجايه زايدة مااريد اسمع ودربالج على الحجيه اريدج اساعديها
.....زين ليش ازوجتني لعد
.....علمود ابني وعلمود الناس لايظلون يحجون
......بس انا ماادري بكل هذا
.....مومشكلتي اذا اهلج ماكلولج
....وكافي سد الموضوع
......اي
وكعد كلي
.....شكد عمرج
...18سنه
..... وين وصلتي بالدراسه
..... لحد الاول متوسط وابويه الشيخ بطلني
....زين
وبعدين طل يباوع عليه وجرني عليه وباسني وجان نسمع عياط وركض الشيخ
نزل واني وكفت اباوع من الدرج وطلعت مرته متخربطه
ودخل للغرفه مال مرته عد امه شافتني واكفه جان ادكلي روحي لغرفتج واني ركضت لغرفتي وماطلعت وظليت انتضر الشيخ ومااجه كمت نزعت النفنوف ولبست دشداشه ونمت عد حسيت وج الصبح وجان اشوف الشيخ كاعد على الكرسي يباوع عليه
....ها كعتي
.... اي شيخ صباح الخير
....شلون تنامين
.....مو انت كلش تااخرت
واني نعست ونمت
....تعاي
ورحت يمه وكفت وجان اشوف عيونه ذب نار عصبي مااعرف شنو السبب كلش خفت منه وكمت ارجف
رفع يدة ديضربني وجان ينزل يدة
.... روحي مااريد اشوفج بالغرفه
واني طلعت عالسريع من الغرفه ظليت واكفه فوك اخاف انزل واخاف افوت للغرفه ورة شويه جان يطلع الشيخ باوع عليه
....شبيج واكفه هنا
.... لا مابيه شي بس
.... شنو بس
سكتت وماادري وحسيت اريد ابجي
..... تعاي
ورحت وجان يجرني من يدي ودخلني للغرفه
وسد الباب
..... فيروز لضوجيني بعد ولتعانديني وانتي
بت شيخ المفروض تعرفين شلون تعاملين رجلج وشلون
تحترمي انتي سمعتي صوت عياط حتى مانزلتي جوة
....مو امك كلتلي روحي لغرفتج
جان يسكت
..تعاي هسه اهلج يجون
وجان ييتقرب عليه وكان الموضوع بدون اي احساس
وبعدها
لبست دشداشه بيضه ستان عمتي اشترتلياها من بغداد وخليت الربطه فوك راسي
وانتظرته لان هو دخل للحمام الي خارج الغرفه مالتنه
عد اجه شافني كاعدة
كلي
....فيروز رح احجي وياج افتهمي
زين اني احب مرتي وهي مريضه سمعتي وانتي لطلبين مني احساس وحب وهلسوالف لان ماعندي مشاعر انطيها
لغير ام صفوان سمعتيني انتي ازوجتج لان كلش اصرو عليه على الزواج ولان انتي بت شيخ وكالو حلوة
ومن هذا الحجي بس اني مااكدر انطيج غير حقج الي من يعجبني اجيج
افتهمتي
.... هزيت راسي
واذكرت ابويه من كلي خلي راسي مرفوع وكلي هالمرة اذا غلطتي مااسامحج ابد وكلت لازم اتحمل شيخ ضرغام
يتبع.......
#الكاتبه #روجمان
