جان
البيت مالتهم عالي و بي درجايات ونزلت هاي المرة الي هي طلعت عمتي جتي
عليه كلتلي
......هلو بت اخويه الغالي وحضنتني
طبعا اني مشايفه عمتي لان عمتي عمرها ١٤سنه واجه تاجر ابن صديق جدي الله يرحمه وشاف عمتي بالصدفه وخطبها وزوجته وعايشه بغداد جنت اسمع يكولون عمتي حال ومال وخلاها صير معلمه وعدها ولد اثنين وبنات اثنين هيج جنت اسمع بس حتى مشايفه عمتي لان عمتي متجي يمنه ابد
المهم باوعت على عمتي صدك ماتشبهنه لان عايشه
بغداد صايرة بنت المدينه
لابسة تنورة كصيرة وطالعه رجلها كلت بكلبي يا
شكد عيب ولابسة قميص الوان ولابسة حذاء عالي
كلت يمه هاي شلون تمشي بي
وخاله مكياج وحلوة وعيونها مثل عيوني
وعيون ابويه الشيخ بس هي مرتبه كلش
حتى من تحجي مثقفه مو مثلنه يختلفون عنه احنا
ابويه كلش متشدد مرة مرت صديقه دزتلي حذاء عالي هديه
ماقبل البسة كسر الكعب ماله وكلي هاج لبسي يكلي
قابل انتي تريدين صيرين ارتست
دخلتني عمتي ليجوة للبيت وجانت اكو بنيه كاعدة حلوة
عمتي
كالت
.....هاي بنتي حنان وأشرت على رجال جان كاعد
على كرسي من هذا الي يتحرك بعدين عرفت هذا يسمو
كرسي هزاز وكامش الكتاب بيدة ولابس روب
فوك البنطرون شكله مال أفندي
وسلم عليه كلي
....اهلا وسهلا بنتي شرفتينه
عماي كالت هذا زوجي
وحنان
مبينه حبابه كامت بوستني
والبيت من الداخل يختلف عن بيوتنه حتى اثاثه
بس حسيته كئيب ماادري يمكن لان اني بعدني ممتعلمه عليهم
وعمتي سعديه
صاحت وحدة
.... صباح تعاي
ماادري شلون تحجي طلعت خدامه مصريه تشتغل يمهم
كالتلها حضرتي غرفه لفيروز كالتلها اي ستي حضرتها
عد اني جنت تعبانه من الطريق
كتلها لعمتي ميخالف
اصعد ارتاح شويه كالتلي اي اكيد
صعدي رتاحي وبعدين عود نزلي نسولف
لان هوايه عدنا سوالف ومنا وجاي احنا اهلج وحنان
صديقتج وتصرفين بحريتج لتتقيدين زين
..،..اي ان شاءالله
وصعدت ارتاحيت شويه ونزلت وتقريبا بعد ساعتين اكثر كتلها اريد ادخل اسبح كالت اي دخلي شفت حنان كامت دلتني على الحمام باوعت عليهم
هما ملابسين دشاديش لابسين تنانير كصار مومثلي المهم دخلت للحمام سبحت وطلعت كعدت يمهم تغدينه
وشربنه جاي طبعا ميسشتغلون كلت لنفسي همزين لان اني بالبيت هم جنت مااشتغل هاي الخدامه مالتهم تشتغل كلشي اسوي
وهما ميوصخون نظيفين كلش وعمتي كاعدة تحوك وجنان كامشه كتاب ورجل عمتي ماادري شيكتب ناس هادئين
بيتهم مرتب
تحس ماكو شي يتحرك من مكانه و يسمعون راديو
ناس بيهم طيبه عدهم ثقافه عدهم هدوء يتكلمون بينهم بااحترام
ويحجون بصوت ناصي عرفت عدهم ولد عايش برة يدرس طب واحد مزوج هنا وعايش بغير بيت وعدهم بنيه مزوجه وهم مسافرة للخارج فباقي عدها عادل ممزوج يدرس
وحنان و حنان اكبر مني مخلصه كليه بس متشتغل
وهذا الي سمعته يحجون عنه واني ماسئلت ابد وهما ايضا مو مفضولين
مسئلوني ليش جابوج يمنه ولا دخلو بشي كلش راقين
واحترم خصوصيتي وكانو يتصرفون ويايه بشكل طبيعي
يتبع ........
#الكاتبه #روجمان
