طبعا شويه بدت معاملته للشيخ صير احسن ويايه
وصفوان كام كلش يتعلق بيه وانا مالي دخل باام الشيخ وزوجته احاول اجنبهم ومااكعد يمهم بس هاي الفترة
مرت الشيخ كامت تتعب كلش وخلال شهر كامت يوم عن يوم تتعب اكثر والدكاترة كالوله مامنها امل وبعد تقريبا 3اشهر من زواجي وجان تموت مرت الشيخ طبعا الشيخ مربحاله اكتئاب موطبيعيه والي كرهني فد مرة كلي
.....من انتي دخلتي لبيتنه هي نفسيتها تعبت اكثر وكامت تنقهر وماتت
واني كنت احاول بكل طريقه اتقرب من الشيخ ولكن هو يصدني
وظليت على هاي الحاله بس بخلال هاي الفترة علاقتي باام الشيخ صارت احسن
ومرة الشيخ اجاني بالليل اجه واخذ حقه كرجل بس بدون اي احساس ووبعدين نزل نام بغرفة زوجته المرحومه بس المشكله انو اني كمت احب الشيخ اتنفسه مثل الهوى و متتت من الشوك وكنت اظل الليل كله سهرانه ادور على حضنه وعلى ريحته
واظل
ماانام وميغمضلي جفن كمت احير شسوي للشيخ بس جنت اشوفه يباوعلي بنظرات احتقار
ودورات يجي ينام بالغرفه ويايه او يتقربلي بس بلا مشاعر وبلا حتى كلام بس جنت اكول مو مهم المهم انفاسه ويايه
المهم هو موجود يمي المهم انو عيوني شوفه المهم اسمع صوته
وبعد فترة طلعت حامل ولمن عرف مدار بال ولااهتملي
بس ام الشيخ فرحت كلش ومرة
كتله
..... اريد اروح لبيت ابويه الشيخ كلش مشتاقتله
...لا متروحين
.... فدوة شيخ ابويه عافيتته مومثل الاول خلي اروح اشوفه
.... مدامج لاسنتيني رح تروحين بعد مترجعين
وابقي بيت اهلج
وجان يوديني لااهلي وماقبل يجي عليه وابويه
كلي
....تالي وياج فيروزة
.... والله بويه ترة اني ماكلتله شي ردت اجي اشوفكم وبس ماسويت شي اسئل الشيخ ضرغام
.... عوفي اول وتالي يجي انتي حامل
واني متت كمت الوم بنفسي شلون طلعت لوباقيه وشلون بيه مااشوفه مواني اموت اذا ماااشوفه
وكمت اكعد واحاسب روحي شلون ومشلون ومرت الايام وهي عوفه
والشيخ عافني سنه واربع اشهر كامله بيت اهلي مرت عليه هاي الفترة ميت سنه يوميه ابجي لحد متورم عيوني وصير حمرة وابويه واخوتي ماقبلو يحجون وياة كالو منتنازله وجبت ولد
وهم مااجه ورة ماجبت بااربع اشهر اجتي ام الشيخ كالت اجيت ارجعج ابويه ماقبل بس اني ماصدكت ارجع واشوفه
وخليت ورجعت ويا ام الشيخ ولمن وصلت للبيت جان الشيخ بالحديقه وشافني بس ولاكام ولاحجه ويايه وردت اسلم عليه اشرلي بيدة سكتي وسكتني عد امه اخذت الطفل مني وخلته بحضنه ظل يباوع بوجه وشفته هيج ابتسم ابتسامه يادوب تبين المهم خليت وصعدت فوك لغرفتي
وبعدها ظليت هاي الفترة بس اباوع على الشيخ من بعيد ومن اشوفه كلبي يدك حيل دورات اكول لوبيدي ادوس على كلبي وماااحن للشيخ
لوبيدي اخذ ابني واروح ولااعيش هالعيشه بس
اوف ياكلبنا شلون رهيف وضعيف ويحن لكتاله
ومايهتم بالكرامه وعزت النفس
وكلت لنفسي تالي وياج فيروزة شلون الدنيا متصفالج
ماتضحكلج مرة وتالي ويا حظج المايل ماراح ينعدل شويه
يتبع.......
#الكاتبه #روجمان
