Finding My True Love

Chapter 6:Finding My True Love

        MULA NG maging magkaibigan sina Yuan at Yanyan ang bawat araw na dumadaan at lumilipas ay nangangahulugan na lumalawak ang kanilang pagkakaibigan. Halos araw- araw silang magkasama ni Yanyan at lagi siyang nasa bahay ng mga ito.  Umuuwi lamang siya kapag oras na ng tulugan.  Doon na rin siya kumakain kina Yanyan nagdadala siya ng ulam at kina Yanyan na ang kanin. Araw-araw ay ganoon na ang kanilang set up. Kung hindi mo sila kilala ay mapagkakamalan mo silang magkasintahan o mag-asawa. Naging malapit din si Yuan sa dalawang kapatid ni Yanyan. Tinutulungan niya ang mga ito sa mga assignment at kung walang pasok ang mga ito ay nagbabasketball sila ng mga ito pagkatapos ng trabaho niya sa palengke. Masayang masaya siya sa company ng magkakapatid lalo kay Yanyan dahil lalo niyang nakikilala ang pagkatao nito na hindi niya inaakalang mangyayari. Habang tumatagal tuloy ay lalo siyang humahanga sa dalaga at may parte ng pagkatao niya ang unti-unting umuusbong para sa dalaga ngunit ito ay hindi niya masyadong pinapansin dahil sapat na para sa kanya ang anumang mayroon sa kanila ng dalaga.  Sa parte naman ni Yanyan ay masaya rin naman siya na naging kaibigan niya si Yuan kahit pa napilitan lang siya noong una.  Saka napatunayan niyang hindi pala totoo ang akala niyang antipatiko at bastos ang binata dahil ang totoo ay napakabait, gentleman at maaalalahanin nito pero makulit pa rin kaya naman hindi pa rin niya maiwasang matarayan at maaway niya ito kapag umatake ang pagiging makulit nito.  Isa rin sa nagustuhan niya kay Yuan ay ang pagiging malapit nito sa kanyang dalawang kapatid.  Naranasan tuloy ulit nilang magkaroon ng kuya sa katauhan nito. Dati kasi malapit ang mga ito sa dati niyang kasintahan na si Julio. Halos lahat ng ginagawa ni Yuan sa kanyang mga kapatid ay pareho rin ng ginagawa ni Julio.  Ang pagkakaiba nga lang ay kasintahan niya si Julio samantalang si Yuan ay kaibigan niya lamang. Madalas nga siyang tuksuhin ni Cleo na baka hindi magtagal ay mahulog ang kanyang loob kay Yuan dahil sa sobrang lapit nila sa isa’t isa simula ng maging magkaibigan sila nito.

Sabi ni Cleo mas lagi ngang magkasama sina Yuan at Yanyan kesa silang dalawa ni Yanyan. Pero para sa kanya ay imposibleng magkagusto siya kay Yuan hindi dahil sa mahirap itong mahalin kundi dahil sa may mahal pa siyang iba.  Ito ay ang dating kasintahan niya na hanggang ngayon ay mahal na mahal pa rin niya kaya naman hanggang ngayon ay hindi pa rin siya nagkakaroon ng boyfriend simula ng naghiwalay sila nito ng hindi maayos. Ngunit umaasam siyang makalimutan ang pagmamahal niya para sa dating nobyo.

Sa palengke habang abala sa pag-aayos ng kanilang paninda sina Yanyan at Cleo katulong si Yuan sa pagbubuhat ng banyera ng isda ay dumating si Leon ang masugid na manliligaw ni Yanyan.

” Hello,my babes! Kamusta ka na? Namiss mo ba ako? Ako kasi sobrang miss na kita kaya naman nandito na ako para masilayan ko ang ganda ng my babes ko.” bungad na wika ni Leon na tulad dati ay pa- cute pa rin.

” My babes ka diyan! Tigilan mo nga ako,Leon. Huwag mo akong simulan ngyon umagang- umaga.” pagsusungit na naman niya kay Leon.

” Ang guwapo mo naman ngayon, Leon diyan sa ayos mo. Sigurado maraming mapapatingin sa iyo niyan.” sabad ni Cleo mula sa likod.

” Salamat,Cleo. Mabuti ka pa napansin mo ang kaguwapuhan ko ngayon. Talagang nagpaguwapo ako para lang kay Yanyan,my babes.” pa- cute na naman ni Leon habang nakatitig sa dalagang iniibig.

” Ewan ko sa inyong dalawa diyan.” asik niyang wika sa dalawa.

” Siya ba si Leon,Cleo?” biglang tanong ni Yuan buhat sa likod.

” Oo,Yuan. Siya si Leon ang masugid na manliligaw ni Yanyan dati pa. Bagay na bagay sila, di’ba?” ang nakakalokong sagot ni Cleo.

” Ako nga pala si Yuan.” pagpapakilala ni Yuan kay Leon sabay lahad ng kamay.

” Leon,pare.” ganting pagpapakilala rin nito sabay nakipagkamay din kay Yuan.

” Boyfriend nga pala ni Yanyan.” wika ni Yuan.