مشوار دلال

الجزء الرابع

وليد....هاي شبيك رائد شو اليوم ابد مو على بعضك ....شنو گالتلك رويده...
رائد...لا ماكو شي هيج مگالت شي...
رائد....هسه ارجع...
وليد.....وين رايح يامخبوص...
رائد.....هسه ارجع بشغله صغيره يم المدير واجي..

دلال....اگلج رويده اليوم استاذ فاروق لاول مره يسألني ...
رويده....شنو سألج...
دلال.....گلي ان شاءالله مرتاحه بدوامج..
دلال.....صار سنتين ولامره صاير مؤدب هيجي مثل اليوم...
رويده...الله يهدي ...شو حاسته ديحبج الرجال ومنتظر منج مبادره ويصارحج.

دلال...اوي رويده ماحط اي احد بالي...ترى الي عدها اخ مثل حاتم لازم تطلع كل هالافكار من دماغها...

مر اسبوع ......
دلال.....اجيت للدائره وكالعاده سلمت على استاذ فاروق وعلى رويده...
ورائد جان عاقل كلش هالاسبوع...همزين مبين الله هداه وعقلان..

دلال.....دنشتغل ودگ عمو ابو سلمان باب القسم وحجه ويه استاذ فاروق....

ابو سلمان الچايجي....استاذ فاروق المدير رايدك...
فاروق....اي ابو سلمان ثواني واروحله ..

رويده....شكو ياستار من الصبح المدير داز على استاذ فاروق...
دلال...واحنه شعلينه....
رويده...على گولتج شعلينه...بعدين تبين...
دلال...رجع استاذ فاروق وچان شكله ضايج..
وصار وكت الاستراحه...

رويده...استاذ فاروق احنه رايحين نتريگ...نجيبلك شي ويانه ...
فاروق...لا مشكوره رويده اني متريك ...
فاروق.....رويده انتي روحي وانتي دلال  ابقي لان عندي حجي وياج...
دلال....گلبي لعب... وجاوبته صار استاذ..راحت رويده وعافتنه...وغمزتلي....

فاروق....مبروك اخت دلال.....
دلال...على شنو مبروك استاذ...
على خطوبتج...
خطوبتي اني!!!!! بس اني مو مخطوبه...
فاروق....ماكو داعي تضمين الموضوع ، طلعت الموافقه...
ياموافقه استاذ؟؟!!
موافقه خطوبتج من رائد موظف الهندسيه الي تعين قبل كم شهر يمنه....

دلال....بقيت مصدومه ومااعرف شنو اچاوب...حيلي كله يرجف...
استاذ فاروق كمل كلامه واترخصت منه وطلعت...
دلال....استاذ فاروق يحجي ويايه ومخنوگ وحسيت بدمعته حايره بعيونه....

رحت على رويده للكافتريا وحيلي كله يرجف اريد بس الزم رائد واشرب من دمه على هالدگه والموقف المحرج الي حطني بي...

دلال....لج رويده لحگيني...
شكو شبيج ياستار...
لچ شكد شايفه صلافه مثل صلافه رائد مشايفه..
ليش شسوه هالمره...
دلال....يولي رايح للمدير ومقدم موافقه علمود يخطبني ...
وهسه طالعه الموافقه ..... استاذ فاروق شوفنياها وباركلي...

رويده .....هههههه وچ هذا شنو روميوا المجنون ، محد سوه سوايته بالقرآن الشريف...

دلال....وشنو هالثقه الزايده بنفسه...امشي ويايه  نروح نشوفه بيا داهيه موجود حتى العب بي طوبه...
رويده....بس اعصابج شويه...