مشوار دلال

الجزء السابع

دلال....
يوم العرس هو حلم كل بنيه وبالذات اذا صار حب بينها وبين خطيبها...
اني من دون العالم عرسي صار فلم رعب من وره اهلي.... من طلعت الزفه صار موقف من اهلي متوقعته ...انحرجت حيل گدام رائد واهله وصرت بنص هدومي...

وسط الزفه والهوسه واتفاجئنه بمنير اخويه يطلعنه من وره الباب شايل سجينه وهد على رائد يريد يكتله .....
واني گمت ابجي ومرعوبه ومصدومه من الي ديصير بين الخايفه على رائد وفشلانه من عنده ومن اهله و گرايبه.....
وامي گامت تصيح بالشارع على رائد...
ام حاتم....الله لايوفقك ولاينطيك العافيه شلعتها من گلبي ..ساعه السوده الي قبلنا بيك  وانطيناكياها..
دلال....حسيت خربت القسمه، ومنتظره رائد يترك ايدي وياخذ اهله ويروح...

دلال....رائد صار بنص هدومه گدام اهله وگرايبه لان هو يعرف طبيعه اهلي ويدري من حرگه گلوبهم على فراگي اتصرفوا هيج..
بس فشل گدام گرايبه وگام يبررلهم ويوضحلهم بالشغله...وناس خيره من الطرف هم ادخلوا و وضحولهم الموضوع....

رائد...حبيبتي اني ماعوفج طول العمر ياقطعه من گلبي....
رائد...صعدنه بالسياره ، حسيت دلال انتهت من الفشله مال اهلها والخوف كتلها خاف  اعوفها....
والي سووا اليوم اهلها مو سهل...ولو واحد غيري يعوف العروس وكلشي ويمشي...

رائد..ردت امتص خوفها واطمنها...
حبيبتي دلول اهلج يخوفون ، يمكن اذا ازعلج يذبحوني ...واضحك

دلال...حسيت رائد حجه ديلطف الجو من وره تصرف اهلي..
دلال....دنگ عليه رائد وباسني من خدي ، ويغنيلي على عنادهم اتزوجت بتهم ويضحك...
رحنا للحبانيه وزفونا...
رائد....اختلينا سوه من بعد شلعان الگلب ولوعات حاتم وخبالات اهل دلال.....

رائد....مبروك يابطتي الحلوه ، شلون شلعوا كلبي اهلج اليوم انتقم منج شر انتقام(بضحك)...
دلال...اسمعه ومنتهيه وميته خوف ...
رائد....حضنتها وبستها من راسها وباركتلها ....وتوني بديت بس حطيت ايدي على سحاب البدله...
دلال...عفيه رائد طفي الضوه الله يخليك..
هاي شبيج بطه ، شنو تبدلين بالظلمه..
اي حباب..
گايم وامري لله...كلكم يولو وارثين هالكويلات وراثه بالجمله ....
رائد...طفيت الضوه(.............)
وصارت مرتي وشريكه عمري دلولتي الغاليه ...

دلال...حنيه رائد وخوفه عليه نساني الاشتياق وتعب فراگ امي...
بقينه 3 ايام بالحبانيه...عشت بيها احلى ايام عمري ، ورائد عايفني براحتي لبس ومكياج بس كلشي بااصول ...

رجعنا للبيت والحجيه هلهلت وطشت الچُكليت وفرحت بينا وبجيتنا..
يوميه نطلع نفتر ونتعشى بره ...
عمام وگرايب رائد عزمونه وتعرفت عليهم...والحمدلله حبوني واني نفس الشي..

مر اسبوع على زواجي ومسويت سبعه لان گاعده وحدي واهل رائد مو موجودين بغير محافظه...
اجتي عليه امي واختي الجبيره ونسوان اخوتي ورويده....
جابوا هدايا ، فرحت بشوفتهم ...
وتوقعت رائد راح يكون اله تعامل ثاني وياهم...بس ثبتلي العكس....
عزموني اهلي ثاني يوم على الغده...