مشوار دلال

الجزء السادس

رائد....نمت البارحه ضايج من وره اهل دلال راح يربولي گلب شكبره...
لبست  وتعطرت ومن البارحه چنت محضر كيكه من اسويها مفاجئه لدلال...
وصلت بوكت للدوام وحضرت الكيكه والعصير ورتبتهم على الميز بقسمنه...

دلال....كلش ضجت من تصرف امي ويه رائد...راح يولد كره وحزازيه بينهم وتصير فجوه من وره تصرفاتهم..
حتى من صرت بعصمة رجال بعدهم خانگيني...

طلعت للدوام اني وامي وصلت واتلگاني رائد...
الحمدلله شكله مو ضايج ..

رائد....صباح الورد ياورد
دلال...بخجل صباح النور...
رائد...شسوت بيه الحجيه البارحه ...دعيتلها من كل گلبي اي والله هههههه...
دلال...رائد ترى اهلي ناس مستورين ودماغهم قافل ، يخلون لكلشي حساب...وامي تگول على الفرشه وتخرب القسمه...
رائد....ياستار ياربي ، الا اذا اتخبلت اني اعوفج ، هو اني مصدگت صرتي الي...حبيبتي ميبعدني عنج بس الموت...
دلال....عمرك طويل...
رائد...يمه صدقه للبايع ثگل ، واخيرا جبتج لدربي ام خشم اليابس..
دلال....شگد انت مكروه...
رائد...والله حبيتج من اول نظره، ومن شفتج بيومها گلبتي حالي گلاب...واتمنيت هالبطه تكون الي، والحمدلله ،الله مخذلني...

رائد...يله امشي اوديج للقسم، واكسر عين فاروق شو  مااحسه ينبلع هالرجال...
دلال....لا بالعكس خوش ولد ومؤدب...
رائد...عيني نحن هنا...
دلال...لا انت الاصل...

رائد....حبيبتي دلول بالاستراحه تعالي لقسمنه وجيبي رويده وياج..
دلال....ليش شعندك ..
رائد....شغله زغيره ...
دلال ان شاءالله...

دلال....صار وقت الاستراحه ورحت اني و رويده وشفت المفاجئه الحلوه الي محضرها رائد ...

الكل هنونا وباركونه ...
والغايه منها حتى يطب ويطلع ويايه براحته من الدائره بدون محد يسيء الي ويجيبني بحجايه...

دلال....اخذت حصه استاذ فاروق من الكيك ورحت حتى اوديها...
رائد....الو دلال وين رايحه...
دلال...بس اودي كيك لااستاذ فاروق....
رائد....اني اروح وياج بطه ، شنو مو بعينج اني...
لا والله بس اعرفك متحبه، گلت اني اوديها وارجع...
رحنا اني ورائد ...
رائد...تفضل استاذ فاروق هذا كيك عقد القران مالتنا ...
دلال....استاذ فاروق شكله مغضب ومهموم...وجاوبه محرج چان....
فاروق....شكرا اني اليوم صايم ...

دلال...اخذنا الماعون ورجعنا للقسم ورائد يدردم...
رائد...لابو لابو الي قدره ،طاح حظه شگد مينبلع.. وماعنده اصول ...
دلال...عوفه ياعيني هو هيج ذبته...
رائد...شسويله مشكلته ، كسرت عينه واخذتج..

دلال....عرفت بعدين من موظفه ويانا اسمها ام سعد وزوجها هم موظف عدنا ويصير صديق استاذ فاروق كلش...
فاروق چان طول هالسنين يحبني وديجهز اموره  وناوي هاالفتره يتقدملي...
بس سبحان الله النصيب  ...صرت لرائد مو اله..