ضمادة للروح

٢

ﺑﻌﺪ ﺳﺎﻋﺎﺕ ﻃﻮﻳﻠﻪ ﻓﻲ ﺍﻟﺠﻮ ﻫﺒﻄﺖ ﺍﻟﻄﻴﺎﺭﺓ ﻋﻠﻰ ﻣﻄﺎﺭ ﺍﻟﺨﺮﻃﻮﻡ ، ﻛﺎﻥ ﺍﻟﻮﻗﺖ ﺑﺎﻟﻤﺴﺎ ﺍﺧﺪﻭ ﻋﺮﺑﻴﻪ ﺍﺟﺮﺓ ﻭﻣﺸﻮ ﺍﻟﺴﻼﻡ ﺭﻭﺗﺎﻧﺎ، ﺍﻟﻜﺎﻧﻮ ﺣﺎﺟﺰﻳﻦ ﻓﻴﻪ . ﻭﻃﻮﻝ ﺍﻟﻄﺮﻳﻖ ﻛﺎﻧﺖ ﺗﺎﻟﻴﻦ ﺑﺘﺘﻔﺮﺝ ﻓﻲ ﺍﻟﻨﺎﺱ ﻭﺍﻟﺸﺎﺭﻉ ﺑﺈﺳﺘﻐﺮﺍﺏ ﻃﺒﻌﺎ ﺍﻟﺪﻧﻴﺎ ﻏﻴﺮ ﺍﻟﺪﻧﻴﺎ ﺍﻟﻬﻲ ﺑﺘﻌﺮﻓﻬﺎ ﻭﻓﻲ ﻣﻨﺎﻇﺮ ﺍﻭﻝ ﻣﺮﻩ ﺗﺸﻮﻓﻬﺎ ﻓﻲ ﺣﻴﺎﺗﻬﺎ . ﻭﺻﻠﻮ ﺍﻟﻔﻨﺪﻕ ﺩﺧﻠﻮ ﻏﺮﻓﻬﻢ ﺍﺧﺪﻭ ﺷﻮﺭ ﻭﻧﺎﻣﻮ ﻋﻠﻰ ﻃﻮﻝ ﻣﻦ ﺷﺪﺓ ﺍﻟﺘﻌﺐ .
ﻭﻓﻲ ﺍﻟﺼﺒﺎﺡ ﻛﺎﻧﺖ ﻓﻲ ﻏﺮﻓﺘﻬﺎ ﺳﻤﻌﺖ ﺍﻟﺒﺎﺏ ﺑﺨﺒﻂ .......
ﺷﻬﺎﺏ : ﺻﺒﺎﺡ ﺍﻟﺨﻴﺮ ﻳﺎﻓﺮﺍﺷﻪ
ﺗﺎﻟﻴﻦ : good morning dad
ﺷﻬﺎﺏ : ﺻﺤﻴﺘﻲ
ﺗﺎﻟﻴﻦ : ﻣﻦ ﺯﻣﺎﻥ ....... ﻭﻣﻴﺘﻪ ﻣﻦ ﺍﻟﺠﻮﻉ
ﺷﻬﺎﺏ : ﺗﻤﺎﻡ ، ﻳﻼ ﻧﻨﺰﻝ ﺗﺤﺖ ﻋﺸﺎﻥ ﻧﻔﻄﺮ
ﻧﺰﻟﻮﺍ ﻃﻠﺒﻮ ﻓﻄﻮﺭ ....... ﻭﻫﻢ ﺑﻴﺎﻛﻠﻮ ﺳﺄﻟﺖ ﺍﺑﻮﻫﺎ .......
ﺗﺎﻟﻴﻦ : ﺣﻨﻤﺸﻲ ﺍﻟﺒﻠﺪ ﻣﺘﻴﻦ dad ؟ .... ﻭﻫﻲ ﻭﻳﻦ ﺍﺻﻼ ؟ .... ﻗﺮﻳﺒﻪ ﻣﻦ ﻫﻨﺎ؟
ﺷﻬﺎﺏ : ﺑﺮﺍﺣﻪ ﻋﻠﻲ ﺷﻨﻮ ﺭﺍﺩﻣﺎﻫﻢ ﺧﻤﺴﻴﻦ ﺳﺆﺍﻝ ....... ﻳﺎﺳﺘﻲ ﺣﻨﺘﺤﺮﻙ ﺑﻌﺪ ﺑﻜﺮﻩ ﺍﻟﺼﺒﺎﺡ .... ﻭﺑﻠﺪﻧﺎ ﻓﻲ ﻭﻻﻳﻪ ﻭﺳﻂ ﻛﺮﺩﻓﺎﻥ ... ﺑﻌﻴﺪﻩ ﻣﻦ ﻫﻨﺎ ﺧﺎﻟﺺ .. ﺑﺲ ﺍﻟﻄﺮﻳﻖ ﻓﻲ ﺍﻟﻮﻗﺖ ﺩﺍ ﺣﻠﻮ ﻷﻥ ﺍﻟﺨﺮﻳﻒ ﺟﺎ ، ﺣﺘﺸﻮﻓﻲ ﺧﺪﺍﺭ ﻭﺟﻤﺎﻝ ﺭﺑﺎﻧﻲ ﻭﻻ ﺷﻲ ﻗﺪﺍﻡ ﻣﺮﻭﺝ ﺃﻭﺭﻭﺑﺎ ... ﻭﺍﻧﺎ ﻗﺼﺪﺕ ﻧﻤﺸﻲ ﺑﺎﻟﻌﺮﺑﻴﻪ ﻣﺎ ﺑﺎﻟﻄﻴﺎﺭﺓ ﻋﺸﺎﻥ ﺗﺴﺘﻤﺘﻌﻲ ﺑﺎﻟﻄﺒﻴﻌﻪ .
ﺗﺎﻟﻴﻦ : wow.... its sound interesting
ﺷﻬﺎﺏ : ﺃﻛﻴﺪ
ﺗﺎﻟﻴﻦ : ﻃﻴﺐ ﻭﻫﺴﻲ ﺣﻨﻌﻤﻞ ﺷﻨﻮ؟
ﺷﻬﺎﺏ : ﻧﺘﻤﺸﻰ ﻓﻲ ﺍﻟﺨﺮﻃﻮﻡ ﻭﺍﻣﺪﺭﻣﺎﻥ .... ﻓﻲ ﻣﻌﺎﻟﻢ ﻛﺘﻴﺮﻩ ﻋﺎﻳﺰﻙ ﺗﺸﻮﻓﻴﻬﺎ
ﺗﺎﻟﻴﻦ : can we see the nile
ﺷﻬﺎﺏ : ﻳﺎﺑﺘﻲ ﺍﻧﺎ ﺭﺟﻌﺖ ﻋﺸﺎﻥ ﺍﻟﻨﻴﻞ ﻭﺩﺍ ﺃﻭﻝ ﺷﻲ ﺣﻨﺸﻮﻓﻮﺍ .....
ﺭﻛﺒﻮﺍ ﻋﺮﺑﻴﻪ ﻣﻦ ﺍﻟﻔﻨﺪﻕ ﻭﻣﺸﻮ ﻋﻠﻰ ﺍﻟﻨﻴﻞ ..... ﻣﺎﺧﻠﻮ ﻛﻮﺑﺮﻱ ﻣﺎ ﻃﻠﻌﻮﺍ ﻓﻮﻗﻮ ، ﺗﺎﻧﻲ ﻣﺸﻮ ﺍﻟﻤﺘﺤﻒ ﺍﻟﻘﻮﻣﻲ ﺍﺗﻔﺮﺟﻮ ﻋﻠﻰ ﺍﻻﺛﺎﺭ ﺍﻟﻔﺮﻋﻮﻧﻴﻪ ﻭﺍﻟﻨﻮﺑﻴﻪ ﺍﻟﻤﻮﺟﻮﺩﻩ ﻓﻴﻮ ، ﺑﻌﺪﻫﺎ ﺍﺗﻮﺟﻬﻮ ﻋﻠﻰ ﺍﻣﺪﺭﻣﺎﻥ ﺍﺧﺪﻫﺎ ﻋﻠﻰ ﺑﻮﺍﺑﻪ ﻋﺒﺪﺍﻟﻘﻴﻮﻡ ﻭﺍﻟﻄﺎﺑﻴﻪ . ﻛﺎﻥ ﺍﻟﺪﻛﺘﻮﺭ ﺑﺤﻜﻲ ﻟﺒﻨﺘﻮ ﺑﺸﻐﻒ ﻋﻦ ﺍﻟﻤﻌﺎﺭﻙ ﺍﻟﺘﺎﺭﻳﺨﻴﻪ ﺍﻟﺤﺼﻠﺖ ﻓﻲ ﺍﻻﻣﺎﻛﻦ ﺩﻱ ﻭﻛﻴﻒ ﻗﺪﺭﻭﺍ ﺍﻟﺴﻮﺩﺍﻧﻴﻦ ﺍﻟﺒﻮﺍﺳﻞ ﻳﻄﻠﻌﻮﺍ ﺍﻻﻧﺠﻠﻴﺰ ﻭﻳﺤﺮﺭﻭﺍ ﺍﻟﺴﻮﺩﺍﻥ ....... ﺿﺤﻜﺖ ﻭﻗﺎﻟﺖ ﻟﻴﻮ dad ﺍﻧﺖ ﻫﺴﻲ ﺍﻧﺠﻠﻴﺰﻱ ﻋﻠﻰ ﻓﻜﺮﺓ ﻭﺟﺪﻭ ﺍﻟﻤﻬﺪﻱ ﻟﻮ ﺷﺎﻓﻚ ﻫﻨﺎ ﺣﻴﺤﺎﺭﺑﻚ ﻭﻳﺮﺟﻌﻚ ﺑﺮﻳﻄﺎﻧﻴﺎ ﺑﺮﺿﻮ ، ﻗﻌﺪﻭ ﻳﻀﺤﻜﻮ ﺍﻻﺗﻨﻴﻦ ﻭﺭﺟﻌﻮ ﺍﻟﻔﻨﺪﻕ .
ﻭﻓﻲ ﺍﻟﻴﻮﻡ ﺍﻟﺘﺎﻧﻲ ﺑﺮﺿﻮ ﻃﻠﻌﻮ ﻳﻜﻤﻠﻮ ﻟﻔﺘﻬﻢ ،ﻟﻤﺎ ﻭﺻﻠﻮ ﺷﺎﺭﻉ ﺍﻟﻨﻴﻞ ﻧﺰﻟﻮ ،ﻭﺍﻟﺠﻮ ﻛﺎﻥ ﺧﻨﻔﺸﺎﺭﻱ ﺍﻟﺴﻤﺎ ﻣﻐﻴﻤﻪ ﻭﺍﻟﻨﺴﻤﻪ ﺑﺎﺍﺍﺍﺭﺩﻩ ....
ﺃﺗﻠﻔﺖ ﺗﺎﻟﻴﻦ ﻷﺑﻮﻫﺎ ﺷﺎﻓﺖ ﻟﻤﻌﻪ ﻏﺮﻳﺒﻪ ﻓﻲ ﻋﻴﻮﻧﻮ ﺃﻭﻝ ﻣﺮﻩ ﺗﺸﻮﻓﻮ ﻣﺒﺴﻮﻁ ﻛﺪﻩ ﻣﻦ ﻳﻮﻡ ﺍﻣﻬﺎ ﻣﺎ ﺃﺗﻮﻓﺖ ، ﻛﺎﻥ ﺯﻱ ﺍﻟﻄﻔﻞ ﺍﻟﻀﺎﻳﻊ ﺍﻟﻠﻘﻰ ﺃﻣﻮ ﺑﻌﺪ ﻃﻮﻝ ﻏﻴﺎﺏ، ﻛﺎﻥ ﺑﺘﺒﺴﻢ ﻻ ﺷﻌﻮﺭﻳﺎ .
ﻓﻲ ﺍﻟﻴﻮﻡ ﺍﻟﺒﻌﺪﻭ ﻣﻦ ﺍﻟﺼﺒﺎﺡ ﺭﻛﺒﻮ ﻋﺮﺑﻴﻪ ﺧﺎﺻﻪ ﻣﺴﺎﻓﺮﻳﻦ ﻟﻮﺳﻂ ﻛﺮﺩﻓﺎﻥ ، ﻭﻫﻢ ﻓﻲ ﺍﻟﻄﺮﻳﻖ ﺗﺎﻟﻴﻦ ﻗﺎﻟﺖ ﻷﺑﻮﻫﺎ ..... oh my god dad this landscape is
wonderful ‏( ﻣﻨﺎﻇﺮ ﻃﺒﻴﻌﻴﻪ ﺭﺍﺋﻌﻪ ‏)
ﺷﻬﺎﺏ : ﺍﻧﺎ ﻗﻠﺖ ﻟﻴﻚ ﺣﺘﻌﺠﺒﻚ
ﻛﺎﻧﺖ ﻃﻮﻝ ﺍﻟﻄﺮﻳﻖ ﺗﺸﻴﻞ ﻭﺗﺼﻮﺭ ﻓﻲ ﺗﻠﻔﻮﻧﻬﺎ ......
ﺗﺎﻟﻴﻦ : ﻃﻴﺐ dad ﺣﻨﻤﺸﻲ ﻟﻤﻨﻮ ﻫﻨﺎﻙ ﻭﺣﻨﻘﻌﺪ ﻭﻳﻦ
ﺷﻬﺎﺏ : ﻣﺎﺷﻴﻦ ﺍﻟﺒﻴﺖ ﺍﻟﻜﺒﻴﺮ ﺑﻴﺖ ﺍﻟﻌﺎﺋﻠﻪ، ﺗﺸﻮﻓﻲ ﺍﻟﺒﻴﺖ ﺍﻻﺑﻮﻙ ﻋﺎﺵ ﻓﻴﻮ .
ﺗﺎﻟﻴﻦ : ﻣﻴﻦ ﻣﻮﺟﻮﺩ ﻓﻴﻮ ﺣﺎﻟﻴﺎ
ﺷﻬﺎﺏ : ﻓﻴﻮ ﻋﻤﺘﻚ ﺳﻌﺎﺩ ﺍﻻﻛﺒﺮ ﻣﻨﻲ ﺭﺟﻌﺖ ﺑﻌﺪ ﺯﻭﺟﻬﺎ ﺍﺗﻮﻓﻰ ﻭﻋﻤﻚ ﻣﺤﺠﻮﺏ ﻭﻧﺎﺩﻳﻪ ﻭ ﺍﻭﻻﺩﻫﻢ .
ﻭﺍﺧﻴﺮﺍ ﻭﺻﻠﻮ ﺍﻟﻘﺮﻳﻪ ... ﻛﺎﻥ ﺍﻟﻮﻗﺖ ﺑﺎﻟﻠﻴﻞ ... ﻭﻗﻔﻮ ﻗﺪﺍﻡ ﺑﻴﺖ ﻛﺒﻴﺮ ﻃﻠﻊ ﻣﻨﻮ ﺭﺍﺟﻞ ﻋﻤﺮﻭ ﻓﻲ ﺍﻟﺴﺘﻴﻨﺎﺕ ﺗﻘﺮﺑﻴﺎ ﻻﺑﺲ ﺟﻼﺑﻴﻪ ﻭﻋﻤﻪ ... ﺻﺮﺥ ﺑﺄﻋﻠﻰ ﺻﻮﺗﻮ ﺩﻛﺘﻮﺭﻧﺎ ﺍﻟﻨﺎﺳﻴﻨﺎ ... ﺷﻬﺎﺏ ﺍﻟﺪﻳﻦ ﺳﻠﻢ ﻋﻠﻴﻪ .... ﻣﺤﺠﻮﻭﻭﺏ ﻭﺍﻟﻠﻪ ﻟﻴﻚ ﻭﺣﺸﻪ ... ﺣﻀﻨﻮ ﺑﻌﺾ ﻣﺴﺎﺍﺍﺍﻓﻪ ..... ﺗﺎﻟﻴﻦ ﺗﻌﺎﻟﻲ ﺳﻠﻤﻲ ﻋﻠﻰ ﻋﻤﻚ ..... ﺳﻠﻤﺖ ﻋﻠﻴﻮ ﻭﻛﺎﻧﺖ ﻓﺮﺣﺎﻧﻪ ﺍﻧﻬﺎ ﺷﺎﻓﺖ ﻭﺍﺣﺪ ﻣﻦ ﺍﻫﻠﻬﺎ ﺑﺲ ﻫﻮ ﻛﺎﻥ ﺑﻌﺎﻳﻦ ﻟﻴﻬﺎ ﺑﻨﻈﺮﺍﺕ ﻏﺮﻳﺒﻪ ﻛﺄﻧﻪ ﺑﺘﻔﺤﺼﻬﺎ ﻣﻦ ﻓﻮﻕ ﻟﺘﺤﺖ ﻭﺑﻀﻐﻂ ﻋﻠﻰ ﻳﺪﻫﺎ ﺧﺎﻓﺖ ﻭﺳﺤﺒﺖ ﻳﺪﻫﺎ ﺑﺴﺮﻋﻪ . ﺩﺧﻠﻮ ﺍﻟﺒﻴﺖ ﻛﺎﻥ ﺑﻴﺖ ﺍﺭﺿﻲ ﻓﻴﻮ ﺣﻮﺵ ﻛﺒﻴﺮ ﺟﺪﺍ ﻭﻓﻲ ﺍﺷﺠﺎﺭ ﻣﺰﺭﻭﻋﻪ ﺣﻮﻝ ﺍﻟﺴﻮﺭ ﻣﻦ ﺟﻮﻩ ﻭﺍﻻﺭﺽ ﻛﻠﻬﺎ ﺭﻣﻞ ......
ﺟﺎﺕ ﻣﺮﻩ ﺻﻔﺮﺍ ﻃﻮﻳﻠﻪ ﻛﺒﻴﺮﻩ ﻓﻲ ﺍﻟﺴﻦ ﻇﻬﺮﻫﺎ ﻣﺤﻨﻲ ﻣﺎﺳﻜﻪ ﻋﻜﺎﺯ ﺑﺘﻤﺸﻲ ﺑﺮﺍﺣﻪ ﻭﺑﺘﻜﻮﺭﻙ ﻣﻦ ﺑﻌﻴﺪ ..... ﺍﺧﻮﻱ ﺟﺎ .... ﺷﻬﺎﺏ ﺭﺟﻊ ، ﺟﺮﻯ ﻋﻠﻴﻬﺎ ﺷﻬﺎﺏ ﺍﻟﺪﻳﻦ ﻭﺣﻀﻨﻬﺎ ﻭﺑﻜﻮ ﻣﺴﺎﻓﻪ ﻃﻮﻳﻠﻪ ﻟﻤﺎ ﻣﺤﺠﻮﺏ ﺑﻘﻰ ﻳﻘﻮﻝ ﻟﻴﻬﻢ ﻳﺎﺟﻤﺎﻋﻪ ﻣﺎﻛﺪﻩ ... ﺳﻌﺎﺩ ﺩﻱ ﺗﻌﺒﺎﻧﻪ ﻳﺎﺷﻬﺎﺏ ..... ﺻﻠﻮ ﻋﻠﻰ ﺍﻟﻨﺒﻰ ﻳﺎ ﺍﺧﻮﺍﻧﺎ ، ﺣﺘﻰ ﻓﻜﻮ ﺑﻌﺾ . ﻭﺑﻘﻰ ﻳﻜﻮﺭﻙ ... ﺗﺎﺍﺍﺍﻟﻴﻦ ﺗﻌﺎﻟﻲ ﺳﻠﻤﻲ ﻋﻠﻰ ﻋﻤﺘﻚ ، ﻣﺸﺖ ﻋﻠﻴﻬﺎ ﻭﺣﻀﻨﺘﻬﺎ ، ﻗﺎﻟﺖ ﻟﻴﻮ ﺍﻟﺼﻼﺓ ﻋﻠﻰ ﺍﻟﻨﺒﻲ ﺑﺘﻚ ﻗﻤﺮ ﻳﺎﺷﻬﺎﺏ ﺣﻼﺓ ﺍﻟﺪﻧﻴﺎ ﻋﻠﻴﻬﺎ ﻗﺎﻝ ﻟﻴﻬﺎ ﻃﺎﻟﻌﻪ ﻟﻌﻤﺘﻬﺎ ....... ﻳﺎﻛﺬﺍﺏ ﻋﻤﺘﻬﺎ ﻣﺘﻴﻦ ﻋﻴﻮﻧﻬﺎ ﺧﻀﺮﺍ ، ﻭﻗﻌﺪﻭ ﻳﻀﺤﻜﻮ . ﺷﻮﻳﻪ ﻛﺪﻩ ﻭﺟﺎﺕ ﻣﺮﻩ ﺻﻔﺮﺍ ﺳﻤﻴﻨﻪ ﻻﺑﺴﻪ ﺗﻮﺏ ﺭﻣﺎﺩﻱ ﺻﺎﺭﻩ ﻭﺷﻬﺎ ...... ﺣﻤﺪﻟﻠﻪ ﻋﻠﻰ ﺍﻟﺴﻼﻣﻪ ﻳﺎﺷﻬﺎﺏ ..... ﺍﻟﻠﻪ ﻳﺴﻠﻤﻚ ﻳﺎﻧﺎﺩﻳﻪ ﻛﻴﻔﻚ ﻭﻛﻴﻒ ﺻﺤﺘﻚ ..... ﺯﻱ ﻣﺎﺷﺎﻳﻒ ﻟﺴﺎ ﻋﺎﻳﺸﻴﻦ ﻣﺎﻣﺘﻨﺎ .... ﺳﻌﺎﺩ ﻗﺎﻟﺖ ﻟﻴﻬﺎ ﻣﺎﻭﻗﺖ ﻣﺴﺎﺧﺘﻚ ﻳﺎﻧﺎﺩﻳﻪ ........... ﻣﺤﺠﻮﺏ ﻛﺎﻥ ﺑﻨﺪﻩ ﻳﺎ ﺭﺟﺎﺀ ﻳﺎ ﺍﻟﻬﺎﻡ ﺗﻌﺎﺍﺍﻟﻮﺍ ..... ﺟﻮ ﺷﺎﺑﺘﻴﻦ ﺣﻠﻴﻮﺍﺕ ﻣﻦ ﻏﺮﻑ ﺑﻌﻴﺪﻩ ﻧﻬﺎﻳﻪ ﺍﻟﺤﻮﺵ ، ﺳﻠﻤﻮ ﻋﻠﻰ ﺷﻬﺎﺏ ... ﻣﺤﺠﻮﺏ ﻗﺎﻝ ﻟﻴﻮ ﺩﻱ ﺭﺟﺎﺀ ﺑﺘﻲ ﻋﺮﺳﻬﺎ ﻣﺤﻤﺪ ﻭﻟﺪ ﺟﺎﺩﻳﻦ ﻟﻜﻦ ﻫﻮ ﻓﻲ ﺍﻟﻜﻮﻳﺖ ﻫﺴﻲ ﻭﺩﻱ ﺍﻟﻬﺎﻡ ﺑﺖ ﻧﻌﻴﻤﻪ ﺍﺧﺖ ﻧﺎﺩﻳﻪ ﻋﺮﺳﻬﺎ ﺭﺍﺷﺪ ﻭﻟﺪﻱ ﻭﻣﺸﻰ ﺍﻏﺘﺮﺏ ﻓﻲ ﻋﻤﺎﻥ .... ﻭﺧﻠﻮﻧﻲ ﺑﺮﺍﻱ ﻣﻊ ﺍﻟﻨﺴﻮﺍﻥ ﺩﻳﻞ ، ﺷﻬﺎﺏ ﺍﻟﺪﻳﻦ ﻗﺎﻝ ﻟﻴﻮ ﻓﻴﻚ ﺍﻟﺨﻴﺮ ﻳﺎﻣﺤﺠﻮﺏ ﻃﻮﻝ ﻋﻤﺮﻙ ﻭ ﺍﻧﺖ ﺷﺎﻳﻞ ﻫﻢ ﺍﻟﻌﻴﻠﻪ ،ﻣﺎ ﻃﻠﻌﺖ ﺧﺎﻟﺺ ﻣﺎﺳﻚ ﺍﻟﺤﻮﺍﺷﺎﺕ ﺍﻟﺰﺭﺍﻋﻪ ﻭﻣﻌﺎﺻﺮ ﺍﻟﺴﻤﺴﻢ ﺑﺮﺍﻙ ﻣﺸﻴﻨﺎ ﻭﻓﻜﻴﻨﺎ ﻓﻴﻚ ﺍﻟﺤﻤﻞ ﻛﻠﻮ .
ﺗﺎﻟﻴﻦ ﻭﺍﻗﻔﻪ ﺑﻌﻴﺪ ﻭﺑﺘﻌﺎﻳﻦ ﻭﻛﻞ ﻣﺎﺗﺮﻓﻊ ﺭﺍﺳﻬﺎ ﺗﻠﻘﻰ ﻧﺎﺩﻳﻪ ﺑﺘﺤﻤﺮ ﻟﻴﻬﺎ .. .. ﻧﺎﺩﺗﻬﺎ ﻋﻤﺘﻬﺎ ﻗﺎﻟﺖ ﻟﻴﻬﺎ ﺗﻌﺎﻟﻲ ﺍﺷﺒﻊ ﻣﻨﻚ ﻭﺍﻧﺘﻮ ﻳﺎﺭﺟﺎﺀ ﻭﺍﻟﻬﺎﻡ ﻣﺎﻟﻜﻦ ﻣﺎﺑﺘﺴﻠﻤﻦ .... ﺍﻟﻬﺎﻡ ﻗﺎﻟﺖ ﻟﻴﻬﺎ ﺧﺎﻳﻔﻴﻦ ﻣﺎﺗﻌﺮﻑ ﻛﻼﻣﻨﺎ ﻫﺴﻊ ﺍﻟﺨﻮﺍﺟﺎﺕ ﺩﻳﻞ ﺑﻌﺮﻓﻮ ﻋﺮﺑﻲ؟ ....! ﺭﺩﺕ ﻟﻴﻬﻢ ﺗﺎﻟﻴﻦ ... ﻓﺎﻫﻤﻪ ﻛﻼﻣﻜﻢ .. ﺑﺎﺑﺎ ﻣﺎﺑﺘﻜﻠﻢ ﻣﻌﺎﻱ ﺍﻻ ﺑﺎﻟﻌﺮﺑﻲ ... ﺻﺢ ﻣﻤﻜﻦ ﺍﺗﻠﺨﺒﻂ ﻭﺍﺗﻜﻠﻢ ﺑﺎﻻﻧﺠﻠﻴﺰﻱ ﺑﺲ ﺑﻌﺮﻑ ﺍﻟﻌﺮﺑﻲ ﻛﻮﻳﺲ .... ﺟﺮﺗﻬﺎ ﺳﻌﺎﺩ ﻋﻠﻴﻬﺎ ﻭﺣﻀﻨﺘﻬﺎ .... ﺑﺘﻲ ﺍﻟﺴﻤﺤﻪ ﺳﺖ ﺍﻟﺒﻨﺎﺕ ...... ﻣﺤﺠﻮﺏ ﻗﺎﻝ ﻟﻴﻬﻢ .... ﺍﺗﻔﻀﻠﻮ ﺟﻮﻩ ﻳﺎﺟﻤﺎﻋﻪ ﺍﻛﻴﺪ ﺗﻌﺒﺎﻧﻴﻦ ﻭﺟﻌﺎﻧﻴﻦ .
ﺩﺧﻠﻮ ﺟﻮﻩ ﺿﻴﻔﻮﻫﻢ ﻭﺍﺩﻭﻫﻢ ﻣﻮﻳﻪ ، ﻛﺎﻧﻮ ﺿﺎﺑﺤﻴﻦ ﺟﺎﺑﻮ ﻟﻴﻬﻢ ﺍﻟﻌﺸﺎﺀ . ﺷﻬﺎﺏ ﻗﻌﺪ ﺟﻨﺐ ﺳﻌﺎﺩ ﻭﻗﻌﺪﻭ ﻳﺘﻮﻧﺴﻮ ﻭﻳﻀﺤﻜﻮ ﻭﺷﻮﻳﻪ ﻳﻘﻠﺒﻮﻫﺎ ﺑﻜﻰ ﻟﺤﺪ ﻣﺎ ﻣﺤﺠﻮﺏ ﺟﺎ ﻗﺎﻝ ﻟﻴﻬﺎ ﻳﺎﺣﺠﻪ ﺧﻠﻲ ﺍﻟﺪﻛﺘﻮﺭ ﺩﺍ ﻳﻨﻮﻡ ﺷﻮﻳﻪ ﺍﻟﻨﺎﺱ ﺩﻱ ﺟﺎﻳﻪ ﻣﻦ ﺳﻔﺮ ﻭﺳﻜﺘﻬﻢ ﻛﺎﻧﺖ ﻃﻮﻳﻠﻪ ... ﺑﻜﺮﻩ ﻛﻤﻠﻮ ﻭﻧﺴﺘﻜﻢ .

‏( ﺍﻟﻐﺮﺑﻪ ﻓﻲ ﻛﻞ ﺣﺮﻑ ﻣﻨﻬﺎ ﺣﺮﻗﻪ ﻗﻠﺐ ﻣﺸﺘﺎﻕ ... ﻭﺣﻨﻴﻦ ......... ﺍﻟﻢ .......... ﻋﺬﺍﺏ ‏) .
لنا لقاء أخر ....