ضمادة للروح

٩

طلع من البيت وركب عربيتو ...ضرب لأبراهيم أخوه الكبير....
ابراهيم: باش مهندس اخبارك
يوسف: زفت
ابراهيم: خير مالك
يوسف : شفت اخر افلام الحاج ...وحكى ليو الحاصل.....حل لي الموضوع دا بالله عليك..... ماعايز اصتطدم مع الحاج وبعدين اقول كلام اندم عليو العمر كله
ابراهيم : انت كده هدي و روق .....انا بضرب ليه ويصير خير
قفل منو وضرب لابوه .......
ابراهيم : سلام ياحاج اخبارك
حاج احمد : الحمدلله
ابراهيم : في شنو عندكم ...يوسف ضرب لي
حاج احمد : ولا يضرب ليك ولا حاجه الكلام دا منتهي والبت دي حيعرسها
ابراهيم : ياحاج ماف عرس بالطريقه دي
حاج احمد : شوف اخوك دا صبرنا عليو 8 سنوات ...ومافي بت في الخرطوم مارشحناها ليو .....هسي انت حالتو دي عاجباك
ابراهيم : اكيد ماعاجبنا كلنا ....لكن الموضوع مابتحل كده ...ابسط حقوقو يختار شريكه حياتو ......وهو راجل كبير
حاج احمد : انا كلمت الراجل وخلاص .....ماحتكسرو كلامي بعد العمر دا ....وقفل الخط.

ابراهيم ضرب لاخوه قال ليو الحاج دا هسي معصب ماتتناقش معاه عشان السكر مايرتفع والصباح رباح......

في اليوم التاني من الصباح ناديه نادت رجاء و إلهام غرفتها وقفلت الباب.....
ناديه : ضيف ابوكم خطب تالين لولدو ....دايراكم تساعدوني عشان الموضوع دا يتم
رجاء : تعرسوا ليها بالغصب ليه
ناديه : ياعويره....دايراها تقعد ليكن لما رجالكن يجو يلقوها و واحد منهم يعرسها ويخلي خشومكن ملح ملح .....
إلهام : خالتي كلامها صح .....اها نعمل شنو
ناديه : البت هينه ...الكلام سعاد
رجاء : الحجه دوا الضغط بنومها اليوم كلو
ناديه : بس خلاص ختو ليها كم حبه زياده مع العصير ......

في بيت حاج احمد ..........ابراهيم كان بتكلم مع محمد بخصوص موضوع يوسف واثناء ماهم بتكلمو امهم سمعتهم ......وقعدت تكورك ....حاولو يهدوها ابت تهدى شالت التلفون ضربت للحاج ...
ثريه : ولدي انا تعرس ليه واحده من الاقاليم لابنعرفها لاشفناها ......ولدي المهندس بنات الخرطوم بكو في دربو ترميه الرميه دي ...
حاج احمد : الموضوع دا منتهي وياريت مافي زول يضرب لي تاني
ثريه : والناس الانا كلمتهم ....داير تحرجني معاهم
حاج احمد : افتكر ولدك ماوافق على البت الخطبتيها ليه
ثريه : وحقتك دي كان وافق عليها
حاج احمد : انا خطبت ليو وخلصنا .....وقفل الخط وهي لسا بتتكلم
محمد ضرب ليوسف .....اسمعني اكسر الحنك وافق على الخطوبه ولما تجو هنا يحلها الحلال ..ماعايزين الموضوع يكبر......يوسف مبدئيا وافق على الفكرة....ومشى لابوه
يوسف : خلاص ياحاج موافق .....وانا ماعايز الا رضاك .
حاج احمد : الله يكملك بعقلك ياولدي ......وصدقني انا ما داير الا سعادتك ....هم لو وافقو نعقد وبعدين نجي مره تانيه للعرس كلنا ...
يوسف : عقد شنو ....خليها خطوبه بس
حاج احمد : عقد قلت ليك مش قلت موافق ........
يوسف سكت وقال لنفسو اعقد ولما اسافر اطلقها.......

ناديه ساقت محجوب وقالت ليو ارح نكلم سعاد ...دخلو ليها غرفتها وحكو ليها الموضوع...محجوب قعد يشكر في العريس تقول بعرفو ليو سنين .....نطت ناديه قالت ليها ...يعقدو ويسوقها طوالي طبعا عارفه البكى مابنقدر نعمل ليها عرس .....سعاد قالت ليهم خلوني اشاور البت ......محجوب قال ليها كلمتها بنفسي في النهايه دي امانه و وافقت .....جات إلهام داخله معاها عصير وغمزت لناديه ...شربت العصير وخمسه دقايق نامت لما شخرت كمان .......طلعو يتضاحكو ساي ....ناديه قالت ليو ..خلاص بعد دا اعقد و خلصنا......محجوب قال ليها بنعقد بكره هم مسافرين بعد بكره الصباح...

ناديه مشت لتالين غرفتها و دايره تطير من الفرحه .....اخيرا حتتخلص من بت المره السرقت حبيبها و الوجودها كان مصدر إزعاج ليها....
ناديه: ابشري يابت خلاص حتسافري
نطت من السرير .....really.......حسافر خلاص
ناديه : عمك كلم الضيف وحيسوقك معاو الخرطوم ...تسافري من هناك
جرت عليها وحضنتها ...thank you very much
ناديه: ياخ ماترطني ...ولمي حاجاتك دي كلها... بعد بكره الصباح قايمين
تالين : والجواز
ناديه : انتي دايره تسافر ولا تسألي
تالين : طيب خلاص

محجوب مشى الديوان قال ليهم ابشرو العروس وعمتها وافقو
حاج احمد : بالبركه....نعقد بكره عشان خلاص قايمين وكم شهر كده نجيكم نتم العرس
محجوب : لا لا عمتها قالت تعقدو وتسوقوها معاكم ....احنا عندنا بكا و حادين ......وبعدين ماعندنا بت بنقعد ليها وتقعد في بيت اهلها ...بنسلمها طوالي لراجلها
يوسف مخلوع من المصيبه الوقعت فوق راسو ...حاول يقنع محجوب بوجهه نظرهم بس طبعا صاحبنا ما حيوافق.....
حاج احمد : والله كنا عايزين لبتكم عرس يليق بالمقام نجيب ليها شيله ونعمل ليها عرس زي البنات وكمان امو واخواتو يحضرو
محجوب : لما تبقى مرتكم سوقوها هناك اعملو ليها الدايرنو
حاج احمد : خير يازول ربنا يتم على خير
عريسنا داير يطق من الزعل لكن ماقادر يتكلم ....بعد ما ادى ابوه كلمه ....
الحاج قال ليو اضرب لراويه تجهز ليك بيتك مدام العروس ماشه معانا ....سكت وعاين للارض مسافه وقال ليو خير......وضرب لاختو
راويه : دا شنو الحاصل معاكم
يوسف : ما عايز اتكلم في الموضوع دا .....المهم حنعقد ونجيبها معانا ....جهزي ليها الغرفه التانيه ......

تالين عايزه تطير من الفرحه وقعدت تلم في هدومها وحاجاتها ...جاتها إلهام قالت ليها ...والله حنشتاق ليك ....وانا كمان لكن بتصل ليكم طوالي ......طيب بما انك ماشه شايفه عندك كريمات حلوه اديني منهم .......شيليهم كلهم ولا يغلو عليك ......خلاص بخلي ليك واحد .......ماشه لعمتو سعاد اكلمها قبيل كانت نايمه .....وهسي نايمه خليها لبكره ......وجا اليوم التاني ......مشت لعمتها لقتها نايمه برضو .....وهي ماشه شافتها رجاء ....مالك بتكلمي نفسك......الايام دي عمتو بتنوم كتير .....هي مره كبيره وغير كده الضغط متعبها .....لسا ماقلت ليها اني مسافره ......هي عارفه ابوي كلمها.

بعد صلاه العصر الرجال اتلمو في الديوان... جا المأذون وتمو العقد .....يوسف كان صاري وشو و زهجان لو هبشو ممكن يشب نار ....والرجال بباركو ليه وبتضاحكو.... وهو داير يطق من الزعل .....

اصبح صباح اليوم التاني ومفروض يطلعو بدري عشان المسافه بعيده ......تالين صحت بدري او بالاصح مانامت اصلا من فرحتها ....اخدت شور لبست عاينت لعلبه الميك اب قالت لنفسها اليوم عيد خليني اعمل حاجه خفيفه .....اتظبطت وكانت زي البدر في تمامو .....جا محجوب قال ليها الناس دي خلاص طالعين منتظرنك . ونادى واحد شال ليها شنطها ...دخلوهم العربيه ....بقت تودع فيهم ومنار كانت بتبكي شديد لانها اتعودت عليها .....ودعتها و وعدتها تضرب ليها طوالي و اهدتها كم حاجه من عندها ورسمتها كمان وطلبت منها تحتفظ بيها للذكرى ......كانت بتتلفت تفتش في عمتها ...قالت ليهم عمتي وين .....ناديه قالت ليها الرجال ماشين وعمتك نايمه امرقي سريع ......و أثناء ماهم في الحوش بتكلمو ...........جات سعاد طالعه.

( لا تقهر احد كي تسعد نفسك......... ولا تظلم نفسا لتبرر أخطائك .....حاول دائما أن تبني سعادتك بعيدا عن أذيه الأخرين) .

لنا لقاء أخر........