Paulit-ulit na isinisigaw ng aking isipan,
Ang masakit na kabiguan,
Hinding hindi ko malilimutan,
Mananatiling nakatatak magpakailanman.
Luha'y lumandas sa aking pisngi,
Hindi mapigilan ang paghikbi,
Mga iba'y hindi nakakaintindi,
Sa puso ko'y napakahapdi.
Kailangan ko itong tanggapin,
Kahit na masakit na masakit pa rin,
Sa ibang bagay ko na lang dadaanin,
Sa mga gawaing kaya akong pasayahin.
Namumugto na ang aking mga mata,
Hindi pa rin makapaniwala,
Lahat ay akin nang ginawa,
Sa huli'y bigo pa rin pala.
BINABASA MO ANG
Mga Tula
PoetryIto po ay isang listahan ng mga tula. Mga tulang bumabagabag sa akin at nais kumawala mula sa aking isipan. Kaya idinaan ko sa isang sulatan.
