اين الوعد يابن العم

بداية حب الطفولة

السلام عليكم
ابدي وياكم قصتي راح تلاحظون شوية غرابة بس هذا واقعنة صار الوفة شي صعب غاب بهذا الزمن مع الاسف حتى اقرب الناس الك وان كان يبينلك انو مهتم ومتأثر بس الواقع هو متشمت بيك فاحذرو الثقة الزايدة بكل انسان  وراح تعرفون هذا الشي من قصتي بس البداية عادية وراة الاحداث تظهر

اني اسمي (رشا) حاليا عمري ٣٠ سنة  مواصفاتة طويلة وبشرتي متوسطة البياض اعيوني عسلية كبار ناعسة وملامحي البقية نازكة وشعري سرح وطويل لان ما اقصة وبعدين تعرفون السبب عائلتي متكونة من بابا وماما واختي حلا واخوية علي اني الجبيرة واخوية ازغر مني بسنتين واختي ازغر من اخوية بسنتين (هههه الوالدة مسويتنة بلاقصاد المريح ) عمو عماد اخو بابة الاكبر متزوج وعندة ولد اسمة يزن اكبر مني بخمس سنوات  واخ اسمة معن اكبر مني بسنتين وعايشين ويانة لان امهم متوفية وعمو ما قبل يزوج  يخاف على اطفالة وامي ربتهم ويانة لان تحبهم كلش على حب امهم لان تصير بنت خالته امي

نرجع من جان عمري عشر اسنين جنت كلش حركية ودائما اتعارك وية حلا ومعن لان حلا كل العاب مالتي تاخذهم ودائما اريد اضربة ومعن ما يقبل ويضربني ودائما يزن يدافعلي وما يخليهم يضربوني ويشتريلي ويطلعني للحديقة الالعاب  جانت قريبة من بيتنة  وجانت علاقتنة بذاك والوقت مثل الاخوة وحتى من كبرت بعمر المراهقة  عادي حاسبتهم اخواني وحتى اهلي ما نبهونة وما منعونة منهم بلعكس جانت علاقنتة حلوة كانو عائلة وحدة وحتى حجاب ما البس كدامهم  بس دائما من يدرسي يزن لان هو كلش شاطر صف خامس علمي واني صف اول متوسط جنت مو كلش شاطرة دائما الاحظ يبقى صافن علية ونضراتة تحيرني لان ما جنت اعرف بداك الوكت لان زغيرة  وكل مرة يجيبلي شي مرة دبدوب مرة لعابة مرة اكسسوارات  وجنت من يجيبلي اعانقة هههه عناق مال اخوة بس هو احسة يرتبك وراة ويبتعد ومرة من المرات
امي صاحتنة
امي:تعالو حبايبي عندي حجي وياكم اسمعو اني وابوكم وعمكم راح باجرنسافر نزور قبر المرحومة مرت عمكم ونبقى انبات هناك ويومين نزور ونرجع راح تبقون  ما نكدر ناخذكم عدكم دوام ويزن يدير بالة عليكم ورشا  تحميلكم الاكل
رشا:ماما ما اريد فدوة اخذونة ما اريد ابقى وشنو احمي الاكل ودراستي شوكت الحك
يزن :لا رشا ما يكدرون ياخذوج واني اساعدج بلشغل وبل دراسة لا تهتمين خالة روحو الله وياكم
امي :حبيبي يزوني انة رجال البيت واحنة نعتمد عليك حبيبي ورشا حبيبتي بلعطلة ناخذكم ويانة يلة حبي لا تزعلين وراح اجبيلكم هداية
وثاني يوم كعدت لكيتهم مسافرين رحت لغرفة الولد لان احنة البنات النة  غرفتنة والهم غرفة فتحت الباب ومشيت على اطراف اصابعي حتى اكمزهم ورحت يم يزن ولازمة بيدي ريشة مال الزينة ومشيتة على خدة وصلتة لخشمة جان كمز وسحبني من ادية حيل وكعني بفراشة وكامش ادية اثنينة وبقة بس يباوع علية  وتقرب مني وهمس بذني ولج رشا هاية حركاتج تدوخني شسويتي بية  خبلتيني وعافني وراح
رشا:من سحبني يزن وهمس بذني حسيت شي بداخلي تحرك ناحيت يزن واحس حرارة بوجهي  ارتفعت ما اعرف  ليش هيج صار بية لان اول مرة امر بهيجي شي

يزن :خل اعرفكم على نفسي اني يزن ابن عم رشا اكبر من رشا بخمس سنوات بشرتي  سمرة بس لون لون عيوني خضر على امي الله يرحمة جسمي حلو متناسق بس شوية خشن وطويل من صفات العائلة كلنة اطوال بس حلا عدنة قصيرة ههه نسمية قزومة اني احب بيت عمي كلهم
واحسبهم اهلي بس رشا احبة وهي روحي من الدنيا من جانت ازغيرة اضوج اذا احد اذاها  ومن كبرت كمت احبة واعشقة خاصتا تصرفاتة الطفولية وملامحة الجميلة وشعرة اخ شعرة كلش حلو وسرح وطويل واسود مرات تضفرة اتشاقة وياة وافتح ضفيرتة اكوللة لا تضفرينة عيفي مفتوح احلى واحس بانجذاب قوي الة وعلى الرغم هي زغيرة وبعدة ما تبادلني المشاعر بس احبة واحاول احسسة بحبي وخاصتا اليوم من اجت كعدتني وكعتة يمي وكمشت ادية بلقوة سيطرت على نفسي ولمحتلة بس هي بقت صافنة ونايمة بفراشي حسيتة بدت تعرف شعوري وراه صحتة يلله كافي تصفنين تعالي سويلنة ريوك بعد انتي ام بيت هههههه
رشا :يزن اي اني ام بيت واسوي شغلي لعد انت غير ابو البيت وتشترينلة مستلزمات الريوك كوم كوم يلله
يزن :ههه تريديني اصير ابو البيت وانتي ام البيت ونجيب اطفال 💋*************************************💋

اتمنى عجبتكم البداية وانطوني ارأكم ولا تنسون التصويت فوديتكم متابعيني