اين الوعد يابن العم

ما ينفع بعد الندم يصلح المجروح

يزن "لمى جاوبي كلام رشا صحيح والكلام  الكولتية الية قبل كولة كذب ونفاق
احجييي جاوبيني السنين العشتة وياج مبنية على خداع
لمى "يزن اسمعني لا تعصب ولا تصدك بحجيهم لان كلة كذب يردون يفرقونة اني زوجتك معقولة تصدك بيهم
يزن "اي اصدك لان وضحت الصورة خاصتا بعد ما عرفت  خيانج هسة وقارنتة بكلامج قبل
ولج احجي شسوي بيج بدي هسة اموتج بيدي ليش هيجي ليش دمرتيني ودمرتي حب حياتي وخليتية بنضري خاينة ومو شريفة ولج احجي ليش هي مو صديقتج
اخ ياوجع البقلبي ونارة شي طفية
رشا "هههه اوجاعك المك هههه لا شيء من اوجاعي هسة يالله شفت الحقيقة يزن ليش قبل سنين من حاجيتك وتوسلت بيك بس تصدكني وانت ابد صرت انسان قاسي وخاصتا من توفى عمي تهمت بابا كسبب وفاة عمي وزيدت حزنة وراة بفترة توفى بابا تدري اني صارت عندي حالة نفسية بسبب فراق كلمن احبة من عمو وانتة وبابة تدري ما انام الا ابلل مخدتي على ذكراك لان اشتاقلك مو بيدي
تدري يزن اني عمري هسة شكد عمري ٣٠سنة تدري صديقاتي لوياية كولهن تزوجن وعدهم اطفال بلمدرسة واني يصيحولي العانس بسببك
لان ما كدرت اتزوج غيرك حتى احلامي شوكت اتزوج شوكت البس بدلة  العرس شوكت اصير اميرة بيت زوجي ماتت من زمان وانت بيدك قتلتة
وبعد وبعد وبعد ماكدر احجي لان ادري الكلام ما يكفية حقة

لمى "رشا انسي يزن ما يفيدج لان صرت ام ابنة عماد وام طفل البطني ارجوج لا تخرببن حياتي
رشا "اني ؟اخرب حياتج هسة صرت ولج منو خرب حياة منو
يزن :لمى روحي لبيت عمج حالا وما اريد اسمع اي نقاش لان حسابي وياج بعدين 

رشا 'يزن قبل لا تروح لمى اريد اعرف شلون حبيتة وزوجتة وانت تدرس خارج العراق شلوووون فهموني
يزن "رشا ارجوج بعد ما يفيد الكلام هسة لا حالتج الصحية تنتكس وتروحين بية
لا يزن احجي بعد شيصير خل يصير لان اني اصلا دموت على البطيء
احجي ولا تخليني غصة بقلبي قول حتى اكرهك واكرها اكثر واكثر
واحاول انساكم
يزن "راح احجي بس صدكي عمري ما حبيت وحدة مثل ما حبيتج انتي اول حب بحياتي اني لعبتي الصغيرة وعمري ما نسيتج
بس كلة من ورة هاية الحقيرة لمى
تدرين هية اتصلت علية بعد الحادثة واستغربت منة وبقت تشرحلي
انو انتي جنتي علا علاقة مهند وانتي بين فترة وفترة تلتقون بيتهم
وهي دائما تحاول تنصحج بس انتي تكوليلة خل استفاد من الثنين
ومرة من المرات اعترفتلي بمشاعرة وهي تحبني من زمان وما رادت تخرب بيني وبينج
بس هي نقهرت علية لان انتي تخونيني
ودخلتلي من هذا الباب وتدرين وراها وفاة ابوية كسر ضهري وهي
وكفت وياي وساندتني
وراة قررت اتزوجة واحرق قلبج ونسافر للخارج نكمل دراستنة
وتقدمتلة وتزوجنة وسافرنة وردت اخبركم عن زواجي ما كدرت
اكسرج مثل ما كسرتيني بعتقادي
رشا "اه لومخبرني بوكتة تدري جان حالي تغير لان ما راح انتضرك
ولا اتعذب بنار فركاك ولا اعيش على امل اشوف بيوم من الايام جان نسيتك وطلعتك من قلبي واتزوج واحب ويكون عندي اطفال بس
بعد شيفيد الكلام هسة كلشي راح .

لمى :يزن فدوة خل نرجع وانسة الصار هسة انتة ابو الاطفال ورشا انشالة تشوف حياتة وية غيرك
رشا "هههههه اشوف حياتي ولج يا حياة هاية هو اني على وشك الموت الحياة الج واليزن
يزن "لمى تالي وياج اكوم اكسرج والله لو مو حامل جان الي تصرف ثاني وياج يلله ولي لبيت عمج واني راح اتصرف وياج تصرف ثاني
لمى 'راح اروح بس خلي بالك يزن اذا طلقتني جهالي راح اخذهم منك وتحلم تشوفهم بعد باي يالعاشقة

اخ يادنيا بعد شضامة علينة من اهات واوجاع
لا رشا لا تكولين هيج والله احبج والله ما جنت ادري انتي بعدج منتضرتني والله جان رجعت واتزوجنة
تدرين رشا اني ما حبيت لمى مثل ما حبيتج وحتى من تزوجتة مرات هواية اتخيلة انتي
ارجوج سامحيني واني مستعد اصلح اغلاطي ونتزوج واطلق لمى 
رشا "وجهالك ما فكرت بيهم واني ما فكرت بية عبالك بسهولة هاي
نتزوج
💓💓💓💓💓💓💓💓💓💓💓💓💓💓💓💓💓💓
انشالة يعجبكم البارت لا تنسون النجمة