اين الوعد يابن العم

لهيب اشتياقك احرقني

رشا "حمد لله نجحت بمعدل عالي وتخرجت وعلي ومعن قرروا يسون عرسهم سوة حتى المصاريف تقل وقرر معن يبني سويت فوك حتى يستقلون وعلي هم الة سويت
فبقينة اني وامي بلطابق الارضي حتى ياخذون راحتهم
وحددنة موعد العرس وبقينة نجهز العرايس ومستلزمات العرس واجة يوم العرس وجنت متمنية من كل قلبي حبيبي يكون موجود ولو لخمس دقايق موجود لان هذا عرس اخوة وابن عمة ما توقعت ما يحضر
وتانيت وتانين وخلص العرس وزفيناهم للفندق وما حضر كلت خلص نسانة وحاولت اقنع نفسي بس قلبي شيقنعة لان كل ما اكول انساة احن اكثر
ومرات اكول يزن هل درجة اصبح قاسي  بعدين اكول لا احتمال عندة ضروف او بعدة مجروح مني حتى انطي لنفسي امل
ومن اتزوج حسيت بفراغ فضيع لان كل واحد منهم انشغل بمسؤلياتة
وبلاضافة ماكو تعين الذي اصبح واقع حال عند جميع المتخرجين ماكو تعين الا بواسطة وانجبرت انطي دروس خصوصية بلبيت لان ماما حالتة تعبانة ويومية دكتور والولد ما يقصرون بس وضعهم ما يساعد يادوب ملحكين على سد احتياجاتهم خاصتنا بعد ما حلا ومينا طلعن حوامل 
واني يومية يجوني يخطبوني وارفض وحاولت امي والكل وياة وارفض
تدرون لان اي رجل بعد يزن ما يحلة بعيني غييرة هوة لان ملك كل كياني وصرت  تلعب نفسي اذا جابو سيرة الزواج
.............................................
رشا
دا انظف البيت لان باجر عيد وندك الباب فتحتة
معن "ها حبيبي سلم على عمة
رشا "بقيت متفاجأ😮هاي ملامح الطفل مو غريبة علية  معن شنو منو هذا الطفل بس لا طلعت متزوج وحدة غير اختي  اموتك والله
معن "هلو رشا لا حبيبتي شلون اتزوج وحلا هي قلبي انتظر شوية وانتي تعرفين
ورى شوية
معن خالة حلا علي تعالوا اجة واحد يسلم عليكم
يزن :السلام عليكم
الكل صار وجهم هيج 😲😱
يزن "ليش ما تردون السلام شنو شبيكم ساكتين احجو
لمى "السلام عليكم شلونج رشا
رشا "لمى ؟
لمى :اي اني لمى اعرفج اني زوجت يزن وام ابنة عماد
الكل "يزن تزوج رشا شنو ما سمعت يزن انت اجيت صح وانتة متزوج
فدوة حلا كعديني اخاف اني نايمة هذا كابوس مو احجو
يزن "شبيج يا كابوس شبيج تركتكم كم سنة الكاج تخبلتي اي الحجي السمعتي صحيح  شنو مستغربة اتزوج ليش شنو بعدج منتظرتني
رشا "ليش اجيت ليييشش بصياح
ان اكلك اجيت اتموتني ليش احجي اني رشا يزن تعرف اني رشا ولك احجي ليش سوت هيج ان...اني واريد احجي ما اكدر واحس نفس بدة ينقطع وقلبي يوجعني حيل والساني ثقل وبعده ما حسيت على نفسي

علي "الله لا يرضا  عليك المن اجيت يلله معن شغل السيارة نودية للمستشفى
يمة بتي راح تموت لحكوني بدتت تتخربط
حلا يمة اصبري انشالة ما بية شي انت ابقي هنا اني اروح وياهم
يلله معن شيلة لبستة العباية
دخلناها مستشفى واحالوه كبل للنعاش لا صاير عدة ذبحة قلبية
والطبيب استغرب لصغر سنة عدة ذبحة
علي "فدوة دكتور طمني علية شلونة
الطبيب "اني ما اريد اخافتكم بس المريضة بسبب الذبحة اصبح قلبة تعبان فلازم ترتاح نفسيآ وجسديآ وخاصتا ابعدوة عن اي صدمة
معن 'انشالة دكتور وشوكت نطمن علية
من تفيق ويستقر ضغطة لان بعدة صاعد تكدرون تطلعونة
رشا "اريد افتح عيوني احسهن ثقيلات وقلبي بعدة بي الم اشم ريحة تعقيم قوية واسمع صوت جهاز النبض اتذكرت الحصل وياية احس روحي تريد تطلع اجني السستروالدكتور ضربوني ابرة وراة ما حسيت على نفسي
بعدين وعيت ولكيت امامة وحلا يبجن
رشا "مامة لا تبجون ما بية شي اريد اطلع طلعوني اختنقت من المستشفى
حلا "هسة حبيبتي نسال الدكتور ونطلعج
علي "ها حبيبتي حمد لله على سلامتج  شلونج شتحسين هسة شلون صرتي

رشا "زينة بس طلعوني اريد ارتاح
طلعوني ومن دخلت للبيت اتذكرت الصار وبقت عيوني تبجي احاول الزم نفسي ما كدرت الكل يريدوني اسكت حتى ما اتذى
رشا :اذا تريدوني اسكت صيحولي يزن اريد احجي وياة  ولا تخافون علية بعد ما اتاثر بشوفتة بس عندي حجي ويا مهم
علي "اي حبيبتي بس ارتاحي واحنة انصيحة الج بس لا تعبين نفسج
لا تخاف علية هو كسر قلبي وداس علية بعدني قوية اتحمل اكثر بس كولة رشا عدة امانة تنطيك ياة
💔💔💔💔💔💔💔💔💔💔💔💔💔💔💔💔💔
لا تنسون النجمة فديتكم 💋💋