اين الوعد يابن العم

تبعثرت اوراقي حياتي

رشا
حالت بابا ساءت حيل وبقينة نودية للاطباء وينطونة علاج ما يفيد
لان هو كلش تاثر على عمو وحمل نفسة مسؤلية موتة
وبيوم اني نايمة فزيت على صراخ مامة
بقيت مصدومة اريد انزل ماكدر لان اعرف هذا الصريخ على بابا
وراة سيطرت كوة ونزلت لكيت بابا كانو نايم ولكل يبجي علية
هنا حسيت صدك ضاقت الدنيا علية واصبحت يتيمة
وبقت مصدومة لا اكدر احجي اصرخ بس اعيوني تبجي بدون صوت
كأنما اني بغير دنيا ما انتبهت للناس والعزة
وخلص العزة وكلمن راح البيتة واني بقيت  على حالتي
حتى اهلي حسو علية لان بقيت بلغرفة منعزلة لا احاجي احد ولا 
اكعد يمهم
مجرد جسد خالي من الحياة والروح ومرت ايام وايام واني حالي نفس الشي لان الخسرتة  من يزن وعمو وبابا كسرني كسر صعب يرجع يتصلح

وصارحتى اكلي قليل اليشوفني ينقهر علية خاصتا حلا تاثرت علية وحاولت تخرجني من عزلتي وكدرت شوية اتحسن خاصتا من شفت وضع ماما

بس تبجي وتتخربط لان جانت تحب بابا كلش لان هية مو بس زوجتة لا صديقتة وحبيبتة وموضع اسرارة ومن شفت وضعة خفت لا اخسرة
وقويت نفسي لخاطر اكون لجانبة واقوية وانسية الحزن ولو شوية
والحمد لله تحسن وضعة وكدرت تتاقلم مع الوضع وبدا الدوام ورجعت لروتين اليومي والصديقاتي وخطية تفاجئن  من شكلي لان كلش متغيرة وضعفانة بس لمى تعجبت لا اتصلت بية ولا عزتني بوفاة والدي كانو مو صديقة اني وكم مرة اتصل بية يطلع رقمة مغلق ومرة رحت البيت عمة اسئالهم علية كالولي تزوجت وسافرت بقيت متفاجأ😰
ليش ما خبرتني واني صديقتة المقربة انقهرت صدك بس دعيت الله يوفقة مهما يكن تبقى صديقتي
......................................
بعد مرور سنتين
رشا
الوضع مثل ما هو  نجحت للمرحلة الرابعة وهواية خطبوني وهواية حاولوا يردون علاقة بس اني قلبي ما نسى حبة طول السنتين ما نام الا يجي ذكرى من ذكرياتة وياية
ومرات اطلع البوم الصور واباوع  بصورتة وابقى اعاتب بي لو ابوس الصورة كأنما هو كدامي مرات اضحك على نفسي  يمكن اني انجنيت
بس حاولت قدر الامكان ما ابين حزني الاهلي بس اني ادري بيهم يعرفوني بعدني احبة
لان كل واحد يتقدملي ارفضة ومحد منة يحاول يقنعني لان يدرون كلبي ملك يزن وبس
بخلال  السنتين حلا كبرت صارت صف سادس علمي حبيبتي وعرفت بسرهة هي ومعن حبيبتي كبرت ومعن خابصنة حلا وحلا وامي خطية
طلبت منة اذا يحبة يخطبة لان ما تريد يتكرار الصار وياية وفرحنة بهل خبر وقررت ماما اسبوع الجاي الخطبة والعرس من تنجح من السادس
حلا :رشا فدوة كرصيني ما مصدكة مامة قبلت واخيرا حلمي وحلم معن راح يتحقق
رشا "انشالة حبيبتي الف مبروك ليش لا ما يتحقق معن يحبج وخوش ولد وحباب وفوك هذا كلة هو رابي ويانة ونعرف اخلاقة وهنا حسيت العبرة خنكتني 
حلا "حبيبتي لا تنقهرين انسي ماضي وراح على شنو تبجين والله ما يسوة ضفرج

رشا "لا حبيبتي اني مستحيل انسى يزن حبة وية كل دكة من دكات قلبي  شلون انساة واني امالي ومستقبلي بانيتة على وجودة بحياتي وذا انساة يعني انسى كل طعم  حلو بدنيتي ما تحملت نزلت دموعي واحس وية كل دمعة  نار حارة تعتريني وتحرقني وما اكدر اطفية الى
ان  احس بلامان  هو بوجودة
حلا "فدوة رشا لا تبجين ولله ما اتحمل اشوفج تبجين والله اتمنى بيدي شي واسوي الج واحل مشكلتج واندك الباب رحت فتحتة
علي "الف مبروك يا الضلعة انشالة يوم الي واتزوج الي بالي
حلا 'الله يبارك بيك حبي انشالة تتزوج ونخلص من طلباتك الماصخة
علي شكو هية الدموع كلة رشا لان حلا انخطبت ترى عادي راح تبقى مكابلتنة هي وابو كرش
لا والله ما اسمحلة تحجي على خطيبي ترى احجي على الكبد مالك 
رشا "كافي صرتو كبار وراح يكون الكم عائلة وانتم بعدكم تتعاركون
علي "على كيفج عيني ست رشا بعدج ما تخرجتي وبديتي بينة بعصبيتج
اشو تعالي  فديت اختي العصبية وهاج هاي 😚ترى الدنيا ما تستاهل كل هل الزعل حبيبتي انشالة الفرج قريب
رشا "انشالة حبيبي وانشالة افرح بيك وارقص بعرسك اي صدك علاوي وين ابو كرش اشو ما شفناة حتى نباركلة
علي "ها معن بليل يجي  عندة شغلة 
رشا "حسيت علي ارتبك من سألتة على معن الله اليستر بس لا اكو شي
وخلص الاسبوع واحنة مخبوصين بتحضيرات الخطبة ورحنة للصالون وطلعت حلا كيكة فديتة ورجعنة للبيت وتمت الخطبة فرحنة كلش بلخطبة
بس بقت خصةبقلبي لو بابا وعمو ويزن موجودين  جان فرحتنة تصير اكبر  بس الحمد الله على كل حال
وراة بفترة قرر علي يخطبة بنية حبة وياة بقسمة هو يدرس صيدلة مرحلة ثانية
وفرحنة بخطوبتة والبنية كلش حبابة اسمة مينا وقرر ايضا بنهاية السنة يتزوجون
💧💧💧💧💧💧💧💧💧💧💧💧💧💧💧💧💧💧
متابعة شيقة واعذروني على التاخير بسبب ضروف