اين الوعد يابن العم

قتلتني بحكمك القاسي💘

علي "
فدوة رشا راح ادز يجيج على الرغم اني ما راضي وهو سبب مرضج ولله لو تدرين من وكعتي اجة للمستشفى وطردتة كنت اتمنى موتة خلاص بس ما ردت تتازم حالت
رشا :فدوة القلبك حبيبي لا تخاف كلشي انتهى بس عندي حجي وياة لازم يسمعة لانة امانة ولازم يعرفة
حلا "حبي تقبلين ابقى وياكم حتى لا توكعين
رشا "كافي مابية شي لا تفكرون بعد ما يصير بية اكثر من الي صار

بعد ساعة
اجة يزن ولمى
رشا "اهلا وسهلا بأحلا ثنائي تصدكون لايكين البعض
لان نفس الطباع من غدر وخيانة وحتى رمي المحصنات
يزن "هههه حلوة رمي المحصنات صرتي تعرفين بلدين
رشا"الحمد لله صائمة مصلية ومحافظة على حجابي
يزن "هههه ضحكتيني لعد ورسائل العشق والغرام وساعات الحب وين راحت
رشا "يزن احترم نفسك اني اشرف منك ابقى طاهرة طول عمري محد لمسني يا حقير بعدك بظن السوء
حان الوقت تعرف الحقيقة التي عشت طول هلفترة
تتهرب منة واتهمتني بدون سبب
بس تعرف يمكن من تعرفة راح تكرة زوجتك لمى المخلصة
اقصد صديقتي الصدوقة الي اعتبرتة اخت الي ودخلتة بيتي وإتمنتة اسراري ويامة ويامة ساعدتة واشاركة همومة بس هي مع الاسف بلمقابل شسوت ها احجي لمى شسويتي بية

لمى " اني ماسويت شي يزن هو خطبني وتزوجنة واني ما غدرتج
تعرفين كلش زين علاقتج من تزوجت بيزن مقطوعة بسبب خيانج الة
فما داعي تججين كل هذا الحجي
واذا قللتي من احترامي فزوجي موجد
هو يعرف ياخذ حقي منكم
رشا "احسنتي كلام ممتاز يعني اني خنت يزن وانت تكول صرتي تعرفين بلدين لان اني بنضرك سا...... بس اريد اكول بعد ما تسمع الحجي شنو حيكون حكمك الي

اولا :صديقتي لمى الي جانت صديقتي جان تعرف مهند جوارينهم
معجب بية ودئما يحاول يتقرب منة بس اني اصدة
ثانيا "لمى جانت تحبك تدري وجانت تتعمد تحاجيك وتتعمد تدرسة على الرغم هية شاطرة بس هية نيتة تريدك تحس بمشاعرة وتحبة على الرغم جانت تدري انت جنت تحبني وتموت ية فحاولت تفرقنة
ثالثا"تدري لمى هي اتفقت وية مهند جوارينهم على شغلت الرسالة
حتى تشك بية وتكرهني وتعوفني وهية بلمقابل تخليك تحبة وتتزوجة

يزن :هههههه ضحكتيني خوش تاليف وشنو دليلج ست رشا
رشا :توقعت ما تصدكني بس لا تخاف عندي دليل وهو موجود هو معن اخوك الوحيد اليدري بعتراف مهند
يزن :مهند؟
رشا "اي مهند اجة قبل تلاثة سنوات وطلب من معن يلتقي بية لان عندة
سر لازم يخبرني بية
والسر قرر يخبرني بية بعد ما فقد الامل بان اقبل بي ونتزوج لان اكثر من مرة  خطبني وارفضة  اخر شي قرر يخبرني بلسر الي هو ضامة علية واصريت يجي وياية معن لان اني اخاف منة لان ما يصير نلتقي لوحدنة
كلي انو لمى جانت متفقة وياة بان يشوهون صورتي كدامك حتى كل واحد منة ياخذ اليحبة فلمى خبرتة تجيب ترجية من عند طبعن ماخذتة من تجينة للبيت وتنطيهياة وهو بلمقابل يكتب رسالة كولة غزل وغرام على
اساس اني وياة بين علاقة حب وعلاقة جسدية واسقط من عين يزن ويكرهني ويحصلون من كل هذا
يزن يتزوج لمى ومهند يزوجني والحقيقة نجحت خططهم صدوك فرقونة وانت تزوجت لمى بس اني عمري كلة ما فكرت ارتبط باي شخص غيرك
على الرغم هواية تقدمولي تدري انت حكمت قلبي بقبضتك

يزن "ومنو يكول كلامج صحيح
معن "اي كلامة صحيح وانة اشهد علية والولد اجة واعترف بنفسة على السواة هو ومرتك المصون لان هو يأس منة تتزوجة وقرر يهاجر خارج الوطن بس راد يبرء نفسة امام الله لان شوة سمعتة والله جازة بفضيحت اختة هربت وية ابن خالة وتركتهم بعارهم
رشا "ها سمعت الحجي يا يزن وانت اخيرا اجيت واحنت على التي جانت تنتضرك وتشتاقلك وتتمنى يوم يوم تجي وتحن علية حتى لو خمس دقايق حتى لويمر طيفك وضيعت عمرة وشبابة عليك وبعدين تجية بخيبة جبيرة وخيانة وتخلية تبجي بدل الدمع دم
وانتة اصلا ناسي وعدك الة روح ياابن عمي ياعزوتي ياحزام ضهري ياحلم عمري
  اقول بس اللة يوفقك ويجازي الي كان السبب بتفرقتنة
💘💘💘💘💘💘💘💘💘💘💘💘💘💘💘💘💘
متابعة شيقة لا تنسون النجمة