اين الوعد يابن العم

نهاية حب صادق

ان البعض يقولون الحب الصادق يستمر حتى وان واجة الصعوبات فكلما كان مؤلما اصبح انقى واقوى
لكن هذا الحال لا ينطبق على حبي لانة كان سببا لالمي واوجاعي
وربما نهايتي لان حب صادقا من طرفا واحدا
فمن حب صدقا لا يجرح من يحب ولا يضلمة ويضع الف سبب ليبرر خطئ
من احب 💔

رشا "
يزن ارجوك اطلع من حياتي صدك قبل جنت اتمنى ترجع واشوفك ولو دقائق لان جنت متيمة بحبك
بس هسة صرت ابن عمي فقط ما عدي مشاعر تربطني معاك
يزن "لا رشا لا تقولن هيج انتي حبيبتي وحياتي بس افهميني مستعد اصلح كول اغلاطي
رشا "يزن كافي ترى قلبي ديوجعني ترى دتضغط علية وبعدين يا اغلاط
اصلحة ما تكلي مثلا ترجع الزمن ليورة  وما تشك بية وتعتبرني وحدة مو شريفة لو ما تزوج اعز صديقاتي لو ما تخليني انتضرك كل هاية السنين
ويضيع شبابي وبعدين ترجع وعندك طفل والثاني بلطريق
اة اة قلبي يزن اطلع اة
معن "يزن اطلع ما تشوف حالتة اتمرضت بسببك اطلع
رشا "مع..ن الحك.لي ما اكدر وينغمي علية
معن "لحكو رشا انغمة علية يزن جيب السيارة انودية للمستشفى
حلا معن فدوة اروح وياكم
يلله فضية البنية لا تروح من ادينة
حلا "يمة اختي صارت شفتة زركة فدوة سرعو شوية لا تموت
وصلنة للمستشفى بس رشا حالتة متازمة بلقوة تتنفس دخلوة طوارئ ومناك عناية مركزة
فدوة دكتور شلونة رشا
دكتور "والله حالتة ما تبشر بخير واني  سبق حذرتكم حالتة ما تتحمل
ضغط نفسي وخاصتآ هية طلعت البارحة من المستشفى يعني بعدة
فترة نقاهة ليش تخلوه تتعب
علي "فدوة دكتور طمنة انشالة تصير زينة وتتحمل الالم
دكتور "ما اعتقد تصير زينة لان قلبة كولش تعبان وحتى نبضة مضطرب
يزن "دكتور نكدر نسويلة حل نعالجة حتى اذا خارج العراق
دكتور 'اي يصير لان الطب تطور يصير تاخذونة للهند يزرعون جهاز للقلب ينعشة من يتوقف النبض بس احتمال يكلفكم هواية
معن "اي دكتور نكدر نودية بس تكدر تساعدنة بدكتور زين
دكتور انشالة اساعدكم واذا تريدون احجزلكم عندة بس خل صحتة تستقر لان بعدة حالتة مضطربة

يزن "ورى اسبوع خرجنة رشا من المستشفى وجمعت من عندي نصف المبلغ مال العملية والباقي من علي ومعن واخذتة اني وعلي وحلا
بلبداية ما قبلوا على جيتي وياهم بعدين قنعتهم لان اني طبيب واعرف
وصلنة للهند ودكتور الي بلعراق ما قصر حجزلنة هنا وفحصة الدكتور وانطانة امل تصبر زينة بعد العملية
بس اني كلش تعذبت كل ما اشوفة شلون متهية وبلقوة تتنفس اموت بداخلي
شلون انطاني قلبي اعذب طفلتي حبيبتي الي ياما وياما نسهر سوية ونطلع سوية وجنت معتبرة صدك حتكون زوجتي وجنت اعتمد علية بكولشي حتى باختيار ملابسي ومن اشوفة اضيع بعيونة
بس مع الاسف القدر لعب لعبتة ويانة وفرقنة واني جنت مغفل وحقير من تزوجت لمى صديقتة جرحتة زيادة  شكد جنت اناني وما فكرت بس بنفسي وحتى ما فكتر بعمي ولا بعمتي ولا حتى باخوية
صدك اني حقير واني استاهل كل اليجرالي لان كسرت قلب كلمن حبني
واولهم رشا
رشا "من رجعت للعراق حسيت براحة نفسية على الرغم الي قتلني وجرحني قبال عيني ويبدي اهتمامة الية بس عندي امل الوضع كولة يتصلح
امي فرحت برجوعي لان خطية جانت كولش خايفة علية
ومر اسبوع وصرت زينة اتحرك واطلع بلحديقة ويزن بعدة موجود اعتقدت راح يترك لمى بس طلعت غلطانة وانقهرت بوكتة لان جرحني مرتين الاولى من تركني كل هاية السنين
والثانية عبالي راح يصحح الغلط ويطلق لمى ونزوج بس هو طلع انسان اناني ما يفكر بس بنفسة وعرفت هذا الشي من جنت كاعدة اتفرج على التلفزيون وهو كاعد يسولف وية امي واجاة اتصال من لمى