أنا شيماء 18 سنة سمرا شوية لاطاي هيا هديك لعوينات مارو ولفيم صغيور هو باش كنسخف عباد الله هههه ديما تيقولولي لبنات سعدات راجلك ههه عاَلاَمْ... وأنا داخلا ليسي معا صاحبتي إيمان عندي 2 سوايع عولوم ولخرين فيزيك.. إيمان: شوفي شوفي ناري ديك لمشعكا كتشوف فيك ههه خلعاتني أنا بعدا (هي دازت محدانا) وإيمان غوتات أنا: مالكي ازبلا شفتي جن إيمان: ههههههه واشفتوا دبصح (أنا كنضحك) عنه واسيري دخلي هه نتي عَالاَمْ تلاقينا مع كلثومبقينا كنهدروا ومشينا دخلنا دوزنا داك سوايع غي ضحك وتقشاب هه اوا مشيت لدار سلمت على الحب ديالي ميمتي ماما: كيدرتي ابنتي أنا: حمد لله ماما: سيري ابنتي دي هادشي لطبلا عالاما يجي باك أنا: واخا دينا وكانتسناو لواليد يدخل بابا: سلاام عليكم أنا وماما: وعليكم السلام وكلسنا كاناكلو وكانتداكروا بابا: احممم كلنا سكتنا أنا واختي وخويا كنشوفو وكنسمعوا علاياش غيدوي بابا: بنتي شيماء نتي دابا كبرتي و ولتي زوينة ماشاء الله ومانخافش عليك ولكن ابنتي نتي غتزوجي أنا: كيفاش شنو كتكول ابابا لا لا بابا: هادشي ابنتي ضروري عليا وعليك أنا: كيفاش ضروري هاد لموضوع عافاك مابغيتوش يتجبد طلعت لبيتي وسديت عليا (وكنبكي) اههههئ كيفاش باغي يزوجني لا مايمكنش انا مزال باغا نكمل قرايتي ونحقق حلمي لا مايمكنش وماغانسمحش هادشي يوقع.. نضت غسلت وجهي وستغفرت الله وخرجت لبست حوايجي باش نخرج أنا وأختي نفوجوا شويا خرجنا وبقينا كندوروا وأنا نقشع واحد رونج روفر تابعانا من قبيلا ولمشكيل زاج فيمي ما قشعت والو ميكت وزدت... كلسنا كنتهاودوا ونهضروا فهادي وهاديك ههه (راكم عارفين لبنات منين كايشدو فشي حاجا هه) اوا بدا لحال يضلام و تمينا راجعين لدار وأنا نقشع نفس هاديك رونج واه دخلني شك مهم وصلنا لدار طلعت بدلت حوايجي وصليت وكلست نطلوا شويا على دوك لكتوبا نصيلو معاهم رحم.. مهم راجعت دروسي وخرجت تعشيت، وجمعت الطبلة مشيت نغسل لميعنات، ساليت ودخلت نعس.. صباح جديد وأحدات جديدة غاتقلبلي حياتي..
يتبع....
👋👋👋👋👋👋👋👋👋👋👋👋👋👋
أنت تقرأ
أميرتي أنت
Romanceقصة اليوم كاتجمع ما بين رومانسية💘، دراما👍، حزن😞، وفرح😊 أبطالها: شيماء 💕 فهد كاتبة: شيماء شيموئة قصة بالدارجة المغربية قراءة ممتعة
