أنا غادا وكنبكي ايا ربي شهادشي طحت فيه أنا دخلت لبيت وأنا كلي منهارا ودخلت لدوش.. اجي نمشيو نشوفوا سي الامير فاش كيفكر " علاش عاملتها هاكاك علاش خوفتها هيا كتشبه لسناء داكشي علاش تعصبت ملي شفتها علاش درتي فيا هاكا علاش خنتيني سحابلي كتبغيني ساعا نتي ضحكتي عليا وخنتيني معا وحدا خر علاش.. وتفكر شيماء منين كانت بين يديه خايفا ومرعوبة وكاتبكي قتلاتو برائتها.. اصافي افهد اصاحبي نسا كلهم بحال بحال وتاهيا بحالهم نسا خينات وعلى لمصلحا افف نوض نعس حسلي وأنا ماشي دزت علا لغرفا حليت لباب بشويا لقيتها ناعسا كي شي ملاك وحداها ملاكي صغيور فلدة كبدي.. سعادتي وفرحي.. سديت لباب ومشيت.." نرجعوا عند شيماء خرجت مندوش بست لبنيتا ونعست حداها درتلها اخدادي فجنب خفتها لاطيح سبحان الله دخلاتلي لقلبي لا علاقة بباباها المتوحش والقاسي اف نعس حسلي هادا قدري معندي ماندير ولي دارها ربي هي لتكون انشاء الله.. صباح جديد فقت على شي واحد كايهرني فعنقي وفوجهي ويبوسني هه حليت عيني وأنا نلقاها ديك لملاك كتضحك وكتقولي البنت: ماما لعزيزا نوضي وا نوضي براكا من نعاس أنا: شنو سميتك؟ هي: اوهه مامي واش نستيني أنا آسية اماما أنا: اوا ابنوتي أنا كبرت آسية: زعما قولي شرفتي ههه أنا: ههه شنو كيفاش شرفت؟ اجي لهنا نوريك شرفت ههه شنو هيا وبديت كنهرها ونضحكو هه اف عييت بطلعا دعيني شفتو وأنا ضربني صاعقة ومع كنت لابسا غي شورط قصيور بديباردو ديالو وبديت نغطي ساعا والو افف هو (كيشوف فيا بدوك شوفات لي كيضوخو) حتى قفزات عليه آسية بلبوسان آسية: أوه باباتي توحشتك وكتبوس فيه هو: قداش املاكي هي: غي قد هاكا هه هو: صافي (دار راسو غضبان وكيبكي) هي: صافي باباتي ولكن غاتكون ماما توحشاتك بجهد عليا ههه وهو شاف فيا دوك شوفات تاني ونطق: جاوبيها أنا: اممم اه ابنتي آسية هربات وخلاتني غي أنا وياه وأنا بغيت نوض مي تفكرت شنو لابسا وماقدرتش نوض وهو بدا كيطلعني ويهبطني يخ تفو على قمقوم واش كيمرك هو: دغيا ببدلي عليك وهبطي عندك نص ساعة تكوني لتحت اوكي.. خرج وردخ لباب أنا: تفو على بشار كيداير على صباح باين غي من الأول مهم ماعليناش نوض نبدل عليا دخلت دوشت وصليت صلاتي ودعيت لربي يديرلي لي فيها لخير لبست واحد لكسيوا لقيتها تما غوز متحت الركبة شوية وشديت شعري بواحد مقيبط جات عندي ليلى حلفات حتا تصيبلي لمكياج مي أنا مبغيتش واعداتني باش تصيبولي خفيف.. طلعت زوينة ههه عجبني راسي (شكار راسوا عاد داز منهنا ههه) اوا وهبطنا أنا وليلى خفت بزاف وقلبي غيخرج من بلاصتو.. خصوصا منين شفت هاداك القاسي (وبيني وبينكم جا واعر) كان لابس بدلة رسمية مهم كلست حداه وأنا محاملاش راسي هو سينا وجا وقتي أنا: هزيت داك ستيل وأنا كلي (كنترعد وخايفا) هو بركلي على يدي وقال (بشويا): وماماك مسكينة جيت أنا هزيت راسي فيه باحتقار سنيت وخرجت كنجري لجردا أنا: اف يا ربي لا ما تديني وتريحني اهئ اهئ علاش يا ربي سمعت صوت من ورايا آسية: ماما ماما علاش كتبكي أنا: والوا احبيبة غي شي حاجة دخلاتلي فعيني آسية: انبوسهالك باش ماتبقاش تقرحك (باستهالي) أنا: اوه مشا لحريق احبيبتي شنو رأيك نلعبوا غميضة آسية: اوه ماما غتلعب معايا غميضة يلاه أنا انغمض ونتي اماما تخبعي آسية (غمضات عينيها): 1..2..3.. أنا ماشية كنجري وانا ندخل فواحد شخص.. (تفو علاش ازهري ديما مخيبني) وكنت غنطيح وهو يشدني هو: مالكي كتحنقزي بوحدك آلالا أنا: الال..ا..ن..ا..كنلعب م..مع آسية هو: اامم مزيان ولعبي تانتي اصلاً قد لعب هه (ودفعني ومشا) تفوا خلاها فيا كتطلع وتهبط..
يتبع....
أنت تقرأ
أميرتي أنت
Roman d'amourقصة اليوم كاتجمع ما بين رومانسية💘، دراما👍، حزن😞، وفرح😊 أبطالها: شيماء 💕 فهد كاتبة: شيماء شيموئة قصة بالدارجة المغربية قراءة ممتعة
