أنا (حليت عيني وراسي كايضرني) اي اي فين أنا اههئ اههئ وعباد الله عاد لاحظت راسي فواحد لبيت كبير وزوين بحال دالأمراء والأثات فيه زوين ومشيت كندق فلباب أنا: حلوا عافاك شنو بغيتوا مني وعباد الله حلوا اهئ اهئ حلوا نزلت الأرض وأنا كنبكي وكنفكر فواليديا لي غا يكونوا مهولين دابا ومشيت كلست علا ناموسيا وكنبكي انا: اهئ اهئ شنو درت ياربي باش نتعاقب هاكا ونبعد على واليديا.. فين انا دابا؟ وشنو بغاو مني هادوا اهئ اهئ تاسمعت لباب كيتحل وقفت وهزيت واحد لفازا كانت بجنبي تحسبا لأي هجوم دخلات واحد لمرا فمقتبل لخمسينات لَبْسا لباس أنيق المرأة: سلام بنتي شيماء كيف درتي الحبيبة أنا: عافكم بعدوا مني والله ماكنعرفكم اههئ اهههئ المرأة (قربات لعندي وبدات تمسحلي دموعي وعنقاتني): أنا عارفاك خايفا ابنتي وسمحيلنا على هاد لمجيا هاكا انا: اههئ فين أنا؟ المرأة: نتي فدارك ابنتي انا: كيفاش؟ المرأة: نتي فدار الأمير يعني زوجك انشاء الله أنا: كيفاش؟ ولكن أنا ماعرفا والو اهههئ عفاك بغيت نهدر مع واليديا غايكونوا مخلوعين عليا المرأة: راهم فخبارهم كلشي راهم مزيانين ابنتي غي نتي ما تبكيش أنا... أنا: كيفاش بغتيني مانبكيش وانا تخطفت وجبتوني لهنايا أنا مكنعرف حتى واحد هنا اههئ اهههئ عافاك لاما رجعوني لعند واليديا المرأة: أنا ابنتي ماعندي تا شي دخل الأمير هو لي امر بهادشي انا: كيفاش وشكون هاد الامير؟ اهههئ اهههئ يا ربي لاما صبرني عاود شنو ندير أنا؟ المرأة: أنا ام الأمير وسميتي خديجة مهم ابنتي هانا خرجت ونوضي راه لحوايج فلماريو بدلي عليك هانا صيفطليك لماكلا ابنتي وكولي الله يرضي عليك أنا (هزيت راسي باشارة زعما ااه) وخرجات وخلاتني فحيرة شنو بغا مني هاد الامير؟ زعما كيفاش راجلي؟ مابقيت فاهما والو نضت دوشت وبدلت عليا وخرجت ولقيتهم جايبيلي لماكلا او هاد لماكلا كلها غانكولها أنا مالي هيشا ههههه كليت وساليت وكلست قبالت واحد شرجم لي كان كيطل على واحد الاطلالة زوينة وسهيت كنفكر فمصيري وشنو غيوقعلي مع هاد ناس لي ماكانعرفهمش حتى بداو دموع كايخونوني وكيهبطوا شبعت بكا وفتالي بدا كايجيني نعاس.. صبح الصباح وفيقاتني أشعة الشمس لي دازت لوجهي نضت وأنا شوية كانحس براسي ماشي هي هاديك وشوية تحل الباب ودخلات واحد لبنت زوينة تكون عندها شي عشرين عام وجات كتجري عندي البنت: صباح نور الزوينة أنا (كنشوف باستغراب) البنت: أكيد كتسائلي شكون أنا الالا ياك اوا أنا هياا ههه خت ههه الامير (هه هدي عالام) وسميتي ليلى أكيد غاتكوني متشوقا أنا: ولاش ليلى: اممم باش تشوفي الامير يالاه نوضي وجدي ليوم عندكوم العقد أنا: كيفاش العقد؟ ليلى: عقد الزواج يلاه نوضي اوا النعاسا لكسولة لخرا أنا: أوكي هانا نايضة.. نضت دخلت لدوش وطلقت رشاشا وبديت نفكر كيفاش غانتزوج بشي واحد أنا مكنعرفوش اهئ اهئ وأنا مكنبغيهش فينك يا ماما تشوفي تشوفي بنتك فين وصلات فحالتها علاش أنا بضبط ماشي شي وحدا خرا اههههئ ااهههههئ
يتبع....
👋👋👋👋👋👋👋👋👋👋👋👋👋👋
أنت تقرأ
أميرتي أنت
Roman d'amourقصة اليوم كاتجمع ما بين رومانسية💘، دراما👍، حزن😞، وفرح😊 أبطالها: شيماء 💕 فهد كاتبة: شيماء شيموئة قصة بالدارجة المغربية قراءة ممتعة
