أميرتي أنت

البارت 13 💙

طلعنا ومشينا لبيت وهو غي كيخنزر.. دخلنا لبيت وهو غي كيزدح ومخنزر ههه (فنفسي: طرطق مزال ماشفتي والوا اسيدي) فهد: عجبك لحال ياك عجبك وكلستي تكركري معاه أنا (كنشوف فيه): ماشي سوقك اسيدي أنا حرا ونتا حر فهد (جاي ولصقني مع لحيط  وكيسوط): لا محراش شكون قالك حرا غي نساي عليك هدشي من عقلك الالا نتي ديالي وغتبقاي ديالي فهمتي وضرب يديه مع لحيط  تا بدات كتسيل بدم ودخل لغرفة لوخرا أنا (فنفسي: افف واقيلة تنا زدت فيه حرام عليا كنعصبو فحال هاكا) تفكرت كيفاش ضرب يديه مع لحيط طاحت دمعة من عيني أنا: افف علاش اقلبي مكتقدرش تصبر افف جبت فصما ودوا ودخلت عندوا ولقيتوا واقف وكيشوف جيهت جردا كنتمشا بشوية أنا: ممكن نشوف يديك فهد: لاء عافاك خرجي برا وخليني عليك أنا: لاء مخرجاش وزدت لعندوا وهو يشدني مع لحيط وكيهدر فهد: قلتلك سيري مكتفهميش أنا: ممشياش حتى نشوف يديك فهد (كيشوف فيا بداك شوفات عوتاني شحال وعاد بعد) أنا خديتلوا يديه نضفتها ودرتلوا الدوا ولفاصما وخرجت.. نشوفوا سي امير فاش كيفكر: هادي بغا تحمقني أنا كنحماق عليها ولبقات هاكا بهاد تصرفات غنخطفها هه زعما فلول مخطفتهاش مي هاد لمرا أنا لي غنديرها.. نرجعوا عند شيماء أنا سمعت الدقان فلباب لقيتها ليلى: حبيبة هاد ليلة عندي ليك واحد المفاجئة أنا: وشنو هي؟ ليلى (ضربتني لراسي بشوية): ولقلتهالك مغاتبقاش سميتها مفاجئة أنا: أوكي خرج فهد وليلى كدوي مع فهد: أنا غنديهالك اخويا هاد ليلا عارفاك متقدرش تصبر ولكن معندك مادير مشينا أنا وليلى.. تبعت ليلى لغرفة ديالها وخرجنا لجردا لقيتها مفرشا فالارض وواحد جوج دلبنات زوينات سلمت عليهم وكلسنا ليلى (كتعرفني عليهم): هادي سهيلة تعرفت عليها منين كنا كنقراو فالاعدادي أنا: مشرفا بمعرفتك سهيلة: ليا شراف احبيبة نكلس مع مرات الامير أنا: عافاك غي شيماء ليلى: وهادي حنان تعرفت عليها من الشركة فين خداما كانت باينة عليها بنيتا ضريفة وبسيطة أنا: متشرفا احبيبة حنان: شرف ليا اخيتوا مهم بقينا كالسين كنهضروا ونضحكوا ولعبنا لعبة صراحة تا جا واحد سؤال خطير فيا سولاتولي ليلى:قولينا احبيبة واش داكشي دليلة الدخلة خطير وكيقسح (هههه بصراحة البنات كيقسح ولا لا؟) أنا (ساكتة) سهيلة طررنطررن أنا: منعرف تاتجربيه ههه ليلى: غنجربوا بقات سيمانة لخطبة وموراها بسيمانة لعرس أنا: اوا شفتي هانتي غتجربي ليلى (حشمات): وصافي البنات مهم دوزنا وقيتا زوينة نعسنا فجردا وفصباح فقنا بشوية لقيت ليلى وحنان فايقين وأنا وسهيلة بقينا ناعسين أنا: صباح لخير البنات: صباح نور ليلى: شيماء اجي اجي هزي تيلفونك من تما أنا: أوكي جاو لبنات وشدو سطل دلما فيه ثلج وخواوه على سهيلة ببببااق سهيلة (ناضت مسكينة مخلوعة) اهت سمول تن لائوسؤةفينن أنا: بسم الله عليك سهيلة كتشوف فينا وشدات خديا وبدات كضرب فينا مهم فرحنا ولعبنا وخليت لبنات مع ليلى يدوشوا ويبدلوا بحيت هما غي يكلسوا تا تفوت العرس ومشيت لبيتي نبدل داخلا فرحانة شفتو هو لابس ومزيز صراحة مابغيتش لبنات يشوفوه ههه (كنغير) كالي: صباح الخير أنا: صباح النور فهد: مزيان أنا: حمد الله فهد: منين تسالي هودي تفطري أنا: واخا ودخلت لدوش أنا (كنهدر مع راسي) شنو سر هاد لهدوء مي مزيان شنوا غتكون لخطوا تاليا.... خرجت لبست سروال فالغوز مزير وبودي بيض طويل مفتوح شوية من صدر ودرت كوب شوفال وشوية دلميكاب وخليت شعري مطلوق هبطت لقيت ليلى ناس مكنعرفهمش شي دراري باكص وبنات تاهما واحد راجل ومرا كبارين واقيلا هادوا عائلة فهد بحكم الشبه كانوا ثلاتة دراري وجوج بنات أنا: صباح لخير الكل: صباح النور ناضت ليلى وبدات تعرفني ليلى: هادا عمي لعزيز كمال ومرتوا صفية وهادوا ولاد عمي انوار 25  عام طيار وسعد 23 عام عندوا شركة وسامي 27 عام حتى هو عندوا شركة وهادي بنات عمتي ربى واكرام أنا: متشرفا واكرام (كتطلع وتهبط فيا):nous même أنا:merci كلسنا كناكلوا وكنشوف ففهد كيهدر ويضحك مع ولاد عموا خصوصا سامي ومنين كندور كنلقى اكرام كتشوف فيه (ناري هادي موراها قصة) كنطلع عيني كنلقاه كيخنزر فيا مال هادا عاود شفتوا كيشوف جيهت صدري وكيدرلي باشارة أنني نطلع الكبوط ميكت عليه وخليتو تا تلاها وعاد طلعتوا.. مهم سالينا ولبنات ودراري قتارحو أننا نلعبوا لعبة الصراحة بلحكام مع كانوا تا سهيلة وحنان واو كلست وجا جلس حدايا فهد وبدينا ندوروا فلقرعة وجات فسهيلة وأنوار: قلينا الالا سهيلة كاين شي حد فحياتك سهيلة: لاء كاين غي فاحلامي مهم أنا كنلاحظ شوفات سامي لحنان ومن زهر لقرعة جات فيهم بزوج سامي: ممكن تعرفينا براسك حنان (حشمات مي هدرات): حنان 20 عام خداما فشركة دموسيو فهد الكل: أوكي دوروا لقرعة وجات فيا أنا واكرام اكرام: مشحال كيخلصك فهد باش تبقاي مقبلا ليه بنتو أنا (الصمت) اكرام: مكاينش جواب إذا نتقلو لحكما إكرام: غتحيدي لكبوط وتبقاي غي بسوفيطما أنا (كنشوف فيهم) الكل: ااه حيدي أنا جيت نحيد وهو فهد يشدلي يدي وبقا مزير عليا تاقصحني فهد (معصب): اكرام حتارمي راسك الله يخليك راها مرات ابراجل اولا ولي محترمهاش هنا غتولي هضرا وحدا خرا (وضرب يديه مع طبلة)

يتبع...