نمشيو نشوفوا سي الامير فاش كيفكر: معرفت مالي معاها فينما كنشوفها كنتعصب وكنبرد فيها ولكن شي حاجة كتجدبني ليها بريئة وطاهرة وداك شوفات عندها وداك لفيم مقدرتش نقاوموا... اففف معرفت مالي أنا نمشي حسن لي 🔙 نرجعوا لعندها: خلاني كنبكي شوية.. جات عندي ليلى كتضحك ليلى: يلاه نخرجوا دغيا بغيت نوريك شي حاجة أنا: واخا صبري غي نعوط حالتي ليلى: زيدي راكي معوطا من الله ههه أنا: ههه نتي عالام يا ختي يلاه نشوفوا هادشي ديالك فين غيوصل هبطنا واو هدشي واعر وكلشي دار كيشوف فيا.. صراحة حسيت براسي شخص مهم هههه تقدم فهد جرني لعندوا وبقا شادني فهد: لي هدر معاك كولي غا اه ومتبعديش ومشا وخلاني بوحدي جات عندي اللاخديجة: اجي ابنتي معايا نعرفك على ناس أنا: أوكي مشيت وبدات تعرفني على ناس شوية شت واحد لمرا داخلا كتمختر وسلمات على فهد وباستو من حناكوا والله مكرهت نقتلها وشفتها كتهدر هي وياه ويشوفوا فيا تموا جايين البنت: سلام أنا: السلام البنت: لباس عليك أنا: الحمد (دارت كتهدر مع فهد): صراحة كتشبه لسناء ولكن لا علاقة بيناتهوم هههه وداتوا بداو كيشطحوا بزوج وكيضحكو ليلى: شيماء شوفي هاداك الي واقف لهيه سميتو هشام وهو صاحب أكبر شركة داستراد واصدار النسيج وكنبغيه وهو منعرف افف اشيماء أنا كنتعدب وهو ولا على بالوا وبدات (كتبكي) شديتها من يديها وخرجتها لجردا وبديت كنهدر معاها حتى تهدنات شوية ودخلات وخلاتني كنفكر زعما علاش أنا غرت قبيلا من هاديك لي كانت مع فهد.. بفف ماخسنيش نفكر هاكا.. نمشيو عند ليلى لي كانت داخلا حتى تساطحات مع شي حد وخوات عليه كاس دلما لي كانت هازا: سمحلي سمحلي مشفتكش هشام: ومالكي عميا سيري ديري نضاضر (هي هزات راسها) وكانت صدمة ليهم بزوج.... هي شافت حبيبها لي كاتبغيه وخانوها دموعها.. وهو شاف حبيبتوا لي كيبغيها وأول مرة شافها هادي عاماين فشركة دخوها ودوخاتوا بجمالها وبرائتها ليلى (كتبكي) ا..س..محلي بزاف محس براسوا حتى باسها وعنقها هشام: شششششش صافي متبكيش منقدرش نشوفك كتبكي شششش.. نرجعوا عند شيماء.. أنا: كنت خارجا تاكنشوف ليلى هي وهشام معانقين ياي شحال تمنت تا أنا يعنقني شي حد ونحس بالأمان.. خرجت وتميت ماشيا وهو ينطق واحد الشخص: هيهوا تسمحيلي نرقص معاك (صراحة بوكوص مي فهد حسن منوا هه) أنا: وإلا ما بغيتش الشخص: غنتقلق أنا: أوكي شد فيدي ودخلنا بدينا كنرقصوا وأنا منسجمة حتى درت وكأنني ضربتني صاعقة شفت فهد واقف كيشوف كيخنزر ومعصب أنا: استسمح ولكن خاصني نمشي الشخص: أنا جاد ها الكارت فيزيت إلى بغيتي نولي نهدروا أنا (شديتها وطالعا بزربا): أوكي.. كنضور كنلقا فهد كيشوف وتميت طالعا لغرفة يالاه غنسد لباب وهو يدفعها شي حد وحل ودخل وسدها هو كيقرب وأنا كنبعد فهد: شنو كيقوليك داك راس عندك ديري مابغيتي وتهدري معامن ما بغيتي اهه دوي أنا: ياك نتا لي قلتي كل واحد يعيش حياتوا ويدير ما بغا اولا فهد: أوكي وتادابا سحبت كلامي الالا نتي ملكي.. ديالي.. مرتي.. فهمتي.. يعني لا احد من غيري أنا أنا: باشمن حق اسيدي فهد: بكل أنواع الحقوق ومن دابا ما غاتمشاي خطوا واحد الا بامر مني سمعتي بلا منعاود هدرتي وخرج ردخ الباب وزاد وخلاني فحيرة.. افف مالوا هادا كل ساعة كيكول هدرا فشكل ولكن أنا غادي ندير لي قالي عقلي افف عييت.. بدلت عليا دخلت ندوش باش نرتاح وملقيتش بنوار لقيت غا واحد لفوطا صغيرا لويتها عليا وتميت خارجا وادا بي اتفاجئ كان هو كيبدل حوايجوا وعريان لابس غي سروال (وعضلات مطراسيين اياي ههه) بقيت كنشوف وهو كذلك عاد نتبهت لراسي و شنو أنا لابسة...
يتبع....
أنت تقرأ
أميرتي أنت
Romanceقصة اليوم كاتجمع ما بين رومانسية💘، دراما👍، حزن😞، وفرح😊 أبطالها: شيماء 💕 فهد كاتبة: شيماء شيموئة قصة بالدارجة المغربية قراءة ممتعة
