ناض وجارني موراه وطالع بيا لبيت فهد (بعصبية): شداك اللباس أنا: مالو لباسي فقد: لا والوا غي قبايلا صدرك كيبان مفهمتيش راسك انا: لباسي محترم ولي بغا يبغي ولي ما بغاش يضرب راسوا مع لحيط فهد: اوا الالا كلما واحدا ياما تبدلي هاد لبس ياما غتبقاي هنا ونسد لباب بتليكموند أنا: وخرج خليني نبدل فهد: مخارجش ياك مرتي وحلالي أنا: فففاههد فهد: صافي هاني فلغرفة بدلت لبست كسيوا بيضا طويلة وفيها لكحل نص كم ودرت لشعري كعكة وعيطت ليه: فهد صافي يلاه نهبطوا فهد: أوكي دابا مزيان حل لباب أنا: المتوحش لاخر الاناني فهد: شنو قلتي راني سمعتك دابا تخلصي هادشي أنا: كيفاش؟ فهد: لداك لوقت وتفهمي زيدي زيدي أنا (كنطلع فيه): أوكي وهبطنا لقيتهم كالسين كيشربوا شي لقهوة شي أتاي شي لعصير وكلسنا كنتهاودوا تحت نضرات شي وحدين (طبعا اكرام ههه لحسد) شوية سمعت صوت حبيبتي بنوتي آسية (جايا كتجري ونقزات عليا كتبوس فيا): ماما ماماتي توحشتك أنا: تا أنا حبوبتي بنوتي آسية بقات كالسا عندي وهي تنطق إكرام: آسية حبيبة ماتجيش عند ماماك آسية: عندي ماماتي وحدا وهي هادي وشافت إكرام شافت ففهد: مسكينة بنتك مزال صغيرة معرفاش أنها أم بديلة آسية نطقات وهنا كلشي تصدم: ماما شيماء هي ماما زوينة وضريفة وصغيورة وماعنديش ماما وحدا خرا وعنقاتني أنا كنشوف ففهد لي مصدوم ومعصب وكلشي كيشوف فآسيا نضت أنا وآسيا حبوبة دماماها: طلعي لغرفة ديالك أنا جايا ومشات مع لخدامة كلشي كيشوف فيا ناضوا دراري شي مشا شي بقا كيتهاودوا فموضوع لخطبة ولعرس ليلى مهم مشا لوقت ومحسيناش بيه تا هدرات ليلى: نوضوا ادراري تغداو ولبنات نتوما غنمشيو باش نتقداو داكشي ليخاص البنات: ياي يوبي نوضوا سربيو مهم مشينا نتغداو وكلس قبالتي فهد لي غي كيخنزر فيا بحالي ماعرفتش مالوا.... سالينا وطلعت نبدل حوايجي حتى سمعت لباب تحل وتسد بجهد وفهد جاي بعينيه حمرين أنا (فنفسي مالوا عوتاني علاياش ناوي؟ وعلاش كيشوف فيا هاكدا؟) فهد: اجي لهنا بغيت نهدر معاك أنا: لاء عافاك مبغاش ندخل معاك فشي صراع وتميت ماشيا باش نحل باب دوش وهو يشدها بزربا وشدلي يدي ولواها وقربني لعندوا فهد:شنو كالك داك لعقل تمشي تكولي لآسية لحقيقة ااه دوي أنا: طلق مني راك قسحتني وكنحاول نتفك هو عاد مزاد قربني فهد: جاوبيني منين نكون كنهدر معاك أنا (دمعوا عينيا وبديت كنشوف فيه): أنا مقلتهاش هي عرفات بحدها فهد: كتحماقي عليا كيفاش طفلة عندها 10 سنين غتعرفها وغتقبلها اهه دوي أنا: باش نقسم ليك أنا والله مقلتهاليها اههئ اههئ والله هي نهار فاش رجعت قلتها ليا اهئ وقالت لي سمعاتها معند لخدم أنا والله مقلتهاليها اههئ اههئ فهد: شششش صافي سكتي متبكيش راني متيقك أنا: اههئ اههئ فهد: شششش صافي احبيبة صافي دموعك غاليين عليا وعنقني وبقيت فحضنوا شحال كيدوزلي على شعري وأنا نتفكر أنني معنقاه وبعدت عليه صحيح أنني كنبغيه ولكن شي حاجة كتمنعني أنني نكون معاه ااه يا قلبي علاش كتعذبني فهد (كيشوف فيا بدوك النضرات): علاش كديري هاكا؟ أنا: بحالاش؟ فهد: راكي فاهمة وعارفة أنك كتبغيني.. علاش كتهربي مني علاش؟ بغيت غينعرف أنا: أنا مكنبغيكش أنا مبغيتكش فهد (جاي لعندي وكيضحك): أوكي ولكن نتي لي جبرتني ندير هاكا
يتبع....
أنت تقرأ
أميرتي أنت
Romanceقصة اليوم كاتجمع ما بين رومانسية💘، دراما👍، حزن😞، وفرح😊 أبطالها: شيماء 💕 فهد كاتبة: شيماء شيموئة قصة بالدارجة المغربية قراءة ممتعة
