عباس،،،رجعت وماخليت الموضوع بالي بالليل تقريبا خف ازدحام المعزين وظلوا الاقارب فقط والي حيبقون ينامون بغرف الاستراحة الي بالمضيف شفت كرار ابن عمي والي هو اقرب شخص للشيخ وايدة اليمين وهو تقريبا اشرس شخص بعشيرتنة والي ماهدة سلاحة طك من وفاة الشيخ وعيونة تجدح نار حسيت الة يد بالموضوع اخذتة ع جهة وكتلة كرار وين اخذتوا ابو حسين ؟؟
كرار ،،،ليش
عباس،،،وينة كرار وخوما اذيتوا ؟؟
كرار ،،،نعم ؟؟ انت شدتسولف ياشيخنا ابوك الشيخ مات غدر وجتالة شرد
عباس،،،كرار افهمني اني مستحيل اسكت دم ابوية مو رخيص بس خلينة نتصرف بحكمة وعقل يعني ابو حسين رجال جبير لاحول ولا قوة اذا حبستة واذيتة شنو راح نستفاد بالعكس راح تعلك بين العشيرتين ولتنسة انت تعرضت لحريمهم وهاي مو هينة هم عشيرتهم ماراح يسكتون
كرار،،،يخسون والله افنيهم عن وجه الارض والله
عباس،،،كرار صلي ع النبي وكولي وين ابو حسين
كرار ،،،ماادلي عنة الا يدلي عن ابنة لو افرغ سلاحي براسة
عباس،،،كرار دليني عنة وطلع نفسك من الموضوع الثار ثاري واني اخذ حكي بأيدي
كرار،،، هاي هيج صار الحجي ياشيخ وكعد بالارض واختنك
كعدت بسدة وخليت ايدي ع جتفة كرار اني خايف عليك مو هيج تنأخذ الحكوك وبعدين مرات بلحظات عصبية نخسر هواية امور مو بس ندمر بيها نفسنا حتى الحولينا شوف حسين شلون بلحظة طيش ضيع نفسة ودمر عائلتة كلهم
كرار ،،،تفه عليه لتجيبلي سيرتة والله لأشرب من دمة واني جتالة والله
عباس،،،خليت ايدي ع جتفة ان شاء الله عن قريب دليني وين ابو حسين
كرار ،،بألسرداب الي اسفل مطبخ المضيف
عباس،،هاي وين صاير ؟؟ اكو سرداب بالمضيف ؟؟
كرار ،،،اي ياالشيخ هذا السرداب بس اني وعمي الشيخ نعرفة وزلمة الشيخ
عباس ،،وديني الة هسة
رحنة جان المكان مخيف واظلم وضيك خفت وماارتاحيت لهذا السرداب
طبينة لداخل وكان اظلم شغلت لايت جهازي شفت الرجال مدمي دم وفاقد وعية
جريت كرار من جتفة بعصبية انت شمسوي بالرجال شنو انت لاذمة ولا ضمير رجال بكد ابوك
كرار،،،لا تخاف بس طبطبة هاي مالجعنا بعد يالشيخ
اريد مكان حسين هو يعرف ابنة وين شرد كام يصارخ جريتة وطلعتة واخذت مفتاح الباب وكتلة روح بعدين نتحاسب مستحيل اقبل بالي ديصير
رجعت للسرداب ذبيت غترتي ومسحت الدم عن وجه الرجال ودورت ع مي مالكت رحت جبت مي وغسلتلة وحاولت افيقة جان ميكدر يحرك ايدة من بدا يوعى طفيت اللايت حتى ميتعرف علية بالرغم جان معصبين عيونة بس جنت حذر
جان يهذي بأسم فاطمة وينخة محد يأذيها ويحلف ميعرف مكان حسين مكدرت احاجي حتى ميتعرف علية همست راح اطلعك من هنا بس تاخذ اهلك وتختفون عن الانظار واذا عرفت مكان حسين لدلي احد عنة بس لشيخ فهمت
هز براسة بمعنى اي
جان ميكدر يحرك ايدي كان واضح انها مكسورة ربطتها بالشماغ وخليتها معلكة برقبتة وخليت ايدة الثانية ع كتفي لان جان اكو درجات بالسرداب ساعدتة الى ان طلع جانت عيونة معصبة وميشوف شي
وصلتة لوحدة من سياراتنا واشرت لسايق وكتلة وصلة لبيت من دون ميفتح عيونة ومن دون اي كلمة
تأمر ياشيخ
فاطمة،،،ظلينة نون ونبجي اني وامي وماغمضتلنة عين سمعنة صوت سيارة قريبة تحاضنة اني وامي وخفنة هواي
بعدين وكفت شوي وشخطت بسرعة سمعنة صوت ابوي يون فزينة بسرعة ورحنة بالعجل عليه لج فطومة قرت عينج هذا ابوج حي
فاطمة،،، الحمدلله والشكر ياربي خلي نطببة جوة يمة الله يكسر ايدهم يارب شمسوين بيك يابة
اخذنا وطبينة للبيت غسلنالة وجانوا مضعضعين جسمة ومزورك وايدة ملفوفة انتبهت للغترة وظليت صافنة عليها هاي مو غترة الشيخ شجابها ع ابوي
ابوي ،،،حجالنة ابوي شصار ويا من طلعوا من يمنا لحد مااجاه هذا ابن حلال هو الي غسلي وشربني مي ولف ايدي وطلعني وكلي اخذ اهلك وروح ووصلني لهنا بس مااعرف منو
فاطمة،،،بكلبي اكول يابة هذا الشيخ ليش سوة هيج معقولة هو الي يساعد ابوي ويفرج عنة ويربط ايدة بغترتة والله شغلة تحير معقولة لان نخيتة وطلبت منة
فتحتها وغسلنا ايد ابوي بالمي الحار ولفيناها بلفاف وجانت ريحة الغترة تجنن ظليت اشتم بيها الليل كلة وافكر ليش هيج سوة الشيخ
