عباس،،،رجعت للبيت ورحت للحجية وكتلها حجية اني راح اداوم وراح تقرب امتحاناتي ومكدر اروح واجي ولازم فاطمة تجي وياية للمدينة باجر راح ننزل اني وياها للمدينة لبيتي وكل فترة نجيكم ان شاء الله
الحجية ،،،اي وليدي ماتنلام بس فدوة ديربالك عليها ترة فقيرة وصغيرونة بعدها وتسمع الكلام لتقسى عليها علمها ترة المرة على شور زوجها
عباس ،،،لتوصيني حجية ادعيلنا
الحجية ،،،الله يوفقكم ويسعدكم يارب بس شو فاطمة مابينت ولا شفناها اليوم
عباس،،،ها اي وكعت من الدرج البارحة وشوي رجلها تأذت ومتكدر تمشي
الحجية ،، اسم الله خوما تأذت
عباس،،،لا سهلة ان شاء الله من اخذها للمدينة اوديها للمستشفى
فاطمة ،،،طب عباس للغرفة وماباوعت بوجهة بدة يجمع بملابسي بدون ميحجي انقهرت كلت هاي هية قصتي ويا لهنا وانتهت اكيد راح يوديني لاهلي انقهرت ع البنات والحجية لان بعد مااشوفهم وعلى عباس حب عمري وعشقي بالدنيا شلون هيج صار وانقلب علية
عباس،،،تقصدت اجمع بأغراضها واباوعلها متأثرة بس متبينلي خطية كل السويتة بيها وكلبي مابرد عليها فطيرة هههه
فاطمة،،،،شو هذا بدة يجمع بملابسة استغربت والفضول كتلني بس مكدر احجي
عباس.،،،تقدمت عليها وهمست بس هاي اغراضج لو عندج شي بعد
فاطمة ،،،دنكت لا هاي هية ماريد شي منكم بعد
عباس ،،،يلا عود اطلعج لسوك المدينة وتاخذين اليعجبج
فاطمة ،،،باوعت عليه بأستغراب
عباس،،،كعد بصفي فاطمة راح ننزل للمدينة باجر ونعيش بيتي هناك
فاطمة ،،،،و.....
خلة ايدة ع حلكي فاطمة بعدين نحجي كومي وتصرفي طبيعي كدام اهلي بس نروح باجر للمدينة يصير خير
فاطمة ،،،مكدر اكوم واشرت ع رجلي كلي بعدها توجعج وتلمسها بأيدة كتلة اي كلي بعد ابرة ثانية الج هسة احضرها واضربها الج
فاطمة ،،، كتلة اريد اغير ملابسي ياريت تشوف ام عدنان تجي
عباس ،، لا هسة تشوف الاثار بجسمج اني اساعدج
فاطمة ،، لاااا مااريد كلتها من ورة خشمي خزرني كلمتي وياج مااثنيها يلا كوليلي شنو تريدين تلبسين
فاطمة،،، خفت منة بكيفك
طلعلي ع ذوقة وغيرلي ملابسي
عباس ،،،شفت ظهرها وجسمها شلون متأذي وانقهرت عليها بهاي الاثناء دك الباب
فتح عباس هلا حجية
الحجية ،،،شبيج يمة سلامات
فاطمة،،،الله يسلمج يمة
الحجية ،،،ركبتها مشطبة وعيونها مورمة بجي وصفرة ماعجبني شكلها
طلعت من الغرفة وناديت عباس وسفة والله ماهكيتها منك تمد ايدك ع حرمة وع فاطمة هالمسكينة ليش ياشيخ احنة هيج ربيناك
عباس ،،،،يمة وكعت شبيج متصدكين
الحجية ،،،مستحيل اخليها تنزل وياك المدينة
عباس،،،لا حجية اسمحيلي لو شيصير اخذها يعني اخذها مااتحمل بعد ارجع عزابي وعندي مرة
الحجية ،،،وليدي لعد ديربالك عليها هاي امانة بركبتك
عباس ،، والله بعيني لتوصيني
فاطمة ،،،مااتحاجينة اني الشيخ ابد ثاني يوم ودعناهم وبجوا علية البنات والحجية وحتى ام عدنان وحسيتهم اخذوا قطعة من كلبي
جنت خايفة من عباس شوي بس مع ذلك فرحانة لان راح نعيش سوة وحدنة واظل بقربة وفرحانة اكثر لان راح اشوف المدينة
ماحجينة شي طول الطريق ومن وصلنة انصدمت بالمدينة وجمالها وبناتها ولبسهم وجمالهم واكلت بنفسي من الغيرة ع عباس والشوفات الي جان يشوفها شلون جان عايش هنا وصلنة البيت وجان وسط مو جبير ومرتب بس بسيط مو مثل بيت اهلة من اول ماوصلنا راح جاب اكل من المطعم وجان طيب هواي جنت كل مااباوعلة ينزل عينة وكل ماارفع عيني الكاه يباوعلي شال الصينية وكام يغسل مواعين اباوعلة واضحك يمة هاي عباس الشيخ يغسل مواعين
عباس،،،باوعتلها تضحك عقدت حاجبي وخزرتها شبيج عيني
فاطمة،،،مابية شي بس مابحياتي تخيلتك بهيج موقف
عباس،،،،اغسل مواعين وملابس وكلشي يعجبج اني هنا شخصية ثانية بالمدينة انسى اني شيخ
وعايش طبيعي كأبسط انسان هنا بس ان شاء الله هذا اخر يوم اغسل بي لان انتي جيتي بعد
فاطمة،،،امممم ان شاء الله اني هم مااحب اخليك تشتغل شغل البيت متعودة عليك شيخ وراح تظل بنظري شيخ
عباس،،،،ضحك واجاني انسي كلمة شيخ هنا ترة ينادوني عباس وعبوسي
فاطمة ،،،عزة عبوسي وضحكت لا مكدر اناديك هيج
عباس،،،بكلبي اكول لو تعرفين شجانت تناديني هيلين بيسو وبسبس واشكال الدلع
عباس،،،،فاطمة خلينة نحجي ماطول صرنة بوحدنة فاطمة اني اعتذر عن البدر مني وعفا الله عما سلف اني جبتج للمدينة لأسباب عدة اولا ،،،موضوع اهلج حتى اذا زرتيهم وتواصلتي معهم ماكو اشكال لان تعرفين الحزازيات بين الطرفين
فاطمة ،،،صحيح
عباس،،،وبالنسبة لحسين
فاطمة،،،غوركت عيني
عباس،،،باوعتلها فاطمة انتي تعرفين بي غلط مو هيج تنأخذ الحكوك وهو حاليا مجرم هارب من العدالة اني لو امبلغ احد من اهلي وعشيرتنة انو لكنا جان سمعتي خبر من البارحة بس هم مااريد اعالج الغلط بغلط ثاني فالمطلوب
فاطمة ،،،باوعتلة والدمعة ع خدي شنو عباس ؟؟
عباس،،،تنسين اخوج وبالنسبة لاهلج نطيتيهم خبر ورقمج يمهم اذا اتصلوا بيج اجيبهم براسي الى يمج بس مستحيل اوصلهم او تروحين هناك
فاطمة،،،وحسين ؟؟
عباس،،،شنو بي حسين
فاطمة،،،راح تتركوه
عباس،،،اني بالنسبة الية مااعالج الغلط بغلط ضد الثار بس ان شاء الله ماالتقي بي لان مااعرف شنو حتكون ردة فعلي بس مااضمنلج احد من اهلي وعشيرتنة والله يسامحة
فاطمة،،،كبر بعيني عباس كمت احن اله من جديد
عباس والشي الثاني الي خلاني اجيبج للمدينة مااصبر بعد بدون مرة والشيطان شاطر وضحك
فاطمة،،،سكتت وماخليت نفسي مهتمة
عباس،،،تقربت منها
فاطمة ،،،درت وجهي اعذرني كل جسمي يوجعني
عباس ،،،رفعت حاجبي مستغرب والفشلة غسلتني حسيتها جبيرة بحقي صح اني غلطت بحقها واذيتها بس مو تصدني هيج كلت اي عيني ليش لا سلامتج وكمت
فاطمة،،،،متت قهر لان سويت هيج يمكن زعل مني بس كلت لازم اخلي لنفسي قيمة ولازم عباس يتربة حتى ميمد ايدة علية خاصة اني ظليت ويا وحدي
وللقصة بقية ،،،،
