فاطمة،،،رحت وديت العشة للمطبخ واحس نفسي بغير عالم رحت لغرفتي غسلت ورتبت نفسي وحسيت نفسي فعلا اني عروس ردت اطلع لغرفتة استحيت ورجعت لغرفتي وظليت كاعدة حسيت مو حلوة بحقي اني الي اروحلة
عباس ،،،ظليت انتظرها تجي ومااجتي كلت هاي شلون حطيت نفسي بموقف سخيف نزلت للحديقة وظليت اباوع ع شباكها
فاطمة ،،،اختنكت من الغرفة ونزلت اتمشى بالحديقة جان الكاه بوجهي وتبسمرنة اثنينة بعد لا نكدر نتقدم ولا نرجع
عباس ،،،مااجاني نوم ونزلت اتمشة
فاطمة ،،،واني هم
عباس،،،،تعاي نكعد هنا جوة الشجرة
كعدنة والجو طيب وريحة الورد والطبيعة تخبل
همس ليش مااجيتي للغرفة انتظرتج
فاطمة،،،باوعت بعيونة ونزلت راسي
عباس،،،متحبين تكونين وياية بغرفة وحدة ؟؟
فاطمة ،،لا بالعكس بس حسيتها صعبة اني اروح لغرفتك حتى كدام اهلك
عباس ،،،ها معاج حق اني اجي لغرفتج لعد تقبلين ؟؟
فاطمة ،،ابتسمت اي هلا بيك
وكف ومد ايدة حتى يكومني طيتة ايدي ولزمها وصعدنة حسيت دكات كلبي تتسارع وجسمي صخن وايدة جانت باردة
وصلت غرفتي فتح الباب وطبينة باوعنا لسرير جان نفر واحد كمنا نباوع واحد ع ثاني وضحكنة ما اعرف شنو السبب
كعدنة ع السرير وكلي مو خوش معزبجية انتي اني وين راح ابات
كتلة عادي ياشيخ نام على السرير واني افرش بالكاع وانام كال لدكوليلي شيخ ناديني بأسمي
وثانيا لو اثنينة ع الارض لو اثنينة ع السرير
كتلة مو الة تنام ظل واكف
عباس قصاص شنو هههههه
ظلينة نضحك من كل كلبنة كتلة خلينا نحجي ومن نعس عود الله كريم
عباس ،،،خوش فكرة اصلا اني نمت هواية مو نعسان بس انتي من تنعسين كوليلي
ظلينة نسولف عن المدينة وعن كليتة ومواقف صارت ويا
كتلة بنفسي ازور المدينة مشايفتها
عباس،،،والله صدك مشايفة المدينة!!! اوعدج اوديج وافررج بيها شارع شارع
فاطمة،،،عباس شلون بنات المدينة
عباس،،،امممم بنات عاديات يعني من اي ناحية تقصدين
فاطمة ،،،يختلفون عنة اكيد
عباس ،،طبعا يختلفون شكلا ومضمونا
فاطمة ،،،شلون يعني
عباس ،،،هسة مو وكت هالموضوع خلي نغيرة
فاطمة ،،،لا منغيرة موضوع حلوة
عباس ،،،اني شنو كلت نغيرة يعني نغيرة وخزرني خفت وسكتت
عباس ،،،ماكتيلي بعمرج حبيتي
فاطمة ،،،لا طبعا
عباس ،،شو لا طبعا
فاطمة ،،،احلى عشك العشك الحلال الي بمرضاة الله سبحانه وتعالى وبعدين اني وين احب وشلون ومابحياتي مقابلة شاب غيرك
عباس،،،صدك تحجين يعني ابن عم ابن خال
فاطمة ،،،ماعندي عمام ابوي وحيد ع 5 بنات واقارب ابوية كل وحدة بمحافظة متزوجة
واهل امي بالمدينة منشوفهم ولانعرف عنهم شي
عباس ،،،معقولة !!
فاطمة ،،،اي ليش مستغرب زين وانت ماحبيت
عباس ،،،،لا ابد
وخلينا نغير الموضوع
فاطمة ،،،كل شوي نغير موضوع ماطلعت تعليلة هاي ياشيخ
خزرني وبعدين من لسانج ؟؟
فاطمة ،،،دنكت وسكتت
عباس،،،ظلينة ساكتين وعيونها بعيني تقربت منها وبستها من خدها تنهدت وتسارعت انفاسها
تذكرت هيلين وشفتها جانت اول بنية ابوسها بحياتي
مااعرف شصار بية تخيلتها هيلين وفقدت
فاطمة ،،، كنت بحلم يخبل مااريدة يخلص
عباس ،،،نمت يمها وراسي ع كتفها كانت فرحانة وعيونها تلمع
عباس،،فاطمة هسة صرتي زوجة الشيخ قولا وفعلا
فاطمة،،،ربي يحفظك الية وميحرمني منك
عباس،،،امين ،،تروحين لغرفتي لو نبقى هنا ترة نصي راح يوكع وضحك
فاطمة ،،،لا نبقى هنا اليوم
عباس ،،اوك نبقى هنا
نمنا حصر ونام ع كتفي احساس ميوصف تمنيت الدنيا توكف وهو يظل بحضني هيج مدى الحياة
عباس ،،بالرغم مو نعسان ومامرتاح بنومتي بس غطيت بنومة ريحتها وريحة شعرها نعشتني
كعدت الصبح مرتاح وشبعان نوم اباوعلها هية ونايمة صدك حلوة وجمالها طبيعي وبسيط
طلعت من الغرفة بهدوء وعلى رؤوس اصابيعي صارت بوجهي ام عدنان وفتحت عيونها وظلت مصدومة
عباس،،،اكو شي ام عدنان ؟؟
ام عدنان،،،،لا شيخ سلامتك يسعد صباحك
عباس،،،رحت لغرفتي وغسلت وبدلت ورحت للحجية
الحجية ،،،صباحية مباركة ياشيخ الله يسعدكم يارب
عباس،،، هاي ام عدنان لسانها يرادلة كص مصيبة والله هالحرمة
الحجية ،،،بالعكس زين شافتك من الزينات هاي هية اعتبر الخبر انطش بالقصر وبالكل عرفت ومن اليوم اخذها لغرفتك كأي زوجين
عباس،،،ان شاء الله بس اني احتمال هاليومين انزل للمدينة
الحجية ،،،،ان شاء الله خير
فاطمة،،،كعدت وحسيت نفسي جنت بحلم حلو معقولة جنت احلم شو ماموجود عباس
اباوع لنفسي بالمراية حسيت شكلي متغير احس صدك شكلي متزوجة شنو الي تغير بية طبيت سبحت وبدلت وخليت مكياج بسيط وطلعت من الغرفة رحت اصبح على الحجية ولكت الشيخ عدها باوعت وابتسمت خجلت
كامت تهلهل الحجية وباستني وباركتلي اجوي جوري وجود ع الهلاهل شكو يمة شنو صاير ليش تهلهلين
الحجية ،،،فرحانة بزواج الشيخ وفاطمة
جوري ،،،يمة صار شهرين معرسين وهسة تفطنتي تهلهلين
فاطمة ،،،خليت ايدي ع حلكي وضحكت واباوع للشيخ هم ضحك ورتب عكالة (يابعد طوايف هلي وكل عشيرتي) ووكف يلا خلي ننزل نتريك
الحجية ،،اني تريكت وهسة ام عدنان توديلكم ريوك لغرفتكم يلا اخذ عروستك وروح
رحنة لغرفة الشيخ
جوري،،،يمة لتخبليني اي عروس مو صارلهم شهرين متزوجين دنضحك ع نفسنا
الحجية ،،،وج انتي شعليج بالامور لتكثرين اسألة وروحي لغرفتج انتي واختج
فاطمة،،،طبينة غرفتة وكلي من اليوم هاي غرفتنة خلي اغراضج بيها واذا تحبين ابدلج الغرفة ابدلة لأنها شبابية واجيبلج غرفة ضخمة مال عرسان
فاطمة،،،استغربت من حجية الغرفة ضخمة وتخبل كلت لا بالعكس تخبل الغرفة مااريد تبدلها ولا تجيب غيرها
عباس،،،صار ان شاء الله
جابت ام عدنان الريوك وتريكنة وكلني بأيدة وكلي ديري بالج تسمنين مااحب السمينة وضحك
فاطمة،،،انسدت نفسي مااكل بعد وضحكت
عباس ،،من تضحك تحرك شي بداخلي جانت فعلا طيبة وبسيطة كمت غسلت ونزلت كتلها لازم اروح للمضيف اشوف شكو ماكو
فاطمة ،،،اي براحتك
نزل الشيخ وظليت ارتب بالغرفة وجبت اغراضي جانت اغراضي قليلة وملابسة كومةنزل الشيخ وظليت ارتب بالغرفة وجبت اغراضي جانت اغراضي قليلة وملابسة كومة شفت جهازة ع الشحن جان الشيخ عندة اكثر من جهاز حاولت افتحة ماعرفتلة وعفتة
عباس،،،تذكرت عفت جهازي ع الشحن من سبحت بس جنت مطمأن توقعت فاطمة متعرف تقرأ ولا تكتب
فاطمة،،،عشنا يومين من العمر جنت من اشوفة يدك كلبي عبالك اول مرة اشوفة وشنو جان يطلب مني او شنو ماجان يسوي بية جنت اتحمل وادوس ع نفسي في سبيل اريحة جنت مااحب يضوج مني
عباس،،،ارتاحيتلها وارتاحيت لوجودها يمي كانت مطيعة ومتحب تكسرلي كلمة او تعاندني وكلشي اريدة دكول صار وتم
فاطمة،،، ورة يومين بالليل نايمة ع صدرة وكلي راح اسافر باجر ان شاء الله للمدينة
فاطمة،،،،صدك عباس وتتركني
عباس،،،شأسوي فاطمة دراستي ومستقبلي
فاطمة،،،عيوني دمعت وكلت الله يوفقك يارب
عباس،،،جبتلج تلفون وخط وخليت بي ارقامي خلي البنات يعلموج عليه وكل متحتاجين شي اتصلي بية
فاطمة ،،،حضنتة قوي وكلت تتأخر عباس
عباس،،،مااعرف ع ظروفي وان شاء الله مااتأخر
ثاني يوم ودعنا الشيخ وركب سيارتة وراح بجيت بحركة وبعد مكدر اطب لغرفتنة رجعت لغرفتي انام بيها وظليت بس اتذكر ذكرياتي ويا والمواقف الي صارت ويانة بهل كم يوم الي عدة
