سعود وسويره بعد ماطلعو من القبيله الي كانو فيها استمرو في مسيرهم لين الصباح بعدها حصلو مكان مثل المغاره ونامو فيها وصحو على الظهر
سعود:اااخ
سويره :وش بك
سعود:احس ان ظهري منقبض
سويره:وكاد مانمت زين
سعود:سويري وش رايك تجي تمسدلياه
سويره: وانا وش عرفني بالمساد
سعود:اييييه وشلون ماتعرف
سويره وهي تقوم بعد ماوضبت اغراضها:قم قم اترك عنك التشكي ذا وخلنا نمشي ودنا نشوف غدير لجل نسقي الخيل مي
خلته وطلعت
قام سعود وهو متالم من ظهره
سعود:مابه فايده منها
لحقها سعود وصعد فرسه وانطلقو بعدها بساعتين شرفو على غدير وكان مليان بنات
سعود وهو مبتسم وفرحان:الغدير ياسويري
سويره شافت الغدير والي عليه
سويره:سعود وش انت ناوي عليه الغدير به نسوان
حرك سعود حواجبه:ايه وحنا وش علينا لزوم نسقي
الخيل
تحرك بعدها سعود ناحيه الغدير وظلت سويره واقفه تناظره وهي تذكر العنود ومغمراتها عند الغدير نزلت دموعها وكبتت عبرتها ، صرخ سعود من عند الغدير عليها
سعود:سوووييييري تعال يارجال
تحركت سويري ناحيتهم وحصلت البنات محاوطات سعود من كل جهه لاكنها راحت لمكان مافيه احد ونزلت وقربت فرسها من الغدير لجل يشرب
