ظل سند يناظر بعيونها وهو مقهور منها
بعدها رجع وقعد مكانه....سلطان كان جالس جنبه ومن الجهه الثانيه كانت العمه ومعها منيره والحرمه الثانيه....اما العنود كانت واقفه على طرف تنتظر تعرف هم وش ايريدو منها وكانت تحس برجيف قليبها من شوفة الشيخ الي هو كان قلبه يرجف اكثر منها هو مشتاااااااااق حييييييل لها واصدمته انها متغطيه
سند:الحريم تشتكي منج انج تطرديهم من بيت العمه
العنود:اييه ما ودي اياهن يجن اهناك
سند:ليه هو بكيفج؟
العنود:ايييه بكيفي
صرخ عليها سند:العنووود.....وش الي بكيفج ذي ....انتي ناسيه من انتي؟
العنود:ابد مانسا من انا....مير ما ودي بشوفتهن عندي ....وذي تراها كذوب تبلت علي بشي انا ما ساويته وانت تدري
....وان طاحت بيدي قتلتها
منيره:انت تسمع يا شيخ ودها تقتلني
سند:ما تقدر تمس شعره منج يا منيره....وانتي ترا منيره تاج راسج تسنعي وخليج بالشور
العنود:اتخسى هي تاج راسي
انقهر منها سند وهي تراده
سند:غصبن عنج هي تاج راسج انتي ناسيه انها حره وبنت عرب احرار....مير انتي وش ؟حياله وحده جايه مضيعه حالها بالبريه لاقبيله ولاسند وغصبن عنج صرتي اسيرتي وغصبن عنج ودج تخدمين حريم الديره.....انتي اهنيا معبوده فهمتي
