وصلتا البيت ومشيت غيرتا ومسكتا تلفوني والواتس اشتغل وبقينا نحكي في حكاوي بعض انو انا حبيت واحد وكان ضابط وهو حكي لي عنو انو كان عاوز بت خالتو بس اول ما سافر هي عرست غايتو كانت حكاوي فيها الحلو وفيها المر المهم عدت الايام لحدي ما جا اليوم المنتظر وبقي يحكي لي انو اتعلق بي قبل ما يشوفني وانو هو بالجد بقي لازم يتكلم معاي كل يوم بديت ارد لي علي كلامو وانو انا برضو بديت اتعلق بي قبل ما اتم كلامي قال لي ي امنيه انا بحبك والله 😍😍 في اللحظه دي جاني شلل اطفال بقيت ما قادره اتحرك جاني احساس اول مره احسو حسيت اني بطير ولا السرير ما فيهو مرتبه ما عارفه المهم جاني هوا بارد في جسمي كلو وحسيت في حاجه بتكلكلني في قلبي جوه وما قادره احكها في اللحظه ديك بقيت زي البومه طبعا لاقادره ارد ليهو اقول ليهو وانا كمان بموت فيك لا قادره اقول ليهو اصبر شويه ما تتسرع هو فهمني قال لي ما الا تردي هسي وانا ما قادره اطلع حس بقيت معدياها ليهو اممممم قعد يضحك فيني 😂😂😂 قال لي بعد فصاحتك دي بتخجلي طبعا بعيد عنكم لساني اطول من برج ايفيل ف الفارغ لكن كلام الحب والحاجات دي بتبلع طوالي واصلنا باقي كلامنا وبقينا احلي من اول
يتبع....
