وصلتا الغرفه حقتنا وانا ما عارفه وصلتا كيف لقيت اماني اختي في عز السخانه ديك متغطيه بي بطانيه 😂 كيف ما تتغطي بعد فيلم الرعب الشافتو دا يلا نسيت احكي ليكم قصت اماني اختي اول ما ابوي قال لي جيبي الموبايل هي دخلتا خلعه واثناء ما ابوي بتكلم وبسال فيني انتي ي اماني افتحي تلفونك براحه واحظري خطيبك وامسحي الدردشه ولغت تثبيت الفيس دا كلو في كسر من الثانيه عملت القصه دي ومن الخلعه مسحت رقم خطيبا وشيل الشاحن افصلي من الكوبس وامشي علي غرفه ابوي دغري وصلي الموبايل جنبو مخلوعه عاد كيف ما تعمل كده 😂 طبعا عملت القصه دي لمن ابوي كان بشاكل فيني جات داخله وبدت توصل في الموبايل وهي ما مجمعه فجاه امي نطقت قالت ليها شيلي الموبايل دا من هنا الوصله دي بايظه وهي قصدها انو ما تشحني جنب ابوي واماني تشيل وتغاط في امي لحدي ما ركزت انها جنب ابوي فجاه شالت الموبايل وجري علي الغرفه واجدعي الموبايل في الدولاب وجيبي البطانيه واتغطي وهي تحت البطانيه كانت عامله كده 😳 لمن ما قدرت تغمض بقت عامله كده 🙈 اول ما جيت داخله كوركت ليها اماني فتحت وشها قالت لي ما دقوك 😂😂 قلتا ليها ولا قرصه ساي ما جاتني قالت لي انعل وشك زاتو انا جاتني حاله نفسيه 😅 وبقينا نضحك لحدي ما نمنا. اصبحنا الصباح علي صوت امي وبقينا نتزكر في الحصل امي فجاه طلعت روحا بطلت القصه وانها لو ما هي ابوي كان كتلني عديل طيب يا امي انتي عملتي شنو 😒 قالت لي قريت سوره يس 😅 يعني عشان انتي قريتيها معناها عشان كده ما دقوني 😂😂😂 قالت لي اكيد طبعا قالت لي والله الخوفه الدخلتيها فيني بالليل داك كنت حا اجي اضربك انا بدل ابوك 😂 ونحنا بنتكلم زولي واخر قولي ضرب 😍😍 طبعا زي الما حصل حاجه شلتا تلفوني وفي اقرب ركن اتجدعت وبقيت اتكلم معاهو وبنتونس كده قال لي في رقم زين بدايتو 09123 داخل علي شكلو ابوك. 😰 قولت شكلو ابوك انا غلبمي اقوم بقيت احبي لحدي باب الغرفه عشان اشوف اابوي جا ولا لاا لحدي ما وصلتا بدايه الغرفه تميت قريب نص ساعه من الخوفه وصلتي ككده زولي ضرب لي قلتا لي اها الحصل شنو وريني سريع 😰😭 الليله بجي يقتلني جد جد
فجاه قال لي مبروك مقدما 😍 اجي يا المبروك مقدما 🙄في شنو يا زول قال لي ابوك ضرب لي واتكلم معاي انو ليه انا اضرب ليك في وقت زي دا واعتزرت لي وقلتا لي ما مفروض اتصل في وقت زي دا بس لانها ليها كم يوم ما بترد علي قلتا اشوفا اذا كويسه وما كان نفسي نتكلم بالشكل دا كان نفسي نتلاقي وش لي وش عشان تعرفني واعرفك وانا والله بتك دي عاوزه لي صدام علي سنه الله ورسوله ومفروض اجي اتقدم بس ظروف الشغل ما سمحت لي لكن اول اجازه ان شاء الله بصلك 😍 وانت ممكن تسال مني ومن اهلي وبعتزر مره تانيه يا خال 😍😍
ابوي قال لي خير ان شاء الله لكن لمن تجي عندي معاك كلام تاني قال لي وانا جاهز وبي كده بقيت مخطوبه من ابوي 😍😍💃💃 وبي كده قصتي انتهت ان شاء الله تكون عجبتكم
#كسره
دايما اختاري الراجل البتقدري تثقي في والراجل البتضمني انو ما يسيبك في اتفه الاسباب الراجل الحتي لو كنتي عاداهو اخو اوصديق وقت تحتاجي لي بتلقي قدام اختاري الراجل المن صوتك بعرفك مالك الراجل المن طريقه كلامك بعرف انك مبسوطه ولا فرحانه اختاري الراجل الفرحه 😍😊
شكرا لي متابعتكم لي حبيت احكي قصتي عشان بالجد في ناس بستاهلو انو نحكي عنهم ما عشان فرحانين بيهم او كده بالعكس عشان يدو امل لي غيرم يجربو ويعيشو😘
#ابقو انتو عشانكم انتو ما عشان زول تاني
