البدايـــــــه كـــــانت صــــدفه زي كل مره بعرف ناس صدفه وبمرو في حياتي وما بتاثر بيهم بس دا حكايتو معاي حاجه تانيه خالــــــــص حبيتو قبل ما اشوفو قريت مره مقوله بتقول الاذن تعشق قبل العين احيانا لكن لا انا عشقتو من كتابتو من طريقه ردو لي علي الرسايل اساسا عرفتو ف الفيس الكلنا بنستهتر انو مافيهو علاقات بتنجح وانا وحده من الناس كنت ما بايد فكره انو اصدق لي واحد ف الفيس انا الفي الواقع عندي فيهم راي كمان يجيني واحد من الفيس. يلا جا زولي دا وغير لي راي في اي حاجه كنت خاتاها في راسي رسل لي طلب صداقه زي اي طلب صداقه بمر علي ما اشتغلتا بالفكره وما عاينتا للطلبات مرت الايام وجاني اشعار انو وصلتا الحد الاعلي في طلبات الصداقه لازم احذف عشان تجيني طلبات دخلت صفحتي ومنها دخلت علي طلبلت الصداقه وبديت احذف لانو ما بعرف فيهم زول حذفت 9 طلبات ولمن وصلتا للطلب العاشر عاوزه امسحو اتلخمتا ودوستا موافقه وما كنت قاصده واصلت بعديها في الحذف لحدي ما خلصت وطلعت من الفيس قفلت الشبكه وواصلت حياتي عادي وكأن شيئا لم يكن خصوصا كنت طالعه من صدمه وبديت انساها وشبه نسيتا بدخل الفيس بقرا وبعلق وبطلع ما عندي علاقه بالخاص لحدي ما يوم نزلتا الماسنجر كنت بكسل ادخل الخاص لانو ما كنت منزله ماسنجر ونزلت الماسنجر وفجاه جاتني رساله ف الماسنجر بتقول السلام عليكم وشكرا لي قبول الطلب رديت وعليكم السلام والعفو ما كترتها وانا بتكلم براي دا منو هو دا ومتين انا قبلتا طلبو عشان يشكرني يلا ما فارقه اكيد لمن اطنشو وما اتكلم معاهو براهو بلغي الصداقه جيت بعد ساعه دخلت الفيس واول ما ادخل برسل لي جاتني رساله بقول لي فيها ممكن اتعرف عليك اذا ما عندك مانع صراحه كان عندي كسر جواي وكان نفسي احكي لي زول قلتا اذا لقيتو زول كويس وحيفهمني حا حاول افضفض معاهو اما اذا طلع زي الشفع البتعاورو زي كل مره حا احزفو بدا يحكي لي انو شغال بره الخرطوم وانو ما من الخرطوم وانو لي ظروف الشغل ما بمشي لي اهلو كتير وسبحان الله شغال نفس شغل زولي الفات طبعا زولي الفات كان ضابط نسيت اقول ليكم والعرفتو صدفه طلع ضابط برضو بس ضابط لي ضابط بتفرق
.
#تعديل1
اتعرفنا علي بعض زي اي اتنين بتعرفو علي بعض ف الفيس البدايه كانت جامده شويه يعني فيها شي من الجمود وعدم الحركه بس في النهايه دا طلع الهدؤء الذي يسبق العاصفه بقيت لازم ادخل الماسنجر عشان اشوف رسايلو وهو بقي لازم يرسل لي كل يوم ويسال عن حالي طبعا انتو حتكونو مستغربين انو استمرينا كيف من غير ما نشوف بعض ما انتو براكم انا زاتي مستغربه معاكم يعني اول مره يلاقي واحد واتواصل معاهو وما يقول عاوز يشوفني او عاوز يلاقيني مع انو انا شفت صورو ف الفيس وفي البروفايل بس كنت محتاره شديد انو لي ما طلب مني يشوفني #بقينا متعودين علي عواره الاولاد سبحان الله يلا عدت الايام وانا كل يوم بتواصل معاهو ماسنجر وفي الماسنجر رسايل بس كنت بخاف علي الميقابايت يخلص والله وانا يا الله بنشط غايتو لو عرف حيخليني المهم عدت الايام والشهور وبقينا متعلقين بي بعض اكتر من اول لحدي ما يوم كنت عيانه وما قدرتا ادخل الماسنجر عشان ارسل لي عدت. 3ايام من غير ما ارسل لي ولا احكي لي انو انا كنت عيانه في اليوم الرابع دخلتا الماسنجر ولقيت 35 رساله منو بسال فيها عني وبقول لي قلقتي بي ويا بت وين انتي الحاصل شنو طيب ادخلي طمنيني واطلعي بقيت مبسوطه انو قلقان علي وما مبسوطه لانو ما اتكلمت معاهو ولانو خليتو يقلق علي اول ما رسلت ليهو رساله قال لي ما عارف اعمل شنو في اللحظه دي يعني اكورك انك دخلتي ولا اشاكلك لانك خليتيني براي ولا ازغرت لانو رسايلك جاتني بقيت بضحك ما عارفه ارد اقول شنو بتخجل زي الجايين يخطبوني قبل ما ارد قال لي رسلي رقمك سريع😡😡
لا اراديا رسلتو لي من غير ما افكر زي كل مره ومن غير ما اخت فيها حاجه رسلتا رقمي وبتكلم معاهو ف الماسنجر فجاه دخل علي رقم رديت واستبعدتا انو يكون دا هو لانو هو بتكلم معاي ف الماسنجر اول كلمه قالا لي ليه ما قلتي لي انو انتي عيانه بقيت وحاتكم اتبسم زي نار القصب واشيل واتلولح زي مروحه التربيزه فرحانه عاد كيف ما اتلولح
يتبع.....
