مرت الايام والشهور وبقينا متعلقين بي بعض شديد وكلمتا امي عنو حتي اختي وريتا يلا اختي دي قصتا معاهو قصه بحكيها ليكم قدام😂😂 المهم بقي يعرف عني كل صغيره وكبيره وانا بقيت بعرف عنو اي حاجه يوم قاعدين نتونس انا وامي واماني اختي طبعا اماني اختي اصغر مني داخله علي الجامعه واتخطبت يادوب ف العيد وجديده علي الحب والكلام دا يلا امي قامت سالتني منو قالت لي زولك دا جادي ولا ساي قلتا ليها ساي 😂😂 قالت لي الرماده في خشمك كان ساي وبقينا نضحك قام هو ضرب قلتا لي هسي في سيرتك امي سالت منك وقالت لي الزول دا جادي ولا ساي قال لي طبعا انتي قلتي ليها ساي قلتا لي اكيد طبعا ما بتوصيني وقعدنا نضحك قلتا بعدين انت عندك مبادي جلحات وانا ما بحب الجلحات صراحه قال لي ليك علي احلق شعري من بدايه محل الجلحات عشان تكون جلحات جد جد 😂😂 شوف كمان البت قال عندك جلحات ي بت انتي ما بتعرفيني كان كده انا لمن اجي مارق ساي البنات برجوني ف الشارع عشان يشوفوني بس خلي انتي عاوزه تتجدعي فيني 😂😂 تمينا ونستنا وقفلتا منو ورجعنا تمينا ونستنا انا وامي ونحنا بنتونس ابوي جا داخل قال لينا مجتمعين ف الحرم ان شاء الله قلنا لي جمعا قال لينا اها مبسوطين مالكم الليله قلتا لي يعني نحنا ما نضحك ف البيت دا ولا شنو قال لي غريبه يعني قلتا لي ما غريبه ولا حاجه بس انت البتكون ماف عشان كده بعديها طلعت منهم ومشيت اجهز حاجات الشغل عشان اتحرك وكالعاده حافظ مواعيدي بالثانيه طلعتي من البيت ضرب قال لي مفروض تكوني جنب مزيره نا خالتو كلتوم جارتكم قعدت اضحك لانو فعلا كنت ماشه عليها عشان اشرب منها لانو متعوده اشرب منها صباح ومسا.
يتبع.....
