عدت الايام وبقينا روح وحده في جسدين لازم اصحي الصباح علي صوتو قبل اي حاجه وهو لازم يسمع صوتي قبل ما يطلع بقينا حافظين تفاصيل بعض اكتر من اي حاجه تانيه مرات بكون مشغوله شديد وزهجانه فجاه يتصل علي ويقول لي كيفك وانا بي كل تعب وبي اخر نفس بقول لي كويسه بقول لي لا كذابه ما كويسه لانو انا حافظك اكتر من نفسي صوتك بقول انك ما تماام في شنو من غير ما اشعر ببدا احكي لي عن المضايقني وعن القافلا معاي لحدي ما اخلص من كلامي بلقي نفسي ارتحت والزهج راح
.
#كسره لمن تصل مرحله انك تحكي لزولك من غير ما تشعر بالجواك كلو من غير ما تدس منو حاجه اتاكدو تماما انكم وصلتو مرحله الثقه التامه 😍
خلصتا شغلي اليوم داك وكنت شغاله مسا اتكلمنا لحدي ما وصلتا البيت اول ما دخلتا لقيت ابوي جا من السفر طبعا ابوي كان مسافر اخد ليهو سفره كده وجا وكنت راجياهو يجي عشان وعدني انو يجيب لي تلفون دخلتا وسلمتا علي ابوي واتونسنا ابوي طلع الموبايل الجديد واداني ليهو 😍😍 قال لي علي فكره ما مجاني الموبايل دا كل شهر تخصمي من المرتب وتديني قلتا لي اوكي 😂 بدينا نحول في الحاجات من موبايل ابوي القديم للموبايل الجديد طبعا ابوي اشتري موبايل لي نفسو برضو بقينا بنحول انا واماني اختي ونحنا بنحول نسيت موبايلي القديم فجاه بقيتو قديم 😂 ما فرحانه كيف ما ابقي قديم المهم ونحنا بنحول زولي ضرب في موبايلي وانا ما شايفاهو لانو الموبايل صامت خصوصا انو ابوي كان جنبنا ضرب وما شفت المكالمه فجاه ضرب تاني وما يشوف المكالمه الا ابوي 😔😭 فجاه ابوي قال لي الموبايل دا بضرب 😡 قلتا لي ااااا😳😰 قال لي جيبي الموبايل دا سريع يلا ابوي النوع الكعب لمن يزعل ولا لمن تعملي حاجه من وراهو فجاه في اللحظه ديك فقدت الاحساس وبقيت ما بشوف وما بسمع شال الموبايل وقال لي تعالي وراي سريع 😡 انا دي بقيت برجف زي الجلي وجاني هبوط وشفت الوان الطيف كلها قدامي ومتاكده اول ما ادخل معاهو الغرفه حيقطع فيتي كف يفقدني الذاكره 🤤😭
يتبع.....
