Bakit ganon? Bakit ang dali mong makalimot?
Madaling makalimot sa masayang pinagsamahan
Dahil lamang sa isang pagkakamali
Mas pinili mo na lang akong iwan sa kawalan
Bakit ang bilis mong bumitaw sa ating pangako sa isa't-isa?
Kasabay ng pagbitaw mo sa aking mga kamay
Ang pagbitaw mo sa mga salitang hindi ko inakalang iyong isasambitla
At ika'y tumungo sa direksyong malayo sa aking presensya
Bakit ang bilis maglaho ng iyong pagmamahal?
Dinaig pa ng pagpalit ng iyong nadaramaang bilis ng pagdaan ng kidlat
Galing sa pagluha, ang mga magang mata'y iminulat
Sa mapait na katotohanang ang pag-ibig ay nagwakas na
At sa mga araw, linggo, at buwan na nagdaan
Patuloy pa rin sa pag-usad ang pusong hapong-hapo na
Habang patuloy ang isipan sa kakasagot sa isang tanong
Isang tanong na ang sagot ay maibibigay lamang sa tamang panahon
YOU ARE READING
I'm Fine
PoetryMga tulang sumagi lang sa isipan nang wala sa oras, hinugot sa realidad, at nabigyan ng pagkakataong masulat ng mga kamay na kating-kati magtipa, utak na kung ano-ano ang laman, at ng pusong hindi malaman kung ano ba ang dapat nitong maramdaman.